Morgunblaðið - Sunnudagur - 28.06.2020, Blaðsíða 17

hreinu smælki og draga í leiðinni athyglina rækilega
að því, á hversu mjóum og ótraustum þveng forseta-
framboðið hans hangir.
Í fyrra sagði hann þá óvæntu stórfrétt að hann
hefði farið á sínum tíma til Suður-Afríku og leyst
Mandela úr haldi, sem hefði auðvitað glatt þá báða.
Hann gæti því næst sagst hafa náð bin Laden naum-
lega með því að lemja hann með golfkylfu, þótt hann
væri búinn að gleyma því af hverju hann gerði það
eða á hvaða holu það var, enda hreint aukaatriði.
En talandi um kylfuleik og bin Laden varð mörgum
ekki um sel í vikulokin þegar pakistanska krikketgoð-
ið, Imran Kahan, núverandi forsætisráðherra, sagði
frá því á þingi í Islamabad hversu mjög það hefði
fengið á hann þegar Bandaríkin hefðu farið í óleyfi
inn í Pakistan og gert bin Laden að píslarvotti trú-
aðra með árás sinni á hann.
Stjórnarandstæðingar gagnrýndu ráðherrann
harðlega fyrir þessa vörn fyrir helsta persónugerving
hryðjuverka á heimsvísu, en stuðningsöfl úr röðum
harðlínumanna og hluta hersins voru sögð hafa fagn-
að ummælunum.
Kannanir kæla Trump
En hvað sem ástandinu á Biden líður geta demókrat-
ar enn huggað sig við það að kannanir eru honum al-
mennt hagfelldar um þessar mundir. Þeir binda vonir
við að staðan á Biden sé ekki lykillinn að þeim tölum.
Þær endurspegli hina miklu andstöðu sem sé við
Trump. Forsetinn hafi ekki náð að gera sig að forseta
allra Bandaríkjamanna í oddastöðu sinni gagnvart
veirunni sem á engan vin. Það blasir auðvitað við að
hinir öflugu fjölmiðlar, sem að miklum meirihluta eru
fjandsamlegir Trump og leyna því lítt, eins og þeir
eru raunar alla jafna andsnúnir forsetum repúblik-
ana, eru þó óvenjulega hatursfullir gagnvart Trump.
Þeir voru því ráðnir í því að Trump skyldi sitja í
veirusúpunni miðri, og mætti aldrei og alls ekki koma
frá henni sem sigurvegari, hvorki í smáu né stóru.
Í mörgum efnum gerði forsetinn framgöngu fjand-
samlegra fjölmiðla auðveldari með óvarlegum og
jafnvel glannafengnum fullyrðingum.
Leiðtogar repúblikana viðurkenna að þeir hafi
ástæðu til að hafa áhyggjur af stöðunni og þeir vé-
fengja alls ekki þá mynd sem kannanir draga upp.
En það er þekkt að stjórnmálamenn, sem standa
illa í könnunum, reyna að gera lítið úr þeim og segjast
eingöngu horfa til kosningaúrslita sem sé hin eina
sanna könnun, þótt þeir hafi hampað hagstæðri könn-
un nokkru áður.
Benda á bjartari merki
En þótt repúblikanar viðurkenni vondar kannanir
reyna þeir þó að berja kjark í sitt lið með ýmsum
hætti. Þeir minna gjarnan á að Hillary Clinton hafi
ætíð staðið nokkuð betur í könnunum en Trump í að-
draganda kosninganna 2016 og menn muni hvernig
það fór. En nú er munurinn óneitanlega meiri.
Og þá var verið að tala um kannanir á landsvísu, en
upp á síðkastið hafa kannanir verið brotnar niður á
einstök ríki og þar er staðan einnig augljóslega mjög
erfið fyrir Trump, og þar með talið í ríkjum sem hann
verður að vinna ætli hann að eiga von um sigur.
Repúblikanar benda þá á að ætla megi að þetta sé
botninn. Nú sé verið að opna Bandaríkin og efna-
hagstölurnar fari flestar batnandi. Og þótt tíminn til
kosninga sé óneitanlega skammur, sé ekki útilokað að
hann dugi til þess að hin jákvæðu áhrif þeirra skili
sér til kjósenda. Þá benda þeir á að mælingar sýni að
kjósendur Trumps séu ákveðnari og líklegri til að
fara á kjörstað, en kjósendur Bidens og þar geti mun-
að verulegu.
Spunameistarar demókrata segja á móti að for-
sendur þessara seinustu röksemda séu gallaðar.
Þarna sé ekki um kjósendur Bidens að ræða, í hefð-
bundnum skilningi, a.m.k. ekki eingöngu. Þarna séu
ekki síst þeir kjósendur sem fara á kjörstað til að
kjósa Trump á bak og burt og engu skipti fyir þá hver
sé á hinum kjörseðlinum og hvort hann sé léttrugl-
aður að mati repúblikana og jafnvel annarra eða ekki.
Þeir kjósendur muni fara á kjörstað þótt það rigni
eldi og brennisteini á kjördag. Það sé Trump sem
reki þá að kjörkössunum og það sé ekkert sem bendi
til þess að hann hætti því í tæka tíð.
Trump sé þeirra stóra tromp.
Vill hann það?
Varla.
Morgunblaðið/Eggert
28.6. 2020 MORGUNBLAÐIÐ SUNNUDAGUR 17