Hugur og hönd - 2020, Page 23

HUGUR OG HÖND 2020  23
Alda Sigurveig Sigurðardóttir
Handverksfólk á Þingeyri
Snemma sumars 2019 lá leið
okkar systra til fundar við
hagleiksfólk á Vestfjörðum,
nánar tiltekið á Þingeyri við
Dýrafjörð.
Af mörgu sem fyrir augu ber á
Þingeyri er hlutur einn sem í
tvígang hefur heillað fingralangan
einstakling með smekk fyrir
vönduðu handverki. Hér er um að
ræða stóran vestfirskan vettling
sem hangir sem kennimark fyrir
utan handverkshúsið Koltru.
Prjónakonan sem renndi þessum
risavettlingi gegnum sínar högu
hendur heitir Alda Sigurveig
Sigurðardóttir.
Alda fæddist fæddist á
Leiðarhöfn á Vopnafirði árið
1947. Foreldrar hennar voru
Heiður Júlíusdóttir, fædd á
Þönglabakka í Fjörðum árið 1921,
dáin 2012 og Sigurður Karl
Jónsson sjómaður fæddur á
Vopnafirði árið 1919, dáinn 1966.
Alda gekk í barnaskólann á
Vopnafirði og fók fullnaðarpróf
þaðan 14 ára gömul. Eftir það
vann hún við síldarvinnslu á
Vopnafirði. Aðeins 15 ára gömul
fór hún á vertíð til Þingeyrar og
kynntist þá manni sínum Kristjáni
Gunnarssyni. Þau hófu búskap á
Þingeyri og hafa búið þar alla tíð.
Alda hefur unnið við fiskvinnslu
alla sína starfsævi. Síðan hún fór
á eftirlaun hefur hún haft nóg við
að vera í handverki, prjóna sauma,
vattarsauma, hekla, lita garn,
spjaldvefa o.fl. o.fl.
Alda var ein af stofnendum
handverkshópsins Koltru árið
1995. Upphafið má rekja til þess
að upplýsingamiðstöðin á
Þingeyri vildi fá handverk til að
lífga upp á hjá sér. Í fyrstu var
byrjað með lopapeysur, vettlinga,
sokka og skartgripi og fleira sem
allt var unnið af Dýrfirðingum,
bæði með fasta búsetu eða
brottfluttum. Hún hefur gegnum
Alda og Kristján á víkingasvæðinu Þingeyri.