Fjölrit RALA - 13.09.1980, Síða 50

40
Allmörgum stofnum af vetrarrúgi (Secale cercale) var sáö til athugunar
sumarið 1977. Afföll voru mikil en af þeim plöntum sem liföu var upp-
skoriö korn. Nokkur ástæða þykir til aö kanna betur möguleika á ræktun og
kynbótum þessarar tegundar við íslenskar aðstæður.
FRÆRÆKT
Sumarið 1979 var afleitt til fræræktar vegna kulda og þurrka. Þó
gáfu nokkrar línur af vallarsveifgrasi af sér gott fræ bæ5i á ofanverðum
Geitasandi og á Sámsstöðum. Uppskera varð um 250-300 kg af hreinsuðu
fræi miðað við hektara sem er gott með tilliti til árferðis.
Um vorið var sáð til fræræktar í nær 45 hektara lands, að jöfnu
túnvingli og vallarsveifgrasi.
Auk íslenskra stofna var sáð til í 5 ha af norsku afbrigðunum
Holt (vallarsveifgras) og Leik (túnvingull) en þau hafa reynst mjög vel
í tilraunum víða um land. Ræktun þessara stofna til fræs hefur gengið
illa í Noregi og hefur það hindrað að þeir kæmust á markað hér. í
tilraunum á Geitasandi hafa þessir stofnar hinsvegar reynst mjög fræ-
gefnir.
Aðstaða og vélabúnaður til þurrkunar og hreinsunar á fræi batnaði
verulega á árinu. Mestu máli fyrir aukna frærækt var þó tilkoma nýrrar
sláttuþreskivélar sem Áburðarverksmiðja ríkisins gaf til fræræktarverk-
efnisins í tilefni af 25 ára afmæli verksmiðjunnar.