Fréttablaðið - 27.11.2020, Side 44

Sólveig Baldursdóttir blaða-maður var fararstjóri Íslendinga til Boston í mörg ár
um þakkargjörðarhelgina. Fyrsta
ferðin var árið 2001 en þá starfaði
Sólveig sem ritstjóri Gestgjafans.
Þegar hún er spurð hvernig það hafi
komið til, svarar hún: „Auglýsinga-
stjórinn minn á Gestgjafanum,
Anna Þorsteinsdóttir, bað mig að
koma með sér á fund með Icelanda-
ir þar sem hún var að ná samningi
við fyrirtækið varðandi aug-
lýsingar. Á þeim fundi kom upp að
það vantaði fararstjóra í Thanksgi-
ving-ferð sem Icelandair var með til
Boston, það þyrfti að vera mann-
eskja sem væri kunnug staðháttum
þar. Ég upplýsti að ég hefði reyndar
búið í Boston en hefði enga reynslu
í fararstjórn. Icelandair-maðurinn
vildi endilega að ég prófaði því sá
sem hafði átt að fara í þessa ferð
hafði forfallast með skömmum
fyrirvara. Það var því fyrir algera
tilviljun að ég fór sem fararstjóri
til Boston. Það var svo ekki fyrr
en fyrir tveimur árum að ég fór í
fararstjóranámið í Háskóla Íslands.
Ég fór í níu Thanksgiving-ferðir
til Boston og allar voru sérlega
skemmtilegar. Boston var síðan
orðin eins og heimaborg Íslendinga
og þurfti ekki lengur fararstjóra
fyrir fólkið,“ segir Sólveig.
Hamagangur í verslunum
Hún segir að áhuginn á ferðunum
til Boston hafi verið gífurlegur.
„Á þessum tíma var hægt að
kaupa vörur mun ódýrar þar en
hér á landi. Farþegar þurftu að
vita hvar átti að finna hagstæðu
verslanirnar og þar sem ég var
kunnug borginni, hafði verið þar
við nám í þrjú ár, gat ég auðveld-
lega lóðsað fólkið,“ segir hún.
„Boston er mekka matarmenn-
ingar og ég bjó til lesefni þar sem
ég leiðbeindi farþegunum um
hvar bestu veitingastaðina væri að
finna í ýmsum matarstílum. Það
lagðist vel í fólkið og svo var farið í
einn alvöru þakkargjörðarkvöld-
verð með kalkúni og öllu tilheyr-
andi meðlæti. Óhætt er að segja að
það hafi verið geysilegur hama-
gangur í verslunum alla Thanks-
giving-helgina og rosaleg umferð í
borginni. Í verslunum á Newbury
street í Boston er að finna dýrar
merkjavörur og þangað vildu
margir fara. Ég fór svo alltaf eina
ferð í Wrentham-outlet mollið þar
sem var hægt að gera mjög góð
kaup,“ segir Sólveig og bendir á
að farþegar hafi farið með tómar
ferðatöskur út og oft með aðra
tösku innan í annarri.
„Flestir versluðu rosalega. Jafn-
vel allan jólapappírinn, margar
rúllur. Ég held að aðalástæða
flestra hafi verið að kaupa jólagjaf-
ir. Margir hugsuðu málið þannig
að í raun væru þeir að fá ferðina
fyrir lítið af því gjafirnar væru svo
ódýrar. Ég veit ekki alveg hvort
fólk kom út í plús en allir skemmtu
sér rosalega vel því Boston er með
skemmtilegri borgum,“ segir hún.
Tapaði bakpoka og pokum
Þegar Sólveig er spurð um eftir-
minnilegt atvik á þessum ferðalög-
um, svarar hún: „Eftirminnilegasta
tilvikið var þegar ég og maðurinn
minn, Gunnar Hrafnsson, vorum
á leiðinni á veitingastað en þetta
kvöld voru allir á eigin vegum.
Veitingastaðurinn var á Beacon
street sem er mjög löng gata en
við höfðum ætlað okkur að ganga
á veitingastaðinn því veðrið var
gott.
Við vorum stödd á móts við
Cheers-barinn, sem margir
kannast við úr sjónvarpsþátt-
unum, þegar einn farþeganna, ung
stúlka, hringdi hágrátandi í mig
af því hún hafði gleymt bakpoka
í leigubíl sem hún tók það kvöld.
Í bakpokanum voru peningar,
kreditkort, passarnir þeirra beggja
og einhverjar gjafir. Það eina sem
hún mundi var að leigubíllinn var
hvítur. Það hjálpaði lítið því leigu-
bílar í Boston voru allir hvítir.
Ógleymanlegur leigubílstjóri
Þetta var á föstudagskvöldinu og
það var ljóst að ég gat lítið gert
fyrr en daginn eftir. Ég sá fyrir
mér að ég þyrfti að hafa samband
við sendiráðið og fá hjá þeim ráð
til að koma unga parinu heim og
að helgin væri ónýt fyrir þeim. Ég
sagði stúlkunni að ég myndi gera
allt sem í mínu valdi stæði og láta
hana vita um leið og eitthvað hefði
skýrst og kvaddi hana. Við Gunnar
héldum áfram að ganga áleiðis á
veitingastaðinn og af því ég var
orðin svolítið stressuð og tiltölu-
lega langt var að staðnum sagði ég
að við skyldum taka leigubíl. Ég
veifaði í leigubíl en margir hvítir
leigubílar óku fram hjá okkur
áður en loks stoppaði einn. Leigu-
bílstjórinn leit út fyrir að vera
múslimi en merki og myndir gáfu
það til kynna. Við settumst aftur í
og af því Gunnar er mikill spjallari
sagði hann manninum farir okkar
ekki sléttar og spurði hann hvað
hann ráðlegði okkur að gera af því
einn af farþegum okkar hefði lent
í því að gleyma bakpoka í leigubíl
þetta kvöld. Maðurinn stöðvaði
þá bílinn, leit aftur í með risa-
stórum brúnum augum, dró lítinn
bakpoka upp úr farþegasætinu og
spurði hvort þetta gæti verið bak-
pokinn. Ég veit ekki hvert okkar
varð mest hissa því líkurnar á
því að við myndum veifa akkúrat
bílnum sem stúlkan hefði gleymt
bakpokanum í voru engar. Maður-
inn trúði alveg örugglega að þetta
hefði eitthvað með Allah að gera
og sagðist feginn að hafa ekki verið
búinn að losa sig við bakpokann
því hann gæti hæglega lent í vand-
ræðum ef eigandinn kæmi í leitirn-
ar og segði til dæmis að í honum
hefðu verið miklir peningar. Það
er ekki erfitt að ímynda sér gleði
stúlkunnar þegar ég hringdi í hana
og sagði: Sæl, ég fann bakpokann
þinn. Mér þótti ég hafa staðið mig
vel sem fararstjóri þetta kvöld,“
segir Sólveig og bætir við að hún og
Gunnar, eiginmaður hennar, fari
reglulega til Boston og hafi gert frá
því þau bjuggu þar. „Sonur okkar
fæddist þar og borgin hefur alltaf
verið okkur kær,“ segir hún.
Sólveig segist versla svolítið
á netinu en reyna að styðja við
íslenska kaupmenn. „Ég vil styðja
við íslenska verslun núna,“ segir
hún. „Ég reyni einmitt að nýta mér
tilboðin sem svarti föstudagurinn
býður upp á hér á landi nú þegar
jólainnkaupin eru hafin.“
Flestir versluðu
rosalega. Jafnvel
allan jólapappírinn,
margar rúllur. Ég held að
aðalástæða flestra hafi
verið að kaupa jólagjafir.
Elín
Albertsdóttir
elin@frettabladid.is
Íslensk framleiðsla í 65 ár
Kaupglaðir Íslendingar í Boston
Svartur föstudagur er einn stærsti innkaupadagur um víða veröld. Í Bandaríkjunum hafa mynd-
ast langar biðraðir við verslanir þennan dag og Íslendingar hafa flykkst þangað undanfarin ár.
Sólveig var fararstjóri Íslendinga í Boston um árabil á þakkargjörðarhátíðinni en daginn eftir er Black Friday í verslunum með gríðarlega góðum tilboðum.
Sólveig segir að mikill áhugi hafi verið á þessum ferðum á sínum tíma en þetta árið verður verslað hér heima enda útlönd fjarri. FRÉTTABLAÐIÐ/EYÞÓR
Það var hægt að gera góð kaup fyrir jólin í Boston. Margar íslenskar verslanir
eru með góð tilboð í dag og um að gera að styðja við íslenska kaupmenn og
kaupa jólagjafir snemma. Gott að losna við jólaösina síðar. FRÉTTABLAÐIÐ/GETTY
6 KYNNINGARBLAÐ 2 7 . N ÓV E M B E R 2 0 2 0 F Ö S T U DAG U RSVARTUR FÖSTUDAGUR