Ægir - 2019, Qupperneq 21

21
„Í langflestum tilvikum, þegar skip
stoppar í höfn meira en sólarhring, þá
tekur það landtengingu. Við ráðum
reyndar ekki alveg við frystitogarana
hvað varðar rafmagnið. Þeir eru engu
að síður landtengdir og nota það raf-
magn sem við getum skaffað þeim.
Það er orðið lítið um að menn séu að
keyra ljósavélar í landlegu. Það er þá
helst þegar verið er að nota löndunar-
krana, að rafmagnstengingin ráði
ekki alveg við það. Þá má benda á að
frystitogararnir stoppa venjulega
mjög stutt í landi, bara meðan á lönd-
unum, viðgerðum eða viðhaldi stend-
ur,“ segir Sigurður Kristmundsson,
hafnarstjóri í Grindavík.
Tenging við heitt vatn góður
kostur
Grindavíkurhöfn er að stíga skrefinu
lengra í þjónustu við útgerðir með því að
bjóða skipum tengingu við hitaveitu, séu
þau til þess búin.
„Ég veit að það eru þrjú skip að koma
til Grindavíkur sem eru búin með
varmaskipti svo þau geti tengst hita­
veitu. Svo er það okkar og hitaveitunnar
að skaffa vatnið og tengingar. Hafnsögu­
báturinn okkar er á heitu vatni og það
stendur til að björgunarbáturinn fari yf­
ir á það líka. Við viljum búa við þann
kost að geta boðið upp á hitaveitu á
bryggjunni. Þetta eru ólíkar vörur, raf­
magn og heitt vatn, þó á vissan hátt sé
tilgangurinn sá sami; að halda skipunum
heitum. Rjúki verð á rafmagni til dæmis
upp, getur hitaveitan að miklu leyti kom­
ið í staðinn. “
Fjárfesting fyrir landtengingu
flutningaskipa borgar sig ekki
Sigurður segir nánast útlokað fyrir
Grindavíkurhöfn að bjóða flutningaskip­
um landtengingu. Bæði þurfi þau mikið
rafmagn og einnig sé ekki svo mikið um
komur þeirra að það borgi sig að fjár­
festa í miklum og dýrum búnaði til að
veita þessa þjónustu. Legudagar stórra
skipa í Grindavík séu kannski um einn
og hálfur mánuður og það sé of stuttur
tími fyrir mikla fjárfestingu. Að auki séu
skipin ekki útbúin til þess að taka við
rafmagni úr landi. Þetta þurfi þá að vera
samræmt átak útgerða flutningaskipa,
raforkusala og hafnanna til að þess skip­
in verði með búnað til að taka við raf­
magni, ekki bara hér á Íslandi, heldur
líka í öðrum löndum.
„Þetta með rafmagnið hefur verið
okkur mjög hugleikið og því keyptum við
búnað af fyrirtækinu eTactica sem gerir
notendum kleift að fylgjast með því á
netinu hver notkunin er. Tenglarnir hjá
okkur ráða mest við 125 amper, en
stundum verður álagið það mikið að þeir
slá út eða ofhitna og brenna. Það eru
ýmsar ástæður sem geta orðið til þess að
skip slá út landtengingunni. Kerfið send­
ir okkur þá upplýsingar um það í síma
og því getum við og vélstjórar brugðist
hraðar við en ella. Í sumum skipum er
reyndar búnaður sem ræsir ljósavélar
sjálfkrafa, rofni straumurinn úr land,“
segir Sigurður.
■ Sigurður Kristmundsson, hafnar-
stjóri í Grindavík.
Hafnir og umhverfismál
■ Hafnsögubátur Grindavíkur, Bjarni Þór nýtir sér hitaveitutengingu og til stendur að björgunarskipið Oddur V. Gíslason geri
það líka. Myndir: Hjörtur Gíslason
Grindavíkurhöfn
Bjóða upp á rafmagn og hita-
veitu fyrir bátana