Morgunblaðið - 28.07.2020, Blaðsíða 4

Flugfreyjur sam-
þykktu saming
Sighvatur Bjarnason
Freyr Bjarnason
Félagsmenn Flugfreyjufélags Ís-
lands (FFÍ) hafa samþykkt nýgerð-
an kjarasamning við Icelandair með
miklum meirihluta, eða 83,5%. Verði
samningar undirritaðir, markar það
endi á langri og harðri kjarabaráttu
sem staðið hefur í tæp tvö ár.
Í samtali við mbl.is sagði Guðlaug
Líney Jóhannsdóttir, varaformaður
FFÍ, það ekki koma á óvart að samn-
ingurinn hefði verið samþykktur.
„Það er nokkuð ljóst að félagsmenn
okkar eru sammála mati stjórnar og
samninganefndar um að það besta í
ómögulegri stöðu væri að semja.
Með þessu eru félagsmenn líka að
standa á bak við stéttarfélagið.“ Hún
bætir við að kjörsóknin hafi verið
mjög góð eða rúmlega 88%, sem sé
til marks um ábyrgð og áhuga fé-
lagsmanna á að hafa um kaup sín og
kjör að segja.
Traust hefur skaðast
Þrátt fyrir yfirburði þeirra 83,5%
sem samþykktu samninginn, á móti
þeim 13,4% sem hafna honum, er
ljóst að ferlið og atburðarásin hefur
markað djúp sár í raðir flugreyja.
Guðlaug segir að traust flugfreyja og
-þjóna í garð atvinnurekanda síns
hafi skaðast. Hún vonar að stjórn-
endur Icelandair sýni vilja í verki til
þess að endurbyggja það traust sem
var fyrir hendi. Hún bætir við að
„með þessu erum við að leggja okkar
lóð á vogaskálirnar við að koma fé-
laginu úr þeim hremmingum sem
það var í“.
Vík milli vina
Að sama skapi má búast við að
samskipti flugfreyja og flugmanna
verði með stirðara móti, en líkt og
kunnugt er samþykkti Félag at-
vinnuflugmanna að félagsmenn þess
myndu ganga í störf flugfreyja.
 Löng og hörð kjarabarátta að baki
Morgunblaðið/Kristinn Magnússon
Kjarasamningur Guðlaug Líney Jó-
hannsdóttir er varaformaður FFÍ.
4
MORGUNBLAÐIÐ ÞRIÐJUDAGUR 28. JÚLÍ 2020
Aron Þórður Albertsson
aronthordur@mbl.is
Erfiðlega gengur fyrir íslenska
flugmenn að fá vinnu innan flug-
geirans. Atvinnutækifæri eru af
skornum skammti sökum mikilla
rekstrarörðugleika flugfélaga um
allan heim. Þetta segir Jón Þór
Þorvaldsson, formaður Félags ís-
lenskra atvinnuflugmanna (FÍA), í
samtali við Morgunblaðið. Að sögn
hans hafa einhverjir fengið vinnu
þótt fáir séu.
„Það er þunnur þrettándinn í
flugheiminum eins og er. Það eru
samt einhverjir sem hafa komist í
vinnu annars staðar,“ segir Jón
Þór og nefnir í því samhengi félög
á borð við Star Air í Danmörku og
Cargolux. Þá séu sömuleiðis dæmi
þess að íslenskir flugmenn hafi
fengið starf í Mið-Austurlöndum.
„Sem betur fer ganga fraktflutn-
ingar vel þrátt fyrir veiruna. Í far-
þegaflutningum er hins vegar
sama ástand um allan heim, þeir
eru í algjöru lágmarki,“ segir Jón
Þór.
Í kjölfar heimsfaraldurs kórónu-
veiru hafa farþegaflutningar verið
í lamasessi. Þannig hefur fjöldi
flugfélaga orðið fyrir gríðarlegu
tekjufalli. Til að bregðast við því
hefur flugmönnum og öðru starfs-
fólki fyrirtækjanna verið sagt upp.
Atvinnuleysi innan fluggeirans er
því gríðarlegt. Jón Þór segir að
opna verði landamæri sem fyrst.
„Ég er bjartsýnn í eðli mínu og
vonandi verður opnað á fleiri staði.
Það er ekki hægt að hafa þetta
lengur, hagkerfin þola það ekki.
Þessar lokanir voru ekki teknar á
vísindalegum forsendum og þar af
leiðandi er þetta í höndum stjórn-
málamanna,“ segir Jón Þór, sem
vonast til að flugumferð taki við
sér fljótlega. Að öðrum kosti verði
flugmenn að leita annarra leiða til
að afla tekna.
Geti endað á bótum
„Flestir eru að leita sér að vinnu
á þessum vettvangi en ef þetta
breytist ekki þurfa margir að finna
vinnu á öðrum vettvangi. Ef það
gengur síðan ekki eru það bara at-
vinnuleysisbætur,“ segir Jón Þór.
Aðspurður segir hann að líkur
séu á því að Icelandair verði fljótt
að ná sér á strik aftur. „Það gæti
verið komið á góðan stað á skömm-
um tíma. Við þurfum svo litla
markaðshlutdeild til að vera komin
á góðan stað. Það hefur einnig tek-
ist vel hjá Icelandair að stöðva út-
flæði fjármagns eins og sást í síð-
asta uppgjöri.“
Mjög lítið í boði fyrir flugmenn
 Flugmenn gætu þurft að leita sér að starfi á öðrum vettvangi  Atvinnutækifæri í fluggeiranum af
skornum skammti  Einhverjir hafa fengið starf í Mið-Austurlöndum  Mikilvægt að opna landamæri
Morgunblaðið/Þórður Arnar
Atvinnuflugið Atvinnutækifæri innan fluggeirans eru af skornum skammti
enda miklir rekstrarerfiðleikar hjá flugfélögum um allan heim.
Funahöfða 7, 110 Reykjavík | Sími 577 6666
KIEL/ - OG FRYSTITJEKI
., '*-�-��,�rKu�,
Kæli- & frystibúnaður
í allar gerðir sendi- og flutningabíla
Snorri Másson
Baldur Arnarson
Tap Icelandair á öðrum ársfjórðungi
þessa árs nam 12,3 milljörðum króna.
Einskiptiskostnaður vegna kórón-
uveirunnar nam 5,9 milljörðum króna
á öðrum ársfjórðungi 2020 og 30,3
milljörðum króna á fyrstu sex mán-
uðum ársins. Félagið skilaði ársfjórð-
ungsuppgjöri til kauphallarinnar í
gær.
Eigið fé félagsins nam 15,9 millj-
örðum króna og var eiginfjárhlutfall
11%. Lausafjár-
staðan var 21,3
milljarðar króna í
lok júní.
Viðræðum ljúki
í vikunni
Bogi Nils Boga-
son, forstjóri Ice-
landair, sagði við
mbl.is að betur
hefði gengið í
rekstri félagsins en hann átti von á.
Sjóðsstaðan væri sterkari en gert var
ráð fyrir, en ljóst væri að svona gæti
þetta ekki haldið áfram lengi.
Fyrirhugað er hlutafjárútboð í
ágúst, þar sem heimild er fyrir hendi
til þess að safna allt að 30 milljörðum í
nýju hlutafé. Áður þarf að klára við-
ræður við lánardrottna og leigusala
um að breyta niðurgreiðsluáætlun
skulda vegna breyttrar stöðu félags-
ins. Í vikunni er miðað við að viðræð-
ur klárist annars vegar við Boeing og
hins vegar við umrædda lánar-
drottna.
Vilja fá bætt tjón
Bogi segir að viðræðurnar við
Boeing snúi fyrst og fremst að tveim-
ur þáttum. „Það er annars vegar um
að ræða frekari bætur vegna þess
tjóns sem við höfum orðið fyrir og
hins vegar hugsanlega breyta þessum
pöntunum sem við erum með fyrir tíu
vélum. Við erum að skoða hvort við
getum endurskipulagt það,“ segir
Bogi og vísar þar til þess tjóns sem af
hlaust þegar félagið þurfti að kyrr-
setja MAX 737-vélarnar.
Bogi segir viðræður við lánar-
drottna ekki hafa snúið að því að
breyta skuldum þeirra í hlutafé. Þá
segir hann að fyrst og fremst hafi
hingað til verið rætt við íslenska fjár-
festa um þátttöku í útboðinu, einkum
þá sem þegar eru stærstu hluthafar
félagsins, sem eru íslenskir lífeyris-
sjóðir.
Þó að aðallega hafi verið rætt við ís-
lenska fjárfesta eru erlendir ekki úti-
lokaðir úr dæminu. „Við höfum fundið
fyrir áhuga erlendis frá en við höfum
ekki hafið neinar viðræður þar. Við
höf-um bara fyrst og fremst verið að
einbeita okkur að íslenska markaðn-
um,“ sagði Bogi við mbl.is.
Endurskoða eldsneytisvarnir
Í samtali við Morgunblaðið í gær
sagði Bogi Nils, aðspurður, að vegna
aðstæðna hefði félagið ekki gert
framvirka samninga um kaup á elds-
neyti. „Við munum í framhaldi endur-
skoða stefnu okkar varðandi elds-
neytisvarnir,“ sagði hann.
Spurður hvort raunhæft sé að
fjölga áfangastöðum í N-Ameríku,
með hliðsjón af útbreiðslu veirunnar,
segir Bogi Nils mjög erfitt að segja til
um það. „Við höfum sveigjanleikann
og alla innviði sem þarf til að bregðast
hratt við ef tækifæri skapast,“ segir
Bogi Nils.
Morgunblaðið/Eggert
Icelandair Flugfélagið rær nú lífróður og á í viðræðum við alla helstu lánardrottna sína.
Tap vegna kórónu-
veiru 30 milljarðar
 Icelandair skilaði svörtu uppgjöri í kauphöllina í gær
Blikur á lofti í flugheiminum
Í ársfjórðungsuppgjöri Icelandair, sem birt var í gær, kemur m.a. fram að
framboð í farþegaflugi hafi dregist saman um 97% á öðrum ársfjórðungi
og farþegum fækkaði um 98%. Á sama tíma tvöfölduðust flugtímar í
fraktflugi í fjórðungnum.
„Þetta hefur gengið betur en við áttum von á í vor. Sjóðsstaðan hefur
haldist sterkari í gegnum sumarið en við áttum von á. Við höfum ein-
hverjar vikur til viðbótar en við þurfum að klára þessa endurfjármögnun
og endurskipulagningu á efnahagsreikningi sem fyrst,“ sagði Bogi Nils
Bogason, forstjóri Icelandair, við mbl.is í gær.
Flugið dróst saman um 97%
ÁRSFJÓRÐUNGSUPPGJÖR ICELANDAIR
Bogi Nils
Bogason