Fjölrit RALA - 13.09.1980, Blaðsíða 75

65
Haukur Júlíusson kenndi hluta af byggingarfræði í bændadeildinni á Hvanneyri.
Hann stjórnar Hvanneyrardeild slökkviliðs Borgarfjarðar.
Hólmgeir Björnsson var prófdómari í Háskóla Islands og búvísindadeildin
á Hvanneyri. Hann átti sæti í dómnefnd um kennarastöður í jarðrækt
búvísindadeildinni á Hvanneyri og í nefnd, sem vann að reikni-
líkanagerð fyrir mjólkurkúabú.
Ingvi Þorsteinsson kenndi um gróður- og jarðvegsfræði í verkfræði- og raun-
vísindadeild Háskóla íslands.
Jón ólafur Guðmundsson kenndi hluta búvélfræði í búvísindadeildinni á Hvann-
eyri.
Sigrún Helgadóttir tekur þátt í starfi Skýrslutæknifélags Islands. Hún er
formaður orðanefndar Skýrslutæknifélagsins. Sigrún er fulltrúi RALA
í Hagsmunafélagi DEC tölvueigenda. HÚn er fulltrúi RALA i nefnd, sem ræðir
um tengingu íslands við norrænt gagnanet.
Sigurgeir ólafsson á sæti í eiturefnanefnd. Hann kenndi plöntulífeðlisfræði
í Verkfræði- og raunvísindadeild Háskóla íslands á haustmisseri.
Stefán Aðalsteinsson gegnir embætti ullarmatsformanns. Hann er formaóur
tilraunaráðs landbúnaðarins. Stefán kenndi í Háskóla íslands: á vor-
misseri stofnerfðafræði fyrir líffræðinema á 3. ári, á haustmisseri:
tölfræði I fyrir líffræðinema á 1. ári og tölfræði fyrir læknanema á
2. ári. Hann tekur þátt í störfum hóps á vegum Rannsóknaráðs ríkisins um
landbúnaðarþróun.
Sturla Friðriksson er í stjóm umhverfisnefndar NJF. Hann var formaður í
dómnefnd sem fjallaði um hæfni umsækjenda um kennarastöður í búvísinda-
deildinni áHvanneyri. Sturla er í stjórn Surtseyjarfélagsins.