Sjómannadagsblaðið - 02.06.2019, Blaðsíða 36

36 s j ó m a n n a d a g s b l a ð i ð j ú n í 2 0 1 9
H appdrætti DAS verður 65 ára fimmtudaginn 13. júní næstkomandi, en á þeim
degi mánaðarins bar sjómanna-
daginn upp árið 1954. Þann 3. júlí
sama ár fór fyrsti útdrátturinn fram.
Happdrættið hefur frá upphafi
verið mikilvægasti bakhjarl við
fjármögnun uppbyggingar og hin
síðari ár viðhald á húsnæði Hrafn-
istuheimilanna tveggja sem eru
í eigu Sjómannadagsráðs, það er
Hrafnistu í Reykjavík og Hafnarfirði.
Alls hefur Happdrætti DAS skilað
sjö milljörðum króna í hagnað frá
stofnun, sem varið hefur verið til
uppbyggingar á Hrafnistu utan eins
milljarðs króna sem happdrættið
greiddi á grundvelli lagasetningar
Alþingis þess efnis að happdrættið
skyldi greiða 40% af hagnaði sínum
í Byggingarsjóð aldraðra [nú Fram-
kvæmdasjóður aldraðra] á árabilinu
frá 1963 til 1987.
Sigurður Ágúst Sigurðsson, for-
stjóri happdrættisins í nær þrjátíu
ár, segir happdrættið eiga góðan ár-
angur sinn fyrst og fremst að þakka
velvild og hugsjón landsmanna
sem kaupi og eigi happdrættismiða
í DAS. „Fyrir utan von um góðan
vinning sem nóg er af hjá DAS, enda
drögum við vikulega allt árið um
kring, held ég að þátttaka fólks sé
einnig knúin áfram af ríkri hugsjón
og skilningi landsmanna á nauðsyn
þess að leggja sitt af mörkum í þágu
aldraðra. Annars værum við ekki
hér. Þúsundir landsmanna víða um
land eiga miða í Happdrætti DAS og
það gleðilega er að nú hin síðari ár
hefur margt ungt fólk verið að bæt-
ast í hópinn,“ segir Sigurður.
Miðasala í Færeyjum
aflar gjaldeyris
Auk dyggra þátttakenda í Happ-
drætti DAS hér á landi eru Fær-
eyingar líka fjölmennur hópur
miðakaupenda og hefur svo verið
undanfarinn aldarfjórðung, eða
frá árinu 1994. „Færeyingar eru
áhugasamir og fylgjast vel með.
Þeir greiða miða sína með korti á
heimasíðunni, sem er líka á fær-
eysku, og ef eitthvert vandamál
kemur upp hafa þeir strax samband
með tölvupósti eða hringja hingað á
skrifstofuna. Okkur þykir afar vænt
um stuðning Færeyinga við happ-
drættið og þar með Hrafnistu og á
móti greiðum við hlutdeild af hagn-
aði happdrættisins til uppbyggingar
á sviði íþrótta- og æskulýðsmála
í Færeyjum,“ segir Sigurður, sem
segir Happdrætti DAS jafnframt
það eina á landinu sem starfi bæði á
markaði innanlands og erlendis og
afli þar með líka erlends gjaldeyris
til þjóðarbúsins.
Stofnað á tímum viðskiptahafta
Happdrætti DAS var stofnað á
tímum viðskiptahafta og gjaldeyr-
isskorts og því var það í upphafi
hugsað sem vöruhappdrætti með
fjölbreytta vinninga í boði. Sýnir
sagan að ekki skorti ímyndunar-
aflið í þeim efnum. Á upphafsárum
happdrættisins var hér enn mjög
ríkjandi bændamenning í dreifð-
um byggðum landsins og því kom
ekki annað til greina en að bjóða í
vinning vörur sem gætu komið sér
vel í sveitinni, svo sem dráttarvél-
ar, báta eða búfénað auk marg-
víslegs húsbúnaðar svo eitthvað
sé nefnt. Fyrir þéttbýlisíbúa höf-
uðborgarsvæðisins heilluðu nýjar
og fallegar íbúðir og einbýlishús,
en alls úthlutaði DAS tuttugu og
fimm einbýlishúsum á þeim tíma
sem vöruhappdrættið var ríkjandi,
auk fjölda nýrra og fallegra blokk-
aríbúða og raðhúsa víða á höfuð-
borgarsvæðinu.
Nýjungar samfara
samfélagsbreytingum
Árið 1995 hóf happdrættið sölu á
svokölluðum tvöföldum miða, þar
sem tilgreindur aðalvinningur
tvöfaldaðist að verðmæti þegar
vinningurinn kom á númer miðans.
Fjórum árum síðar var svo ákveðið
að fjölga árlegum útdráttum í 48
og svo í 52 ári síðar. Hvort tveggja
féll í góðan jarðveg meðal lands-
manna. Happdrætti DAS er eina
flokkahappdrættið þar sem dregið
er vikulega árið um kring og í hvert
sinn eru um tvö þúsund vinningar
að upphæð í kringum tuttugu millj-
ónir króna. Við höfum alltaf verið
vakandi gagnvart nýjungum, enda
samkeppnin hörð á markaðnum.
Þess vegna létum við ekki staðar
numið við fjölgun útdrátta heldur
innleiddum enn eina nýjungina
árið 2004 í tilefni 50 ára afmælis
happdrættisins. Þá fluttum við til
landsins glæsilegan Chevrolet Bel
Air árgerð 1954 sem var aðalvinn-
ingur það ár. Síðan bættum við um
betur ári síðar þegar við ákváðum
að bjóða bíla á ný í vinning, t.d.
Ford Mustang og Hummer, og ekki
bara það heldur voru bílarnir með
fullt skottið af peningaseðlum fyrir
tvöfalda miða. Upphæðin í skottinu
var samsvarandi virði bílanna.
Þetta sló algerlega í gegn og salan
jókst verulega næstu árin,“ segir
Sigurður.
Hjá DAS eru vinnings-
líkurnar mestar
Á yfirstandandi happdrættisári DAS,
sem hófst 1. maí, er heildarfjárhæð
vinninga 1.305.680.000 krónur
fyrir heppna vinningshafa, en alls
er dregið um 80 þúsund miðanúm-
er á happdrættisárinu. Hjá DAS
eru vinningslíkurnar mestar enda
dregið í hverri einustu viku árið
um kring og kostar hver dráttur að-
eins 375 krónur, eða 1.500 krónur á
mánuði fyrir einfaldan miða og þrjú
þúsund krónur fyrir tvöfaldan miða.
Eins og meðfylgjandi mynd sýnir er
til mikils að vinna núna í júní, en
alls verður dregið um 105 milljónir
króna í mánuðinum og enn hærri
upphæð í júlí. - bv
Happdrætti DAS 65 ára
milljarðar króna til
byggingar hjúkrunarheimila
Vinningar í boði núna í júní.
Fyrsti útdrátturinn fór fram 1954. F.v. eru Baldur möller, Brynjólfur Sigurðsson, Þorvarður Kjerúlf og ásta Baldvins-
dóttir. myndin er frá útdrætti 1958.
Fjögurra íbúða raðhúsið við ásgarð 2-8 í reykjavík.
Fyrstu aðalvinningarnir í halarófu á Skúlagötu 1954.
Sigurður ágúst við talnastokkinn sem
notaður er vikulega til að velja sex
raðir af átta tölum eins og útdráttar-
blaðið sýnir. Tölurnar eru ávallt
valdar að viðstöddum tveimur full-
trúum frá dómsmálaráðuneytinu sem
votta að útdrátturinn fari rétt fram.
Talnastokkurinn er einnig notaður af
hinum flokkahappdrættum landsins
og er eina sameign happdrættanna.
Mynd/Hreinn Magnússon