Morgunblaðið - 01.05.2020, Blaðsíða 10

10 FRÉTTIRInnlent
MORGUNBLAÐIÐ FÖSTUDAGUR 1. MAÍ 2020
Margrét Þóra Þórsdóttir
Akureyri
„Fyrstu aðgerðir eru að fara í gang
um þessar mundir,“ segir Pétur Ingi
Haraldsson, framkvæmdastjóri
skipulagssviðs Akureyrarbæjar, en
nú liggur fyrir til hvaða aðgerða
verður gripið til að bæta öryggi
óvarinna vegfarenda við Hörgár-
braut á svæði frá Glerá og að hring-
torgi við Undirhlíð.
Starfsmenn Vegagerðar, um-
hverfis- og mannvirkjasviðs og
skipulagssviðs Akureyrarbæjar
unnu tillögurnar. Hafist verður
handa við sumar aðgerðir strax á
næstu mánuðum en lengri undirbún-
ing þarf til að hrinda öðrum í fram-
kvæmd.
Pétur segir að þær tillögur sem
fyrirhugað er að ráðast í nú í ár snú-
ist um að bæta við skiltum, m.a. um
hámarkshraða og umferð barna,
setja upp skilti sem sýni raunhraða
ökutækja og þá hafi Vegagerðin
fengið fjármagn til að setja upp
hraða- og rauðljósamyndavél við
gangbrautina á Hörgárbraut við
Stórholt. Hún verður sett upp í sam-
ráði við lögreglu. Kostnaður við upp-
setningu vélarinnar nemur um 15
milljónum króna en samstarfssamn-
ingur verður gerður um rekstur
hennar milli Akureyrarbæjar, Vega-
gerðar og lögreglu.
Snýst um að minnka hraðann
„Við teljum að draga muni úr
hraðakstri með því að beita sektum
við hraðakstri,“ segir Pétur.
Hann segir að þessar aðgerðir
sem komi til framkvæmda nú innan
tíðar snúist um að minnka umferðar-
hraðann og tryggja að hámarkshraði
sé virtur. Hraðamælingar eru í gangi
á vegarkaflanum til að geta með
markvissari hætti lagt mat á áhrif
aðgerðanna en hann segir þegar
sannreynt að of mikið sé um hrað-
akstur á þessum vegarkafla og eins
viti menn af því að iðulega sé farið yf-
ir á rauðu ljósi.
Þegar er búið að endurstilla ljósa-
tíma gönguljósanna þannig að tím-
inn frá því að ökumaður fær rautt
ljós þar til gangandi fær grænt hefur
verið lengdur, en þannig á að tryggja
viðbrögð ökumanna og að ökutæki
fari síður yfir á rauðu ljósi.
Gangandi vegfarendur fá lengri
tíma en áður til að fara yfir gang-
brautina. Ein tillaga er sú að loka
hjáleið frá Höfðahlíð inn á lóð N1 en
mikið ber á því að ökumenn stytti sér
leið með því að aka þar. Þá er einnig
lagt til að leið inn í Stórholt frá
Hörgárbraut verði lokað, en Pétur
segir að lengri tíma taki að koma
slíku í framkvæmd þar sem breyta
þarf skipulagi til að slíkt sé hægt.
Ekki undirgöng
Til umræðu hefur verið að gera
undirgöng undir Hörgárbraut við
Stórholt og hefur sú krafa verið
nokkuð hávær eftir alvarlegt slys á
ungri stúlku fyrr á þessu ári. Gert er
ráð fyrir undirgöngum í gildandi
deiliskipulagi undir Hörgárbraut en
á öðrum stað, rétt norðan Glerár.
Þau göng eru þó ekki talin nýtast
börnum á leið í skólann eða Bogann
að sögn Péturs þar sem þau yrðu
töluvert úr leið.
Þá nefnir hann að eitt af því sem
geri framkvæmd við undirgöng erf-
iða nú sé að Norðurorka hafi nýlega
lagt stóra heitavatnslögn meðfram
götunni. Þyrfti að mati fyrirtækisins
að gera kostnaðarsamar breytingar
á lögninni með tilkomu undirganga.
Fleiri atriði koma til að sögn Péturs
sem gera málið erfitt viðureignar,
m.a. er rými af skornum skammti á
svæðinu.
Auka á umferðaröryggið
 Fyrstu aðgerðir við Hörgárbraut á Akureyri snúast um að minnka ökuhraða
Morgunblaðið/Margrét Þóra
Akureyri Vegfarendur á leið yfir gangbraut á Hörgárbraut. Þar hafa verið tíð slys á seinni árum.
Helgi Gíslason,
framkvæmda-
stjóri Skógrækt-
arfélags Reykja-
víkur, hefur verið
ráðinn sveitar-
stjóri Fljótsdals-
hrepps. Helgi,
sem fæddist árið
1962, er af Hér-
aði, ættaður frá
Helgafelli í Fella-
bæ og bjó þar lengi. Hann var fram-
kvæmdastjóri Héraðsskóga um ára-
bil en hefur síðastliðin sextán ár
stýrt Skógræktarfélagi Reykjavík-
ur, sem meðal annars hefur umsjón
með skógræktarsvæðinu í Heið-
mörk.
„Eftir frábæran tíma hjá Skóg-
ræktarfélagi Reykjavíkur hlakka ég
til að fara aftur til starfa austur á
landi, þar sem rætur mínar eru. Eft-
ir er að ganga frá starfslokum mín-
um hér syðra en ég fer austur eins
fljótt og verða má,“ segir Helgi sem
þekkir vel til fólks og samfélags í
Fljótsdal, sem og fyrirtækja og
stofnana á Austurlandi. Þá var Helgi
um tíma formaður stjórnar Gunn-
arsstofnunar á Skriðuklaustri.
Fljótsdalshreppur er eitt af fá-
mennari sveitarfélögum landsins,
með aðeins 86 íbúa. Sveitarfélagið er
hins vegar víðfeðmt og stendur vel,
en mannvirki Fljótsdalsvirkjunar og
Kárahnjúkastífla eru innan landa-
mæra þess. sbs@mbl.is
Helgi úr
Heiðmörk
í Fljótsdal
Helgi
Gíslason
 Ráðinn sveitar-
stjóri fyrir austan
Unnið að heiman í Evrópulöndum 2019
Holland
Finnland
Lúxemborg
Austurríki
Danmörk
Írland
Frakkland
Belgía
Eistland
Slóvenía
Portúgal
Svíþjóð
Malta
Ísland
Þýskaland
Bretland
Noregur
Tékkland
Spánn
Pólland
Sviss
Slóvakía
Ítalía
Lettland
Litháen
Króatía
Grikkland
Kýpur
Ungverjaland
Rúmenía
Búlgaría
14,5%
14,5%
11,8%
10,3%
8,2%
7,5%
7,4%
7,2%
7,0%
6,9%
6,7%
6,6%
6,2%
5,9%
5,5%
5,2%
5,1%
4,9%
4,9%
4,7%
4,7%
3,8%
3,7%
3,0%
2,5%
2,0%
1,9%
1,3%
1,2%
0,8%
0,5%
Hlutfall starfandi
fólks sem vinnur alltaf
eða yfi rleitt heima
Heimild: Eurostat
ESB meðaltal
5,7%
Þúsundir Íslendinga sinna vinnu sinni
heiman frá sér um þessar mundir
vegna kórónuveirufaraldursins. Víð-
ast hvar um heiminn er sömu sögu að
segja; fjöldi fólks kemur ekki á vinnu-
stað sinn heldur fæst við verkefnin
fyrir framan tölvuna heima.
Heimavinna í þessum skilningi er
svo sem ekki nýtt fyrirbæri, en hún
hefur aldrei áður verið jafn útbreidd
og nú. Samkvæmt tölum frá Hagstofu
Evrópu, Eurostat, unnu um 5,4%
vinnandi manna í löndum Evrópu-
sambandsins (ESB) á aldrinum 15 til
64 ára að jafnaði heiman frá sér árið
2019. Hlutfallið hefur verið nokkuð
fast í áratug, um 5%. Aftur á móti hef-
ur verið talsverð fjölgun í þeim hópi
sem vinnur tímabundið heiman frá
sér, var 6% árið 2009 og 9% í fyrra.
Tölur um fjölda fólks sem nú vinnur
heiman frá sér eru ekki fyrir hendi.
Algengara er að sjálfstætt starf-
andi fólk sinni vinnu sinni á heimilinu
heldur en launþegar. Fyrir rúmum
áratug unnu 16,2% sjálfstætt starf-
andi fólks heima en hlutfallið var orð-
ið 19,4% í fyrra. Ef aðeins er litið á
launamenn sem vinna heiman frá sér
voru þeir 3,2% árið 2019 en 2,7% ára-
tug fyrr.
Heimavinna var algengust í Hol-
landi og Finnlandi og þegar Evrópu-
lönd utan ESB eru tekin með í reikn-
inginn reynast Íslendingar vera á
listanum miðjum. gudmundur@mbl.is
Rúm fimm prósent
unnu heiman frá sér
BARÁTTUKVEÐJUR 1. MAÍ 2020
BYGGJUM
RÉTTLÁTT
ÞJÓÐFÉLAG
Vegna samkomubanns er hvorki kröfuganga né kaffi að henni lokinni,
en við minnum á skemmti- og baráttudagskrá á RÚV kl. 19:40
F é l a g v é l s t j ó r a o g m á l m t æ k n i m a n n a