Morgunblaðið - 29.05.2020, Qupperneq 29

MENNING 29
MORGUNBLAÐIÐ FÖSTUDAGUR 29. MAÍ 2020
Nánari upplýsingar um sýningartíma á sambio.is
SÝND MEÐ ÍSLENSKU TALI
SÝND MEÐ ÍSLENSKU TALI.
AFMÆLISVEISLA Í ÁLFABAK
Tvær frábærar eftir sögu Stephen King
EIN BESTA MYND SEM KOMIÐ HEFUR Á ÞESSU ÁRI.
JAMIE FOXX OG MICHAEL B.JORDAN
ERU BÁÐIR HÉR MEÐ FRÁBÆRAN LEIK. MYND SEM ALLIR
KEPPAST VIÐ AÐ HÆLA EFTIR AÐ HAFA SÉÐ MYNDINA.
SÝND MEÐ ÍSLENSKU TALI
Það er bjart yfir Birgi Stef-ánssyni á fyrstu plötu hansí fullri lengd, Untold Stor-ies, sem nýverið leit dags-
ins ljós. Þar er að finna safn laga sem
hann hefur gefið út ein og sér síðustu
ár auk nýrra laga.
Birgir er sonur Sálverjans Stefáns
Hilmarssonar og sömdu þeir feðgar
einmitt, ásamt Ragnari Má Jónssyni,
lagið „Klukkan tifar“ sem komst alla
leið í úrslit
Söngvakeppn-
innar fyrr á
árinu. Prýði-
legt lag þar á
ferð sem
minnti ræki-
lega á ABBA-
flokkinn
sænskættaða.
Á Untold Stories nýtur Birgir aftur á
móti liðsinnis Andra Þórs Jónssonar,
sem er annar hluti poppdúósins
September.
Í stuttu máli sagt hefur platan að
geyma slatta af nýtísku popplögum
sem festast við heilann á manni eins
og bleik tyggjóklessa við hvítbotna
strigaskó. Þar má sérstaklega nefna
„Letting Go“, „Glorious“ og „Can
You Feel It“, en síðastnefnda laginu
hefur verið streymt um tuttugu millj-
ón sinnum á Spotify. Geri aðrir bet-
ur. Lögin halda manni við efnið allan
tímann og keyrslan er góð undir
styrkri stjórn Arnars Guðjónssonar.
Rödd Birgis smellpassar svo við
poppbræðinginn og nota bene minnir
hún lítið sem ekkert á landsþekkta
rödd karls föður hans og golffélaga.
Báðir kunna þeir að slá réttan tón
svo ekki sé farið lengra í líkingamál-
inu.
Ekki má heldur gleyma „Incom-
plete“ sem Birgir syngur með ís-
lensku söngkonunni Raven. Fyrir-
taks dúett sem hefði hæglega getað
náð enn lengra í Eurovision en
„Klukkan tifar“ ef út í það er farið.
Fleiri rólegri lög eru á plötunni og
þar standa „By Your Side“ og „Take
Me Higher“ feti framar en „For
Your Love“, sem var kannski full
væmið fyrir minn smekk.
Textar Birgis fjalla um ástina og
henta léttri tónlistinni ágætlega þó
svo að sumir frasarnir hljómi of
kunnuglega: „I’ve been running in
circles“ í Glorious, og „ .......’cause you
bring the best out in me only you can
set me free“ í „Take Me Higher“.
Á heildina litið er Untold Stories
gott veganesti inn í sumarið, tilvalin
fyrir íslenska innanlandsfara til að
spila á þjóðvegum landsins. Hún er
uppfull af grípandi og vel unnum lög-
um sem hljóta að festa Birgi í sessi
sem eina af vonarstjörnum poppsins.
Ljósmynd/Vignir Daði
Grípandi Breiðskífa Birgis er uppfull af grípandi og vel unnum lögum.
Tilvalið veganesti
inn í sumarið
Stafræn útgáfa
Untold Stories bbbmn
Breiðskífa Birgis Steins Stefánssonar.
Lög eftir Birgi og Andra Þór Jónsson.
Arnar Guðjónsson stýrði upptökum og
vann útsetningar með Birgi og Andra.
Alda Music 2020.
FREYR
BJARNASON
TÓNLIST
Harpa Másdóttir
opnar einkasýn-
ingu í Hannesar-
holti í dag kl. 16
og er viðfangs-
efni hennar
hringformið, sem
hún segir hið
fullkomna form.
„Það skírskotar
til hringrásar,
hringrásar lífsins
og hringrásar í sífelldri verðandi.
Hringurinn táknar stöðuga hring-
rás skynjunar sem er endurtekning
án þess að vera endurtekning, því
að ný sjónarhorn og túlkun eru allt-
af í sjónmáli. Hlutirnir eru endur-
hugsaðir með því að taka fleti sem
hafa verið skapaðir, rífa þá niður,
afmá og byggja upp á ný. Allt getur
gerst í öruggu umhverfi hring-
formsins,“ segir í tilkynningu. Sýn-
ingunni lýkur 21. júní og verður
hún opin um helgar frá kl. 11.30 til
17.
Hið fullkomna
hringform
Harpa
Másdóttir
Sýning Ásgerðar
Arnardóttur,
sem fresta varð
vegna samkomu-
banns, verður
opnuð í dag kl.
16 í Listasal Mos-
fellsbæjar. Sýn-
ingin nefnist Út
frá einu og yfir í
annað og á henni
má sjá þrjá
skúlptúra og tvívíð verk. Tvívíðu
verkin eru unnin í fjölbreytta list-
miðla sem sýna mismunandi eigin-
leika skúlptúranna og þannig
„fæða hin þrívíðu verk af sér tvívíð
verk sem eru um leið gerð úr mörg-
um víddum“, eins og segir í tilkynn-
ingu, en Ásgerður vinnur á mörk-
um ýmissa miðla og vinnuferlið
einkennist af endurtekningu og
vörpun ólíkra sjónarhorna.
Listasalur Mosfellsbæjar er inni
af Bókasafni Mosfellsbæjar í
Kjarna, Þverholti 2.
Þrívíð verk sem
fæða af sér tvívíð
Ásgerður
Arnardóttir
Um helgina verður haldin hátíð í Al-
þýðuhúsinu á Siglufirði sem ber yfir-
skriftina Leysingar og verður boðið
upp á sýningar, tónleika og viðburði
af ýmsu tagi frá deginum í dag til og
með 31. maí. Má þar nefna gjörninga,
ljóðalestur og jóga.
Í Kompunni kl. 16 í dag verður
opnuð sýning Páls Hauks Björns-
sonar myndlistarmanns og kl. 17
hefst gjörningadagskrá listhópsins
Kaktus. Í Segli 67 verður kl. 14 opnuð
sýning Ásdísar Sifjar Gunnarsdóttur
myndlistarmanns og á morgun kl. 17
heldur píanóleikarinn Davíð Þór
Jónsson tónleika. Kl. 18.05 verður
boðið upp á ljóðalestur og verður það
Sigurbjörg Þrastardóttir sem les.
Kl. 18.25 fer fram tónlistarspuni
ýmissa tónlistar- og listamanna, m.a.
þeirra Davíðs Þórs Jónssonar og Þór-
is Hermanns og 31. maí kl. 14 verður
jógastund með Kiru Kiru og Arn-
björgu Kristínu Konráðsdóttur. Eru
gestir beðnir um að koma með jóga-
dýnur.
Örlygur Kristfinnsson verður með
sýninguna Lundabúðin í Söluturn-
inum, Aðalgötu 23, frá 29. til 31. maí,
sýnir vatnslitamyndir um líf og dauða
geirfuglsins.
Vegna COVID-19 eru gestir beðnir
um að koma ekki á viðburðina ef þeir
finna fyrir einkennum kórónuveiru-
smits og þeir sem koma eru beðnir
um að spritta hendur við innganginn
og fara eftir leiðbeiningum um stað-
setningu og fjölda inni í húsinu og
snerta ekkert innandyra nema þá
helst stóla.
Séð verður til þess að fólk fái sitt
tveggja metra rými.
Leysingar í Alþýðuhúsinu
Kaktus Listhópurinn verður með
gjörningadagskrá í Alþýðuhúsinu.