Morgunblaðið - 08.06.2020, Blaðsíða 27

ÍÞRÓTTIR 27
MORGUNBLAÐIÐ MÁNUDAGUR 8. JÚNÍ 2020
 Íslenski miðjumaðurinn Aron Elís
Þrándarson skoraði sitt fyrsta mark í
dönsku úrvalsdeildinni í knattspyrnu
þegar lið hans OB vann 3:1-sigur á
Esbjerg í lokaumferðinni fyrir úr-
slitakeppnina í gær. Aron spilaði allan
leikinn í liði OB sem fékk hann frá
Aalesund í Noregi um síðustu áramót.
 Knattspyrnudeild HK og Jón Arnar
Barðdal hafa komist að samkomulagi
og mun leikmaðurinn spila með Kópa-
vogsfélaginu í sumar. Brynjar Björn
Gunnarsson, þjálfari HK, staðfesti tíð-
indin við Fótbolta.net í gær.
 Margrét Íris Einarsdóttir hefur
framlengt samning sinn við knatt-
spyrnudeild ÍBV en þetta kemur fram
á heimasíðu félagsins. Samningurinn
er til næstu tveggja ára og gildir því til
haustsins 2022.
 Knattspyrnumaðurinn Alfreð Finn-
bogason lék sinn fyrsta leik síðan 15.
febrúar er hann kom inn á sem vara-
maður á 76. mínútu í 1:1-jafntefli
Augsburg og Köln í þýsku 1. deildinni í
gær. Alfreð missti af fyrstu leikjum
Augsburg eftir kórónuveirupásuna
vegna meiðsla, en er að komast af
stað á ný. Augsburg er í 13. sæti með
32 stig þegar fjórar umferðir eru eftir.
 Ríkjandi heimsmeistari í 400 metra
hlaupi kvenna Salwa Eid Naser hefur
verið sett í tímabundið bann vegna
brots á lyfjareglum. Naser vann gullið
á heimsmeistaramótinu í Doha á síð-
asta ári er hún hljóp á 48,14 sek-
úndum, sem er þriðji hraðasti tími
sögunnar og sá hraðasti síðan 1985.
Er Eid Naser sökuð um að hafa skróp-
að í lyfjaprófi í þrígang og á hún yfir
höfði sér eins til tveggja ára bann.
 Körfuknattleiksdeild Fjölnis hefur
gengið frá samningi við bandaríska
bakvörðinn CJ Carr og kemur hann til
með að leika með liðinu á næstu leik-
tíð. Fjölnir leikur í 1. deild næsta vetur
eftir fall úr deild þeirra bestu á síðustu
leiktíð.
 Ítalski knattspyrnumaðurinn Mario
Balotelli er við það að vera rekinn frá
ítalska knattspyrnuliðinu Brescia, en
þar er Balotelli á mála ásamt íslenska
landsliðsmanninum Birki Bjarnasyni.
Balotelli hefur misst af fjölmörgum
æfingum og tók ekki þátt í fjarfundum
liðsins í kórónuveirupásunni. Balotelli
hefur ítrekað misst af æfingum liðsins
frá því í byrjun maí.
 Knattspyrnumaðurinn Brynjar Ás-
geir Guðmundsson mun ekki leika með
FH í sumar vegna meiðsla. Brynjar
sleit hásin á dögunum og þarf að fara í
aðgerð. Staðfesti hann í samtali við
Fótbolta.net að hann
yrði frá í sex til átta
mánuði.
Eitt
ogannað
FYLKIR
Bjarni Helgason
bjarnih@mbl.is
Árbæingurinn Daði Ólafsson lagði
upp flest mörk allra í úrvaldeildinni í
knattspyrnu, Pepsi Max-deildinni, á
síðustu leiktíð en alls gaf vinstri bak-
vörðurinn níu stoðsendingar sum-
arið 2019.
Daði, sem er 26 ára gamall, er
uppalinn í Árbænum en Fylkismenn
skiptu um þjálfara eftir síðustu leik-
tíð þegar Helgi Sigurðsson kvaddi
og við tóku þeir Atli Sveinn Þór-
arinsson og Ólafur Stígsson með
Ólaf Inga Skúlason sér til aðstoðar.
Fylkismenn hafa verið í miklu
miðjumoði undanfarin ár en Daði
ítrekar að horft sé til framtíðar í Ár-
bænum og að það sé mikið hungur í
árangur þar á bæ.
„Menn eru mjög vel gíraðir í Ár-
bænum,“ sagði Daði í samtali við
Morgunblaðið. „Við erum búnir að
æfa mjög vel og hlaupa mikið á með-
an samkomubannið stóð yfir.
Hlaupatölur liðsins sýna að við erum
í hörkustandi og eftir að við gátum
byrjað að æfa saman allt liðið höfum
við einfaldlega verið að „drilla“ tak-
tík daginn út og daginn inn ef svo má
segja. Við höfum lagt ákveðna
áherslu á varnarleikinn á æfingum
og að laga hann enda algjört lykil-
atriði fyrir okkur að hann sé í lagi.
Varnarlínan okkar er auðvitað
með breyttu sniði eftir brotthvarf
Ara [Leifssonar] en Orri [Sveinn
Stefánsson] kemur inn í þetta á nýj-
an leik. Hann og Ásgeir voru mið-
verðir liðsins þegar við unnum 1.
deildina 2017 og við fáum ekki á okk-
ur nema einhver nítján mörk það
sumarið. Þeir verða því að reyna að
halda uppi sama standard í sumar og
ég hef fulla trú á því að þeir haldi
áfram þar sem frá var horfið enda
lítið annað í boði.“
Ábyrgðin dreifðari
Daði hefur mikla trú á nýja þjálf-
arateyminu í Árbænum og viður-
kennir að Ólafur Ingi Skúlason njóti
mikillar virðingar innan leikmanna-
hóps liðsins.
„Það mætti alveg segja að miklar
áherslubreytingar hafi átt sér stað
en samt ekki með þjálfaraskipt-
unum. Þjálfarateymið skiptir vel
með sér verkum sem er mjög já-
kvætt og ábyrgðin er mun dreifðari
kannski en áður. Óli Skúla sér um
allar leikgreiningar og aukaæfingar.
Atli og Óli sjá svo bara um ákveðna
hluti og saman sjá þeir svo um það
að kynna liðinu hlutina. Það er mikið
um fundarhöld hjá þeim og ég veit
hreinlega ekki hvað þeir eru að gera
þarna inni enda stanslausir fundar
oft á tíðum.
Óli hefur alltaf verið ákveðinn
leiðtogi í liðinu og þess vegna var
hann fenginn inn í þjálfarateymið til
að byrja með. Hann er frábær kar-
akter og honum hefur tekist að finna
þennan gullna meðalveg í því að vera
léttur og alvarlegur inn á milli. Hann
gerði það líka sem leikmaður og
maður hlustaði alltaf. Annað væri
held ég bara óeðlilegt miðað við fer-
ilinn hans sem er náttúrlega frábær
og á allt öðrum stað en okkar flestra
sem spilum með liðinu.“
Horft til framtíðar
Fylkismenn enduðu í áttunda sæti
úrvalsdeildarinnar á síðustu leiktíð
og er liðinu spáð svipuðu hlutskipti
hjá fjölmiðlum í sumar.
„Auðvitað viljum við meira en
þetta miðjumoð sem hefur einkennt
liðið. Hvort það komi í ár eða á
næstu árum þarf að koma í ljós. Við
stefnum að því í framtíðinni að vera í
alvöru Evrópubaráttu og svo er ætl-
unin að byggja ofan á það eftir því
sem fram líða stundir.
Við finnum fyrir bæði hungri og
ákveðinni pressu hjá stuðnings-
mönnum liðsins líka sem er bara já-
kvætt. Við setjum ákveðna pressu á
okkur sjálfir og það er ekkert gaman
að vera endalaust í miðjumoði.
Við fengum nasaþefinn af því
hvernig það er að vinna titla þegar
við fórum með sigur af hólmi í 1.
deildinni sumarið 2017. Við vitum
hvað það er gaman og að vinna
marga leiki í röð og þetta er eitthvað
sem við viljum að sjálfsögðu leika
eftir.“
Það kom bakverðinum mikið á
óvart að hafa verið stoðsend-
ingahæsti leikmaður úrvaldeild-
arinnar á síðustu leiktíð en hann
hafði betur gegn leikmönnum á borð
við Íslandsmeistarann Óskar Örn
Hauksson, KR, og Hallgrím Mar
Steingrímsson, KA, sem lögðu upp
átta mörk.
„Það kom mér klárlega á óvart að
vera stoðsendingahæstur en að
sama skapi var það hrikalega gam-
an. Ég geri mér samt grein fyrir því
að ég mun þurfa að fórna sóknar-
leiknum að einhverju leyti í sumar
þar sem við munum leggja ákveðna
áherslu á varnarleikinn. Liðið er
mikilvægara en einhver stoðsend-
ingatitill og ef við ætlum að vera
þéttir til baka gengur ekki að annar
bakvörður liðsins sé alltaf fremstur
á vellinum.
Það að leggja upp mörk í sumar er
því langt í frá að vera í einhverjum
sérstökum forgangi hjá mér. Ef það
gerist þá gerist það bara og það
verður að sjálfsögðu gaman en það
er alls ekki eitthvert markmið hjá
mér og ég fer ekki inn í sumarið með
það að leiðarljósi að leika eftir afrek
síðasta sumars.“
Fer ekki fet
Fjölskylda Daða er mikið Fylkis-
fólk en hann á að baki 60 leiki fyrir
Fylki í efstu deild þar sem hann hef-
ur skorað fjögur mörk.
„Fótboltinn hefur alltaf verið
númer eitt tvö og þrjú hjá mér.
Vissulega æfði maður fleiri íþróttir
þegar maður var yngri en fótboltinn
var alltaf í fyrsta sæti og það kom
aldrei neitt annað til greina en að
æfa með Fylki. Fylkir er mitt félag
og ég fer ekki frá félaginu nema mér
verði hent öfugum út þar.
Fjölskyldan mín er mikið Fylkis-
fólk en að sama skapi hafa þau alla
tíð staðið mjög þétt við bakið á mér.
Það kom tímabil hjá mér í þriðja og
öðrum flokki þar sem hlutirnir voru
ekki alveg að ganga upp og ég var
allt í einu kominn í B-liðið. Þá íhug-
aði ég það alveg að hætta og því var
sýndur fullur skilningur á heimilinu
þannig að stuðningurinn er svo
sannarlega til staðar.“
Mikið fjölskyldufélag
Daði og Ragnar Bragi Sveinsson,
sem var gerður að fyrirliða Fylkis
fyrir tímabilið, eru æskuvinir og
bakvörðurinn segir það forréttindi
að deila velli með sínum besta vini.
„Það er algjörlega geggjað að
spila með besta vini sínum og ég
fagnaði því manna mest að fá hann
aftur í Árbæinn eftir stutt stopp í
Víkinni. Þótt maður hafi kallað hann
Júdas og öðrum illum nöfnum þegar
hann fór frá okkur þá var geðveikt
að fá hann aftur og það eru sann-
kölluð forréttindi að fá að spila með
besta vini sínum.
Hjá Fylki snýst allt um að búa til
öfluga félagsmenn og gott Fylkis-
fólk. Báðir þjálfararnir búa sem
dæmi í Árbænum og þetta er mikið
fjölskyldufélag. Auðvitað viljum við
ná árangri en Fylkir hefur alla tíð
snúist um þetta og við megum alls
ekki gleyma því þótt hungrið í að
vinna titla og annað sé alltaf til stað-
ar.“
Ferskar minningar
Fylkismenn hafa aldrei orðið Ís-
landsmeistar þótt þeir hafi komist
nálægt því nokkrum sinnum. Liðið
varð hins vegar bikarmeistari 2001
og 2002 og man Daði vel eftir fagn-
aðarlátunum í Árbænum á þeim
tíma.
„Ég man mjög vel eftir því þegar
liðið kom keyrandi á vörubílnum í
gegnum hverfið með bikarinn á sín-
um tíma og allt hverfið stóð og fagn-
aði. Þetta er eitthvað sem maður
hefur alla tíð viljað upplifa sjálfur
þótt maður muni kannski ekki beint
eftir leikjunum sjálfum og hversu
gott liðið var í raun og veru á þess-
um tímum.
Auðvitað er þessi árangur eitt-
hvað sem maður myndi vilja leika
eftir en það að vera með gott lið í
efstu deild kostar líka peninga.
Fylkir er ekki ríkasta félag á landinu
og þess vegna þurfum við að byggja
upp á heimamönnum og vera klókir
á markaðnum. Mér finnst það hafa
tekist ágætlega fyrir þetta tímabil
en það er auðvitað eitthvað sem þarf
svo bara að koma betur í ljós,“ bætti
Daði við í samtali við Morgunblaðið.
Stanslaus fundarhöld
þjálfaranna í Árbænum
 Daði Ólafsson er á leið inn í sitt áttunda tímabil með uppeldisfélagi sínu
Morgunblaðið/Kristinn Magnússon
Skalli Daði Ólafsson í baráttunni við Brynjólf Andersen Willumsson í leik
Breiðabliks og Fylkis á Kópavogsvelli í úrvalsdeildinni síðasta sumar.
Martin Hermannsson, landsliðs-
maður í körfuknattleik, sneri aftur á
völlinn í gær þegar lið hans Alba
Berlín vann 81:72-sigur á Frankfurt
í fyrsta leik liðsins í úrslitakeppni
þýsku deildarinnar. Martin spilaði í
25 mínútur, skoraði átta stig, tók tvö
fráköst og gaf tvær stoðsendingar.
Þetta var fyrsti leikur Alba af fimm
á tólf dögum en ef liðið fer alla leið í
úrslit verða tíu leikir á tuttugu og
tveimur dögum. Tíu liðum er skipt í
tvo riðla. Þar spilar Alba fjóra leiki
og fara fjögur lið úr hvorum riðli í 8-
liða útsláttarkeppni.
Martin sterkur í
endurkomunni
Ljósmynd/Euroleague
Endurkoma Martin Hermannsson
er mættur aftur á völlinn.
Landsliðsfyrirliðinn Sara Björk
Gunnarsdóttir lék allan leikinn í 5:1
sigri Wolfsburg á Frankfurt í efstu
deild þýsku knattspyrnunnar á
laugardag og lið hennar nálgast
þýska meistaratitilinn. Wolfsburg
hefur 52 stig í toppsæti deild-
arinnar, átta stigum meira en Bay-
ern München, þegar fjórar umferð-
ir eru eftir. Wolfsburg þarf því
aðeins tvo sigra til viðbótar til að
tryggja fjórða meistaratitilinn í
röð. Þá er liðið sömuleiðis komið í
undanúrslit bikarsins, en liðið er
bikarmeistari síðustu fimm ára.
Sara nálgast enn
einn titilinn
Ljósmynd/Wolfsburg
Þýskaland Sara Björk Gunn-
arsdóttir er í vænlegri stöðu.