Fjölrit RALA - 15.01.2001, Page 11

hafði lúpínan upphaflega verið sett í lítið gróin svæði. Þau minnstu voru innan við 1
ha að stærð, umgirt grónu landi, en annars staðar var um víðáttumikla mela eða sanda
að ræða. Nánari lýsingu á hveijum stað er að finna í 1. viðauka.
AÐFERÐIR
Alaskalúpína Qölgar sér með sjálfsáningu. Á öðru til þriðja sumri taka plöntur að
blómstra og bera fræ. Fræmyndun er mikil og eru fræ allstór og dreifast ekki langt frá
móðurplöntunum. Ungplöntur vaxa því flestar upp í nágrenni þeirra og með tímanum
myndast samfelld breiða sem stækkar út frá jöðrum. Lúpínan er því að jafnaði yngst
við jaðarinn en elst inn í miðri breiðu. Ef lagt er mælisnið inn eftir lúpínubreiðu, af
því landi sem hún sækir út á og inn í elsta hluta breiðunnar, má afla upplýsinga um
hvaða breytingar hafa orðið í tímans rás. Þeirri aðferð var beitt við rannsóknimar (2.
mynd).
Á hveijum stað var reynt að afla sem bestra upplýsinga frá staðkunnugu fólki um
hvar lúpína hefði fyrst verið sett í land og hvemig hún hefði breiðst út. Á nokkmm
svæðanna var einnig hægt að nota loftmyndir til að ganga úr skugga um þetta. Skoðun
á breiðunum á vettvangi gat líka gefið vísbendingar um hvar lúpínan var elst og
hvemig dró úr aldri hennar út til jaðranna. Þetta mátti m.a. ráða af stærð og þéttleika
lúpínuplantna, sinulagi og undirgróðri í breiðum. Aðstæður til gróðurmælinga vom
bestar þar sem lúpínan hafði breiðst óhindrað um víðáttumikil, einsleit svæði án áhrifa
af öðrum landgræðslu- eða skógræktaraðgerðum.
lúpínubreiða
lupin patch
2. mynd. Skýringarmynd af lúpinubreiðu og mæliaðferð semnotuð var í rannsókninni.
Figiire 2. A drawing explaining the sampling method used in the study.
9