Ægir - 2019, Page 20

20
Nýtt
tölvu-
forrit
fyrir raf­
magns­
tengingar
báta
Fyrirtækið eTactica hefur hannað og
sett upp tölvuforrit fyrir landtenging-
ar smábáta við rafmagn. Forritið hef-
ur verið sett upp í Sandgerðishöfn og
reynist mjög vel. Þá er það einnig í
notkun í Hafnarfirði og Faxaflóahöfn-
um í Reykjavík.
Þegar smábátur kemur í höfn í Sand­
gerði finnur skipstjórinn sér tengil í sér­
tilgerðum kössum, sem eru allir númer­
aðir. Þá er hann búinn að skrá sig áður
hjá höfninni í tölvukerfið og þarf aðeins
að gera það einu sinni. Þegar hann kem­
ur að byrggju slær hann inn skipsnúm­
erið sitt og númerið á tenglinum og þá
tengist hann sjálfkrafa. Sama er svo
þegar hann fer á sjó aftur. Þá slær hann
inn tilheyrandi númer til að aftengjast.
„Um hver mánaðamót tökum við stöð­
una á notkuninni og sjáum hvað hver og
einn hefur notað af rafmagni og gefum
út reikning í samræmi við það. Þetta er
alveg sjálfvirkt, við þurfum eiginlega
ekkert að líta á þetta.
Við tókum þetta kerfi upp í mars og
það hefur reynst algjör bylting fyrir
okkur til að halda utanum rafmagns­
notkun báta. Áður var mun erfiðara að
halda utan notkunina og því erum við
mjög ánægðir með þetta kerfi. Stærri
bátarnir eru ekki komnir inn í þetta kerfi
og þeir tengja sig venjulega sjálfir og þá
þarf að fylgjast með mælunum til að sjá
notkunina,“ segir Rúnar Árnason, hafn­
arstjóri í Sandgerði.
■ Smábátar í Sandgerðishöfn. Ljósmynd Hjörtur Gíslason