Morgunblaðið - 01.10.2020, Síða 24

24 FRÉTTIRInnlent
MORGUNBLAÐIÐ FIMMTUDAGUR 1. OKTÓBER 2020
Löggiltur heyrnarfræðingur
Hlíðasmára 19 • 201 Kópavogur • Sími 534 9600 • heyrn.is
Heyrnarþjónusta í alfaraleið
Heyrðu umskiptin með háþróuðum ReSound gæðaheyrnartækjum.
Margir verðflokkar, SÍ niðurgreiðir heyrnartæki.
Heyrnargreining, ráðgjöf og heyrnartæki til reynslu afgreidd samdægurs.
ÚR BÆJARLÍFINU
Margrét Þóra Þórsdóttir
Eyjafirði
Fulltrúar í sveitarstjórnum Eyja-
fjarðarsveitar og Svalbarðsstrand-
arhrepps voru á ferðinni um dag-
inn og komu við hvorir hjá öðrum,
báru saman bækur sínar og
kynntu sér innviði sveitarfélag-
anna. Tilgangur þessa var að ræða
sameiginlega hagsmuni, aukið
samstarf, sameiningarmál og hvað
slíkt myndi þýða fyrir sveitar-
félögin. Ráðgjafar sem voru með í
för kynntu fulltrúum hvernig ferli
sameiningar getur litið út og að
hverju þarf að huga í slíkum sam-
ræðum.
  
Mikilvægt er talið að samtalið
eigi sér stað hvort sem það leiði til
formlegra viðræðna síðar meir,
aukins samstarfs, þátttöku fleiri
sveitarfélaga eða að fyrirkomulag-
ið verði áfram óbreytt. Sveitar-
félögin tvö auk Hörgársveitar og
Grýtubakkahrepps eiga þegar
samstarf um ýmis mál auk þess að
mikið samstarf er einnig við Akur-
eyrarbæ í mörgum málaflokkum.
  
Enn hefur engin stefna verið
sett varðandi framhaldið eða hvort
formlegar viðræður muni eiga sér
stað, en tekið fram að allir séu
sammála um mikilvægi þess að
íbúar sveitarfélaganna séu hafðir
með í ráðum.
  
Bæði sveitarfélögin virðast í
sóknarhug, en sem dæmi verða
innan tíðar boðnar lóðir fyrir átta
íbúðarhús við Geldingsá á Sval-
barðsströnd og þar er líka unnið
að uppbyggingu Valsárhverfis á
Svalbarðsseyri. Þannig að þar á
bæ gera menn sig klára til að taka
á móti nýjum íbúum.
  
Sama er uppi á teningnum í
Eyjafjarðarsveit þar sem brátt
verða boðnar 14 einbýlishúsalóðir í
landi Kotru og þá er vinna hafin
við þróun Hrafnagilshverfis, þétt-
býlisins í sveitarfélaginu.
  
Þéttbýliskjarni fór að mynd-
ast í landi Hrafnagils á áttunda ára-
tug síðustu aldar og hefur þorpið
vaxið í nokkrum áföngum á liðnum
árum. Nú eru uppi áform um að
færa Eyjafjarðarbraut vestri út fyr-
ir þéttbýlismörkin með því að
leggja nýjan veg milli Kropps og að
Miðbraut á næsta ári. Við þá fram-
kvæmd losnar talsvert rými innan
þéttbýlisins, bílaumferð minnkar og
umhverfisgæði aukast þar með. Því
hefur sveitarstjórn ákveðið að ráð-
ast í gerð heildstæðs deiliskipulags
fyrir þéttbýlið og marka stefnu um
uppbyggingu þess til lengri tíma.
Bæjarbúar í höfuðstað Norður-
lands fengu þau tíðindi frá bæjar-
stjórn Akureyrar að það sem eftir
lifir yfirstandandi kjörtímabils hafi
skil milli meiri- og minnihluta ver-
ið afmáð. Samvinna allra tekin upp
í stað átaka, sem svo sem kannski
voru aldrei ýkja mikil. Kaupmað-
urinn fyrrverandi, Ragnar Sverr-
isson, hefur þó lýst þeirri skoðun
sinni að fyrirkomulagið sé afleitt.
Bara notaleg saumaklúbbsstemn-
ing framundan sem hann telur að
skili ekki miklu.
  
Hvað svo sem Ragga Sverris
þykir um málalyktir eiga ellefu-
menningarnir í bæjarstjórn ærið
verkefni fyrir höndum. Nú verður
allra leiða leitað til að draga úr
kostnaði. Fyrsta áþreifanlega mál-
ið og það sem ef til vill gefur tón-
inn er að bærinn hafnaði neyðar-
kalli frá Krabbameinsfélagi
Akureyrar og nágrennis. Það félag
líkt og mörg önnur stendur höllum
fæti og biðlar til sveitarstjórna að
leggja rekstrinum lið. Röksemdir
Akureyrarbæjar eru þær m.a. að
ekki sé um lögbundið verkefni að
ræða.
  
Fleiri gárungar en verslunar-
maðurinn leika lausum hala, til
dæmis þeir sem fullyrða að nýr
meirihluti hafi verið myndaður um
snjómokstur. Eitt af því sem fram
kemur í nýjum samfélagssáttmála
bæjarstjórnar Akureyrar er að
draga á úr snjómokstri. Undan-
farnir tveir vetur hafa sagt til sín,
en árið 2019 fóru 225 milljónir
króna bara í það verkefni að moka
snjó og hálkuverja. Það er drjúgur
skildingur. Fyrstu mánuðir þessa
árs hafa líka tekið vel í. Það verð-
ur fróðlegt að fylgjast með snjó-
mokstursumræðunni og hvernig til
tekst við að draga úr mokstrinum
því hver og einn íbúi bæjarsins
virðist á stundum vera einn helsti
sérfræðingur landsins í snjó-
mokstri.
Bera saman bækur um sameiningu
 Framfirðingar og Ströndungar í viðræðum  Mikilvægt að íbúar séu hafðir með í ráðum
 Nýtt hverfi í uppbyggingu við Svalbarðseyri  Stefna mörkuð um uppbyggingu í Hrafnagilshverfi
Morgunblaðið/Margrét Þóra
Akureyri Ragnar Sverrisson, fv. kaupmaður á Akureyri, hefur ekki legið
á þeirri skoðun sinni að bæjarstjórnin í höfuðstað Norðurlands sé nú eins og
samheldinn saumaklúbbur. Hér er Ragnar að kynna sér nýtt íbúðasvæði á
Akureyri, Holtahverfi norður, ásamt ábúendum á Jötunfelli, Víði Bene-
diktssyni og Jennýju Ragnarsdóttur.
Morgunblaðið/Margrét Þóra
Eyjafjarðarsveit Fögur er hlíðin.