Ægir - 2019, Page 44

44
„Afkoman á fyrri hluta ársins bendir
til þess að við séum á réttri leið,“ seg-
ir Guðmundur Kristjánsson, forstjóri
Brims hf. um nýbirtar afkomutölur
fyrirtækisins fyrir fyrrihluta ársins
2019. Fyrirtækið hét áður HB Grandi
hf. en skipti um nafn nú síðsumars.
Brim hf. gerir upp í evrum en miðað
við meðalgengi á fyrri árshelmingnum
námu tekjur samstæðunnar 15 milljörð­
um króna, EBITDA var 3,2 milljarðar og
hagnaður 1,5 milljarðar. Samkvæmt
efnahagsreikningi í lok þessa tímabils,
þ.e. 30. júní námu eignir félagsins tæpum
92 milljörðum, skuldir 53 milljörðum og
eigið fé 39 milljörðum króna. Forstjóri
Brims segir tækifæri í sjónmáli fyrir fé­
lagið.
Kaup á Ögurvík að skila sér
„Með kaupunum á Ögurvík á síðasta ári
fjárfestum við í auknum veiðiheimildum
sem meðal annars skila sér nú í bættri
afkomu félagsins. Brim er stórt félag
með mikla fjármuni undir og áhættan
talsverð vegna utanaðkomandi sveiflna.
Arðsemin verður að vera góð til að
borga skuldir og fjárfesta í nýjum og
fullkomnum framleiðslutækjum bæði í
landi og úti á sjó. Þá megum við heldur
ekki gleyma því að það kostar sitt að
tryggja okkur aðgang að mörkuðum sem
greiða gott verð fyrir afurðir okkar. Það
eru víða tækifæri til að gera betur og ég
er sannfærður um að við getum nýtt
okkur þau,“ segir Guðmundur.
Brim hf. gerði í lok júní út sjö fiskiskip
en í byrjun þess mánaðar seldi félagið
einn af nýjustu togurum sínum, Engey
RE. Á dögunum tók félagið ísfisktogar­
ann Helgu Maríu AK í rekstur á nýjan
leik en hann hafði verið í leiguverkefn­
um á Grænlandi að undanförnu. Afli
samstæðu Brims hf. var 26,5 þúsund
tonn af botnfiski fyrstu sex mánuði árs­
ins og á sama tíma 43,6 þúsund tonn af
uppsjávarfiski.
Eignast sölufélög í Asíu
Auk breytinga á nafni félagsins sam­
þykkt hluthafafundur nú í ágúst kaup á
sölufélögum í Japan, Hong Kong og í
Kína, auk kaupa á þjónustufélagi á Ís­
landi. Samanlagt kaupverð eignarhlut­
anna nam 35 milljónum króna, eða sem
svarar 4,3 milljörðum króna. Seljandi var
Útgerðarfélag Reykjavíkur sem fékk að
fullu greitt fyrir með nýjum hlutabréfum
í Brim hf.
■ Brim hf., áður HB Grandi er stærsta sjávarútvegsfyrirtæki landsins og hefur tekið á móti fimm nýjum skipum á síðustu
árum, fyrst tveimur uppsjávarskipum og síðan þremur nýjum ísfisktogurum. Hér eru Engey RE og Akurey AK í Akranes-
höfn en fyrrnefnda skipið var selt í júní síðastliðnum en í stað þess er ísfisktogarinn Helga María AK aftur kominn á veiðar.
HB Grandi heitir nú Brim
Hagnaðist um 1,5 milljarða
á fyrri hluta ársins
■ Í fiskvinnslu Brims hf. á Grandagarði.
Fréttir