Fjölrit RALA - 13.09.1980, Side 51

41
GARÐ- OG YLRÆKTARRANNSÓKNIR.
Haldið var áfram ýmsum verkefnum á sviði berja- og matjurtagróðurs.
Nokkuð var fengizt við fjölgun einstakra berjarunnaafbrigða á Korpu, sem
mjög lítið var fyrir af, en eftirtekjan varð rýrari en vonir höfðu staðið
til sakir þess hve hæg þrif voru í móðurplöntum langt fram eftir sumri.
Græðlingaefni reyndist því ófullnægjandi að vöxtum og þroskaðist hægt. Hins
vegar rótuðu græðlingar sig vel og voru hæfir til pottunar í september.
í jarðarberjasafn stofnunarinnar bættust fimm ný afbrigði frá Noregi. En
með því, sem fyrir var og tekizt hefur að varðveita, eru afbrigðin nú samtals
tíu. Ef svigrúm leyfir, verður reynt að hraða aukningu þeirra, svo að unnt
verði að setja í gang samanburðartilraun bæði á bersvæði og í gróðurskýlum og
jafnframt að dreifa plöntum á tilraunastöðvarnar, hafi þær tök á að kanna
ræktunarhæfni þeirra. Væri mjög æskilegt að afla víðtækra upplýsinga um þetta
atriði. Fyrir berjagróður var hafinn undirbúningur að rýmkun svæðis innan
skjólgirðingar/ sem er við byggingar á Korpu, en þar mun þeim ætlaður frambúðar-
staður. Ýmis gróður er fyrir á svæðinu, sem finna þarf annað pláss fyrir að ári.
Af matjurtum var á Korpu ræktað dálítið af Kálfafellsrófu-
fræi í plasthúsi; eins fékk stofnunin nokkrar fræmæður gulrófna frá
Kópsvatni í Hrunamannahreppi. Hefur sá stofn verið þar í ræktun um nokkra
áratugi og mun upprunalega hafa verið valinn úr Kálfafellsrófu. Er þessi gul-
rófa að sjá álitleg. Nokkrar fræmæður gulrófna voru settar niður úti, í vari
skjólgóðrar girðingar, en sakir sérstaklega erfiðrar veðráttu náðu þær ekki
að þroska fræ, en hefðu að líkindum komið því við, ef einhver fræræktun hefði
verið stunduð.
Unnið var áfram á Korpu með stofnatilraunir eftirfarandi káltegunda:
blómkál, hnúðkál, hvítkál og spergilkál. í tilraunir þessar voru teknir inn
nokkrir nýir stofnar í stað eldri/sem felldir voru út. Eftirtekja reyndist
rýr. Nokkrum stofnum af þessum tegundum var einnig komið fyrir til athugunar
í aðrar tilraunastöðvar. Þær eiga þó erfitt með að sinna að ráði garðræktar-
verkefnum, sakir annarrá verka. Að þessu leyti virðist Bændaskólinn á
Hvanneyri vera bezt settur. Þar hafa garðræktarathuganir aiikizt mjög undan-
farin tvö ár. Hefur skólinn ágætlega skjólgott land í þessu skyni/ og er starf-
semin til fyrirmyndar.
Byrjað var á tveimur smærri verkum með ráuðrófur og ertur, en ýmislegt olli, a5
þessu farnaðist illa, ekki sízt það, hversu seint voraði til útiverka.
Talsvert af trjáplöntum var gróðursett í land á Korpu við svæði, sem
brotið var fyrir matjurtatilraunir. Var hér eingöngu um víði og ösp að ræða,
ætlað sem frambúðarskjól. Eins var umfangsmikil gróðursetning við byggingu
á Keldnaholti eftir skipulagsuppdrætti, sem gerður hefur verið.