Ægir - 2019, Side 48

48
Birgir Þór skref í þá átt að tryggja enn
betur gæði aflans. Í lest komast 244 ker
og má áætla að fulllestuð taki hún rúm­
lega 80 tonn.
„Pressan verður minni á fiskinum
sem er neðst í hverju keri og það skiptir
máli hvað gæðin varðar. Auk heldur eru
minni kerin léttari og þar af leiðandi
verður vinnan við þau í lestinni léttari,“
segir Birgir Þór.
Spennandi að reyna skip með
tveimur skrúfum
Nýja Vestmannaey er tæplega 29 metrar
á lengd og 12 metra breið, eða hálfum
öðrum metra breiðari en gamla skipið.
Skipið er einnig nokkuð hærra en það
eldra en þetta tvennt segir Birgir Þór að
skili sér bæði á vinnusvæðum, í lest og í
íbúðum. Skipið er hönnun frá Vard
skipasmíðastöðinni í Noregi í samstarfi
við íslensku útgerðirnar. Það er búið
tveimur aðalvélum frá Yanmar og tveim­
ur skrúfum frá Finnoy sem ætlað er að
gefa aukinn togkraft.
„Það er mjög spennandi að kynnast
því að vera með tvær skrúfur því þetta
er nýtt fyrir manni. Ég fann það vel á
heimsiglingunni að skrúfurnar toga
skipið svolítið niður og gera að verkum
að það er þýðara í sjó en eldra skipið þó
það sé líka afar gott sjóskip. Við gerðum
líka prófanir áður en nýja skipið fór til
Akureyrar að draga troll og láta á reyna
hvernig skipið er í snúningum og reynd­
ist það mjög vel þrátt fyrir að vera
svona hátt. Það hallast lítið þrátt fyrir
hæðina. Þannig að mér líst afar vel á
hversu stöðugt og gott nýja skipið er. Af
fyrstu kynnum hef ég á tilfinningunni
að hér sé á ferðinni mjög gott sjóskip og
að skrúfurnar tvær hafi mikið að segja í
því. En á þetta allt saman á eftir að
reyna þegar þar að kemur,“ segir Birgir
Þór en skrúfurnar tvær eiga að skila um
20% meiri togspyrnu en er á gömlu Vest­
manney VE, sem í dag heitir Smáey VE.
Heildarkerfi í brúnni
Togspilin um borð eru frá Seaonics í Nor­
egi og eru rafmagnsknúin. Aflanema­
kerfi er frá Marport en SeaQ, sem er
dótturfyrirtæki Vard, hannaði brúar­
kerfið. Flest tækin í brúnni eru af gerð­
inni Furuno.
„Þetta er heildarkerfi og vinnuað­
staða frá þessu norska fyrirtæki, allt frá
stólum, borðum, skjávegg, tækjum og
öðru sem í brúarlausninni felst. Sem
dæmi getum við stjórnað öllu í skipinu
úr einni tölvu og með einni tölvumús og
einu lyklaborði. Allt er þannig hannað að
sem einfaldast sé í daglegri notkun,“
segir Birgir Þór og viðurkennir að það
sé spennandi að taka nýtt skip í notkun.
„Ég tók við eldra skipinu nýju á sínum
tíma og þó það sé ekki orðið mjög gamalt
þá er engu að síður fagnaðarefni að ekki
líði of langur tími á milli þess sem skipin
eru endurnýjuð. Það er mikil þörf á að
endurnýja í flotanum en þetta er dæmi
um endurnýjun þessara minni togskipa
sem skilar verulega öflugri skipum þó
skipin sjálf séu ekki mikið stærri en þau
sem fyrir voru. En vissulega verður
gaman að fara á veiðar á nýju skipi, því
er ekki að neita,“ segir Birgir Þór.
■ Rúmgóður og vandaður borðsalur.
■ Horft úr brúnni aftur yfir togþilfarið. ■ Í vélarrúminu eru tvær aðalvélar frá Yanmar en skipið er
búið tveimur skrúfum.