Fréttablaðið - 09.10.2020, Blaðsíða 48

Hlutverk safnsins
er að leggja áherslu
á íslenska hönnun. Til
dæmis var sýning um
Svein Kjarval húsgagna-
arkitekt sem lauk fyrr á
þessu ári ákaflega vel
sótt.
Elín
Albertsdóttir
elin@frettabladid.is
Sigríður Sigurjónsdóttir er forstöðumaður Hönnunar­safnsins og hefur starfað þar í
þrjú ár. Áður rak hún Spark Design
Space við Klapparstíg í sex ár
sem er sýningarsalur og verslun
fyrir íslensk hönnunarverkefni.
„Verkefnin tengdust oftar en
ekki Listaháskóla Íslands en þar
starfaði ég sem prófessor í vöru­
hönnun. Mér þótti erfitt að horfa
upp á góðar hugmyndir sem nem­
endur og samstarfsfólk mitt við
Listaháskólann voru búin að setja
mikinn tíma í, gera frumgerðir og
rannsóknir, en svo enduðu verk­
efnin oftar en ekki ofan í skúffu.
Spark var hugsað sem farvegur til
að klára þessi verkefni og koma
þeim á framfæri,“ segir Sigríður
og bendir á að nú séu í gangi þrjár
mjög áhugaverðar sýningar í
Hönnunarsafninu en því miður
þarf safnið að loka tímabundið eða
til 19. október vegna COVID.
Meðal þeirra sýninga sem nú
eru í gangi er100% ULL en þar má
finna sex mjög áhugaverð verkefni
þar sem íslenska ullin er í aðalhlut­
verki. „Um er að ræða hljóðvistar­
lausnir, dýnur, vandaðan fatnað,
íslenskt vaðmál, sængur, kodda,
gólfteppi, alls kyns efnistilraunir
og röggvarfeld, svo eitthvað sé
nefnt,“ segir hún. „Hlutverk safns­
ins er að leggja áherslu á íslenska
hönnun. Til dæmis var sýning um
Svein Kjarval húsgagnaarkitekt
sem lauk fyrr á þessu ári ákaflega
vel sótt og sömuleiðis sýningin
100% ULL sem við vorum að opna.
Við ákváðum að bjóða frítt inn á
100% ULL til að kynna safnið og
það hefur greinilega áhrif. Það eru
yfirleitt viðburðirnir sem draga
til sín flesta gesti. Við höfum
til dæmis farið í gegnum sögu
Rómarborgar í matarboði og sögu
Belgrad í gegnum tónlist. Þetta var
í tengslum við sýningu á borgar­
kortum eftir Paolo Gianfranc­
esco, ítalskan arkitekt sem býr á
Íslandi,“ upplýsir Sigríður.
Þátttakendur sýningarinnar
100% ULL koma frá ólíkum
sviðum hönnunar og handverks
en eiga það sameiginlegt að vinna
af hugvitssemi með íslensku
ullina í sínum afurðum: Ásthildur
Magnúsdóttir vefari, Magnea Ein­
arsdóttir fatahönnuður, verslunin
Kormákur & Skjöldur, fyrirtækið
Kula by Bryndís, sem sérhæfir sig
í hljóðvistarlausnum, samstarfs­
verkefnið Ró og ullarvinnslu­
fyrirtækið Ístex, en sýninarstjórar
eru Birgir Örn Jónsson og Signý
Þórhallsdóttir þannig að það eru
margir sem hafa atvinnu af hverri
sýningu.
„Við þurfum því miður að
af bóka tíu grunnskólahópa og
einn framhaldsskólahóp vegna
lokunarinnar. Við höfum verið að
bjóða grunnskólum sérstaklega
upp á leiðsögn og vinnustofu tengt
sýningunni 100% ULL. Þetta er
einstaklega áhugaverð sýning sem
snýst um að nota staðbundið hrá­
efni í vandaðar vörur sem endast
lengi. Við þurfum líka að af bóka
leiðsagnir og Hönnunarskóla
Hönnunarsafnsins,“ segir hún, en
auðvitað vonast allir til að eðlilegt
starf geti hafist sem fyrst aftur.
„Á mánudaginn erum við búin
að bóka kvikmyndatökumenn
sem ætla að vinna með okkur
leiðsögn um sýninguna 100% ULL
sem við getum sett inn á Facebook
og heimasíðu safnsins. Í síðustu
lokun vorum við til dæmis með
beina útsendingu á Facebook
af vefara sem var hjá okkur í
vinnustofudvöl, Ásthildi Magnús­
dóttur. Þetta var alvöru vefútsend­
ing. Það kom okkur skemmtilega
á óvart að nokkur þúsund manns
fylgdust með Ásthildi vefa og
spjalla. Við færðum hana líka út
í glugga þannig að fólk gat fylgst
með henni þegar það gekk fram
hjá safninu. Í augnablikinu erum
við með fuglasmið í vinnustofu­
dvöl, Sigurbjörn Helgason, og
nú förum við auðvitað á f lug
með honum og gerum eitthvað
áhugavert og skemmtilegt,“ segir
Sigríður, svo segja má að safnið sé
lifandi þótt dyrnar séu lokaðar.
Sýningar Hönnunarsafnsins eru
afar fjölbreyttar. „Safninu er skipt
í þrjú sýningarrými, vinnustofu­
rými í anddyri safnsins, sýn­
ingarsal þar sem við setjum upp
hefðbundnari sýningar og svo loks
rannsóknarými sem við köllum
Safnið á röngunni. Þar erum við til
dæmis með skráningarverkefni á
vegum safnsins, ýmis rannsóknar­
verkefni sem tengjast hönnun eins
og til dæmis rannsókn á íslenskri
myndmálssögu sem Guðmundur
Oddur Magnússon leiddi og er
nýlokið. Í dag fer fram í þessu rými
forvarsla og skráning á textíl­
verkum safnsins. Síðan erum við
líka með frábæra safnbúð,“ bendir
Sigríður á.
„Þá verður sýningin íslensk
leirlistasaga frá 1930­1970 opnuð
27. nóvember. Hún verður alveg
mögnuð. Þetta er svo flott tímabil.
Inga S. Ragnarsdóttir og Kristín G.
Guðnadóttir eru sýningarstjórar
á þessari sýningu en samtímis
gefa þær út bók um sama efni,“
segir Sigríður og vonandi eiga sem
flestir eftir að fylgjast með safninu
á Facebook.
Íslensku ullinni
gerð góð skil í
Hönnunarsafninu
Hönnunarsafn Íslands í Garðabæ leggur sérstaka áherslu
á íslenska hönnun. Þar hafa margar áhugaverðar sýningar
verið settar upp og núna eru þrjár nýjar í boði.
Sigríður Sigurjónsdóttir, forstöðumaður Hönnunarsafns Íslands í Garðabæ. FRÉTTABLAÐIÐ/STEFÁN
Margir listamenn leggja sýningunni 100% ull lið.
Það er skemmtilegt að litast um á ullarsýningunni í Hönnunarsafninu.
Sigurbjörn Helgason hefur komið sér fyrir í vinnustofunni í safnbúð Hönn-
unarsafns Íslands.
Fuglarnir eru unnir úr ýmiss konar efnivið eins og hreindýrshornum, reyni-
viðardrumbum og rekaviðarbútum.
6 KYNNINGARBLAÐ FÓLK 9 . O K TÓ B E R 2 0 2 0 F Ö S T U DAG U R