Morgunblaðið - 01.05.2020, Blaðsíða 28

28 MENNING
MORGUNBLAÐIÐ FÖSTUDAGUR 1. MAÍ 2020
Danska ljóð-
skáldið og sam-
félagsrýnirinn
Yahya Hassan er
látinn, aðeins 24
ára að aldri.
Samkvæmt
fréttaflutningi
danskra miðla
fannst Hassan
látinn í íbúð sinni
í Árósum í fyrradag. Lögreglan í
Árósum segir ekkert benda til þess
að andlát hans hafi borið að með
saknæmum hætti. Hassan var um-
deildur fyrir skrif sín sem nutu þó
gífurlegra vinsælda. Fyrri ljóðabók
hans, sem út kom 2013, seldist í 122
þúsund eintökum í Danmörku, sem
er algjört met. Seinni ljóðabók
hans, sem út kom seint á síðasta ári,
var tilnefnd til Bókmenntaverð-
launa Norðurlandaráðs 2020 sem
afhent verða í Reykjavík í haust.
Yahya Hassan lát-
inn 24 ára að aldri
Yahya Hassan
Yfir 40 portú-
galskir rithöf-
undar hafa tekið
höndum saman
og ætla að skrifa
saman bók.
Munu þeir skipt-
ast á að skrifa
kafla bókarinn-
ar, einn kafla á
dag, og mun
bókin koma út í
enskri þýðingu. Hver höfundur
fær sólarhring til að skrifa sinn
kafla út frá þeim síðasta.
Hugmyndina að skrifunum átti
rithöfundurinn Ana Margarida de
Carvalho og skoraði hún á starfs-
bræður sína og -systur að vera
með. Höfundarnir eru byrjaðir að
skrifa og hefst sagan á leit vís-
indamanna að bólefni gegn vírus
sem valdið hefur heimsfaraldri, að
því er fram kemur í frétt á vef
dagblaðsins Guardian.
De Carvalho segir að fyrir rit-
höfundum sé það eðlilegt og jafn-
vel gott ástand að þurfa að loka
sig inni og einbeita sér að skrif-
um. Að gera það tilneyddur á tíma
heimsfaraldurs sé hins vegar allt
annað.
40 rithöfundar
skrifa saman bók
Ana Margarida
de Carvalho
Stuttmynd Uglu Hauksdóttur, Sels-
hamurinn, hefur verið valin í aðal-
keppni hinnar virtu alþjóðlegu kvik-
myndahátíðar í Huesca á Spáni sem
fara mun fram á stafrænu formi
12.-20. júní. Verður það jafnframt
heimsfrumsýning myndarinnar sem
er ein af 31 mynd í alþjóðlegri
stuttmyndakeppni hátíðarinnar, að
því er fram kemur í tilkynningu.
Hátt í tvö þúsund myndir voru
sendar inn frá 93 löndum og voru
aðeins tvær frá Norðurlöndunum
valdar inn.
Selshamurinn fjallar um hina
fimm ára gömlu Sól sem býr með
föður sínum í afskekktu húsi við
hafið. Ímyndunarafl hennar tekst á
flug í tómarúmi einmanalegra daga
á meðan faðir hennar tekst á við
tónsmíðar, segir í tilkynningu. Þeg-
ar Sól skynjar trega föður síns, sem
er henni óskiljanlegur, finnur hún
hugarró í gamalli íslenskri þjóð-
sögu.
Ugla er bæði handritshöfundur
og leikstjóri myndarinnar sem var
framleidd af Antoni Mána Svans-
syni fyrir Join Motion Pictures.
Með aðalhlutverk í henni fara
Björn Thors og Bríet Sóley Val-
geirsdóttir.
Ugla útskrifaðist sem leikstjóri
og handritshöfundur frá Columbia-
háskóla árið 2016 og hefur starfað
við sjónvarpsleikstjórn bæði á Ís-
landi og erlendis. Árið 2018 leik-
stýrði hún tveimur þáttum af
Ófærð og fékk í kjölfarið boð um að
leikstýra þremur þáttum af Ama-
zon-þáttaröðinni Hanna sem frum-
sýnd verður í sumar.
Nýlega bauðst henni að ganga í
Leikstjórasamband Bandaríkjanna
(e. Directors Guild of America) og
mun hún á þessu ári leikstýra
tveimur þáttum af Amazon-syrp-
unni The Power sem byggð er á
metsölubók Naomi Alderman.
Kvikmyndahátíðin í Huesca er
ein þeirra hátíða sem eru á skrá
bandarísku kvikmyndaakademíunn-
ar sem stendur fyrir Óskarsverð-
laununum og vinningsmyndir hátíð-
arinnar koma því til greina þegar
tilnefna á stuttmyndir til Óskarsins.
Selshamurinn valinn
í keppni í Huesca
Við tökur Ugla Hauksdóttir, hand-
ritshöfundur og leikstjóri.
Ljósmynd/Julia Rowland
Silja Björk Huldudóttir
silja@mbl.is
„Þetta er partur af flugu sem ég fékk í
höfuðið í kringum 2013, þ.e. að rita
leiklistarsögu allra þorpa og bæja á
Vestfjörðum,“ segir Elfar Logi Hann-
esson um nýjustu bók sína sem nefnist
Leiklist og list á Þingeyri. Um er að
ræða aðra bókina í leiklistarröð
Kómedíuleikhússins sem Elfar Logi á
og rekur. „Fyrsta bókin, Leiklist á
Bíldudal, kom út 2015 og núna er
næsta bók komin. Þetta tekur því dá-
góðan tíma,“ segir Elfar Logi og bend-
ir á að það helgist að nokkru af því
hversu djúpt sé á heimildum. „Ritaðar
heimildir bera það með sér að leiklistin
er list augnabliksins, því þær eru oft af
mjög skornum skammti. Maður þarf
því að kafa mjög djúpt ásamt því að
vera í kapphlaupi við tímann að ná að
taka viðtöl við frumherjana sem muna
tímana tvenna,“ segir Elfar Logi og
viðurkennir fúslega að verkefnið hafi
reynst miklu umfangsmeira en upp-
haflega var lagt upp með.
Endist vonandi ævin til að klára
„Ég vona að mér endist ævin til að
klára verkið, en ég lofa samt engu um
það. Þetta er hins vegar mjög
skemmtilegt grúsk sem ég mæli óhik-
að með,“ segir Elfar Logi og bendir á
að næsta bók, sem hann er þegar byrj-
aður að vinna, muni fjalla um Bolung-
arvík. „Síðan bíður að skrifa um Flat-
eyri, Suðureyri, Patreksfjörð, Tálkna-
fjörð, Hólmavík og Reykhóla.“ Strax í
upphafi bókar rekur Elfar Logi sögu
leiklistar í Dýrafirði allt aftur til Gísla
Súrssonar. „Leiklistin, sem og aðrar
listir, hefur fylgt okkur frá upphafi.
Það hefur alltaf verið hér fólk sem er
betra í að leika sér en vinna hefð-
bundna vinnu,“ segir Elfar Logi kím-
inn og bendir á að í yfirstandandi kófi
vegna kórónuveirufaraldursins verði
einmitt kristalskýrt hversu mikil-
vægar listirnar séu manneskjunni.
„Í bókinni um Bíldudal beindi ég
sjónum mínum aðeins að leiklist sem
helgast af því að leiklistin er list þess
þorps. Á Þingeyri á handverkið sér
langa og merkilega sögu sem mér
fannst ég verða að fjalla um líka. Þeg-
ar ég fór að skanna sögu leiklistar á
Þingeyri rakst ég fljótt á stórar eyður
þar sem starfsemin lagðist í dvala um
lengri eða skemmri tíma. Sem dæmi
er þokkalegasta fjör frá 1950-70, en
svo kemur hlé í starfseminni sem nær
allt til 2009 þegar leikdeildin Höfr-
ungur frumsýnir Dragedukken,“ segir
Elfar Logi sem leikstýrt hefur öllum
uppfærslum hópsins frá 2009.
„Ég er svo heppinn að fá að taka
þátt í endurkomu leikhússins á Þing-
eyri. Í dag er leikdeild Höfrungs eitt
virkasta áhugaleikfélagið á öllum
Vestfjörðum ásamt með Leikfélagi
Hólmavíkur. Ég mat það svo að um-
fjöllun um leiklistarstarf á Þingeyri
myndi ekki standa undir heilli bók og
valdi því að taka aðrar listir inn líka,“
segir Elfar Logi sem í bókinni fjallar
um Nínu Tryggvadóttur og Jón Engil-
berts sem dvöldu og störfuðu í Dýra-
firði um tíma. „Myndlistin verður
þannig býsna fyrirferðarmikil í nýju
bókinni. Fyrir vikið eru bækurnar
tvær mjög ólíkar,“ segir Elfar Logi og
tekur fram að við lestur bóka hans
verði mjög skýrt hversu mikilvægur
hver og einn verði á fámennari stöð-
um.
„Þar sem fámennið er meira verður
ein manneskja á við heila blokk í
Reykjavík þegar kemur að afköstum
og eldmóði. Það sést skýrt á endur-
komu leikfélagsins á Þingeyri árið
2009 því driffjöðrin þar er smiðurinn
og eldhuginn Sigmundur Fríðar Þórð-
arson, sem er líka formaður íþrótta-
félagsins hér á staðnum. Eldhugar á
borð við Sigmund eru afskaplega
mikilvægir öllum samfélögum.“
Act alone með breyttu sniði
Elfar Logi hefur frá 1997 starfrækt
Kómedíuleikhúsið sem er fyrsta og
eina atvinnuleikhús Vestfjarða. „Ég
veit ekki hvort ég mun enda starfs-
ævina á því að skrifa sögu þess leik-
húss,“ segir Elfar Logi kíminn. Rifjar
hann upp að Kómedíuleikhúsið hafi
um árabil verið til húsa á Ísafirði, en
flutt til Bíldudals fyrir um þremur ár-
um. Um áramótin opnaði Elfar Logi
síðan Leiklistarmiðstöð Kómedíuleik-
hússins í fyrrverandi húsakynnum
bæjarskrifstofunnar á Þingeyri. „Við
höfum átt í afskaplega góðu samstarfi
við Ísafjarðarbæ sem hefur sinnt
þessu litla atvinnuleikhúsi af mikilli
ástríðu. Húsnæðið hafði staðið autt í
um 20 ár, en við sáum í því mikla
mögulega. Þegar samkomubannið
brast á vorum við í miðju kafi að æfa
þar nýja leikgerð mína á Dísu ljósálfi
fyrir 17 leikara sem eru á aldrinum 8-
66 ára. Við hugðumst frumsýna verkið
í félagsheimilinu um páskana en því
hefur nú verið frestað um ár,“ segir
Elfar Logi sem hugðist leikstýra eigin
leikgerð með nýrri tónlist eftir Jón
Gunnar Biering. „Höfrungur setur að-
eins upp eina sýningu á ári og sýnir
um páskana þegar íbúafjöldi Vest-
fjarða margfaldast,“ segir Elfar Logi
og bendir á að Höfrungur sé með allt
að sjö sýningar í páskavikunni fyrir
troðfullu húsi sem tekur um 130
manns í sæti, en á Bíldudal búa að
jafnaði um 260 manns.
Elfar Logi hefur síðustu ár einnig
skipulagt einleikjahátíðina Act alone á
Suðureyri. Aðspurður segist hann
reikna með að hátíðin fari fram í ár
dagana 6.-8. ágúst. „Hún verður þó
með breyttu sniði. Við erum búin að
útbúa nokkur plön. Eitt þeirra gerir
ráð fyrir að aðeins megi vera einn
áhorfandi á hverri sýningu og annað
plan að þeir megi vera allt að 50. Sem
fyrr verður aðgangur ókeypis, en í
stað þess að áhorfendur geti bara
mætt þurfa þeir að panta miða fyrir-
fram til að við getum stýrt áhorfenda-
fjöldanum,“ segir Elfar Logi og tekur
fram að dagskrá hátíðarinnar verði
kynnt betur síðar.
Ljósmynd/Marsibil G. Kristjánsdóttir
Leikhús Elfar Logi Hannesson fyrir framan félagsheimilið á Þingeyri.
„Skemmtilegt grúsk“
 Elfar Logi Hannesson hefur sent frá sér bókina Leiklist og list á Þingeyri
 Markmið hans að skrá leiklistarsögu allra þorpa og bæja á Vestfjörðum
Veiðivefur
í samstarfi við