Fjölrit RALA - 13.09.1980, Qupperneq 35

27
Þurrheysverkun.
Unnið var að tilraunum með þurrkun heys á velli. Gerð var ein tilraun
með snúningstíma heys. Sýndi hún hagstæð áhrif þess að snúa heyinu sem allra
fyrst eftir slátt, innan tveggja stunda frá slætti. Er þá miðað
vió árdegisslátt í sæmilegum þurrki. Nokkrar mælingar á nærviðri heysins
bentu til þess, að sólgeislunin nái aðeins til efstu stráanna í flekknum,
en neðar sé kalt og rakt loft með litlu eimhungri. Athugunum þessum verður
haldið áfram að sumri.
Vegna prófunar á tveimur sláttuþyrlum með heytæti voru gerðar tvær þurrk-
unartilraunir í því skyni að kanna þurrkunarörvandi áhrif vélanna í sam-
anburði við notkun heyþyrlu eingöngu. Áhrif heytætanna til örvunar þurrk-
unarhraða reyndust fremur lítil (sjá prófunarskýrslur nr. 493 og 492). Ef
aðstæður leyfa/ verður tilraunum með vélar af þessu tagi haldið áfram næsta
sumar.
Spurningunni um það, hvort betra sé að slá í tvísýnum þurrki (en á „réttu"
þroskastigi) eða bíða öruggs þerris, var enn sinnt. Lokið var fóðrunarathugun
á heyflokkunum, sem aflaó var sumarið 1978. Tilraunin var endurtekin sumarið
1979; fóðrunarathugun á því heyi fer væntanlega fram í febrúar 1980. Að
henni lokinni verða allar tilraunir í þessu verkefni gerðar upp, en þær
hafa staðið frá sumrinu 1977.
Gerðar voru tilraunir með mismikið loftmagn við súgþurrkun vélbundins
heys. Kom fram talsverður munur á þurrkunarhraða heysins og verkun þess. Á
sviði súgþurrkunar var einnig unnið nokkuð að mælingum á loftmótstöðu í hey-
stæöum.
Loks má geta athugunar á notagildi íblöndunarefnis í þurrhey, en áhugi
á efnum, sem verndað geta þurrlegt hey í geymslu, er talsverður um þessar mund-
ir. Reynt var efnið „Hay savor" frá fyrirtækinu Kemin, en efni með sama heiti
var reynt á Hvanneyri fyrir áratug. Efnið reyndist ekki draga að ráði úr hita-
myndun í heyinu (rakastig 25-30%) í athugun þessari. Má vera, að áhrifaleysi
efnisins sé að einhverju leyti ójafnri íblöndun að kenna.
4. Innréttingar og tæknibúnaður í útihúsum.
Haustið 1977 hófust tilraunir meó húsvist sauöfjár. Að tilraununum er
staðið í samvinnu við Bændaskólann á Hvanneyri með fjárstyrk frá Byggingar-
stofnun landbúnaðarins og framleiðnisjóði. Þessum tilraunum er ætlaö að veita
svör við því, hvaða áhrif mismunandi húsagerð hefur á þrif fjárins. Snemma
árs 1979 kom út skýrsla, Tilraunir með húsvist sauðfjár (Fjölrit RALA,
nr. 41), og er þar greint frá fyrsta árs niðurstöðum. í tilrauninni eru
nú 120 ær, og reynd eru bæði einangruð og óeinangruð hús með eða án gólfgrinda.