Morgunblaðið - 01.10.2020, Blaðsíða 51

NBA
Gunnar Valgeirsson
Los Angeles
Loksins, eftir þriggja mánaða stöðv-
un vegna kórónuveirunnar og sex
vikna úrslitakeppni í kúlunni svo-
kölluðu í Flórída, erum við komin í
lokaúrslitin. Los Angeles Lakers
var annað af tveimur sigurstrang-
legustu liðunum þegar keppnin
hófst, en fáir áttu von á að Miami
Heat myndi vinna úrslitakeppnina í
Austurdeildinni. Einvígið hófst í
nótt og búast má við fjörugri við-
ureign liðanna.
Við fyrstu sýn virðist Lakers-liðið
sigurstranglegra, rétt eins og gegn
Denver Nuggets í úrslitarimmu
Vesturdeildar. Reyndar eru Denver
og Miami svipuð lið að mörgu leyti,
þannig að það er ekki eins og að La-
kers sé að vaða út í óvissuna.
LeBron James á nú gott tækifæri
til að vinna fjórða meistaratitilinn og
bæta enn við orðstír sinn sem einn af
bestu leikmönnum sögunnar.
Varnarleikur lykill Miami
Miami er komið í úrslitin í fyrsta
sinn síðan 2014 eftir að hafa slegið út
þrjú lið með betri deildarárangur í
þessari úrslitakeppni. Heat er lið
sem byggir á liðsmenningunni sem
Pat Riley, fyrrverandi þjálfari La-
kers og forseti Miami nú, leggur
áherslu á, þar sem sterk liðsheild er
í fyrirrúmi frekar en að byggja á
stjörnuleikmönnum.
Það er fyrst og fremst góður varn-
arleikur Heat sem hefur komið lið-
inu í úrslitin. Liðið skiptir um varn-
araðferð mörgum sinnum í leik og
þjálfarar eru ekki hræddir að nota
svæðisvörn til að rústa sókn and-
stæðingsins. „Maður verður að bera
virðingu fyrir því hvað þeir hafa gert
í þessari úrslitakeppni. Þeir eru
rosalega seigir og líkamlegir í
varnarleiknum og með gott körfu-
boltavit. Þeir eiga einfaldlega skilið
að vinna Austurdeildina, eins vel og
þeir hafa leikið,“ sagði Brad Ste-
vens, þjálfari Boston, á sunnudags-
kvöld eftir að lið hans var slegið út af
Heat í úrslitarimmu Austurdeildar.
Þjálfari Lakers, Frank Vogel,
virtist hinsvegar ekki hræddur við
varnarleik Miami fyrr í vikunni. „Við
erum tilbúnir að skora gegn hvaða
vörn sem þeir setja upp. Við þekkj-
um vel það sem þeir setja upp og er-
um tilbúnir að eiga við mismunandi
varnarskipulag. Á þessum tíma-
punkti gengur þetta bara út á að
treysta strákunum í að vera á rétt-
um stöðum og gera atlögu að körf-
unni eins og sókn okkar leggur til.“
Þrátt fyrir orð Stevens að ofan,
verður Miami enn á ný talið ólíklegt
til að vinna þessa úrslitarimmu ef
marka má veðbanka hér vestanhafs.
Höfum séð þessa stöðu áður
Lakers hefur áður verið í þessari
stöðu í lokaúrslitunum. Árið 2004
var Lakers – með Shaq, Kobe, Karl
Malone og Gary Payton innanborðs
– að reyna að vinna fjórða meist-
aratitil sinn í röð, í þetta sinn gegn
Detriot Pistons. Skemmst er frá því
að segja að sú rimma varð aldrei
skemmtileg og Pistons vann auð-
veldlega 4:1 eftir að hafa tapað
fyrsta leiknum. Ég var viðstaddur
fyrstu tvo leikina og augljóst var að
þrátt fyrir betri einstaklinga var Pi-
stons-liðið betra körfuknattleikslið í
þeirri rimmu.
Munurinn í þetta sinn fyrir La-
kers er að liðsheildin hjá þessu liði
er mun sterkari en hún var 2004, en
allt það keppnistímabil var ein sápu-
ópera hjá Lakers þar sem fjórir
stjörnuleikmenn gátu á endanum
ekki unnið upp liðsheild Detroit. Le-
Bron James hefur algera stjórn á
leikmannahópnum í dag og það
heyrist ekki minnsta gagnrýni á
þeim bænum þessa dagana. Það er
enginn að kvarta yfir hversu mikið
hann spilar í þetta sinn – allt gengur
út á liðsheildina.
Meiriháttar afrek hjá LeBron
Körfuknattleikseðjótar hér vestra
deila oft um hverjir séu bestu leik-
menn NBA-deildarinnar frá upp-
hafi. Fáir neita því að á toppnum sé
Michael Jordan og fyrir neðan hann
séu örfáir aðrir sem ekki sé hægt að
líta framhjá, svo sem Bill Russell,
Wilt Chamberlain, Kareem Abdul-
Jabbar og Magic Johnson (meira að
segja Kobe Bryant, Hakeem Olaju-
won og Larry Bird komast ekki í
þennan hóp). Öruggt er þó að Le-
Bron James er nú kominn í hann.
Hann er nú með liði í lokaúrslit-
unum í níunda sinn á síðustu tíu ár-
um, en hann var meiddur í fyrra.
Honum hefur tekist þetta með
þremur mismunandi liðum og fimm
þjálfurum. Enginn af þeim leik-
mönnum sem nefndir voru að ofan
hefur leikið þetta afrek James eftir.
Í þessu samhengi er vert að geta
þess að á keppnisferli Bill Russell
hjá Boston Celtics (hann vann tíu
titla á ellefu árum) voru þetta 8-14
lið í deildinni og það var ekkert
launaþak sem liðin þurftu að eiga
við, auk þess sem mjög erfitt var
fyrir leikmenn að skipta um lið. Það
voru einfaldlega aðrir tímar í deild-
inni þá og auðveldara fyrir lið að
komast í úrslitin ár eftir ár með
sterkan leikmannahóp.
Það gerir afrek James merkilegt.
Hann hefur einfaldlega verið besti
leikmaðurinn í deildinni undanfarinn
áratug, hvað svo sem kosningar um
leikmann ársins segja.
Lengi að komast yfir reiðina
Þótt hér séu tvö lið á ferðinni
verður erfitt að líta framhjá því að
James var lykillinn að velgengni
Miami 2010 til 2014 þegar liðið
komst í lokaúrslitin öll þau árin.
Hann yfirgaf liðið með lausan samn-
ing 2014 eftir tap gegn San Antonio
Spurs í úrslitunum.
Það tók Pat Riley langan tíma að
komast yfir reiðina yfir brottför
James. „Ég var mjög reiður þegar
LeBron yfirgaf okkur til að fara til
Cleveland og tók það persónulega.
Mig langaði að opinbera reiði mína í
fjölmiðlum, en góðum vini mínum
tókst að koma í veg fyrir það á síð-
ustu stundu og eftir á var ég glaður
að ég gerði það ekki,“ sagði Riley í
viðtali 2017. „Ég varð þó að við-
urkenna á endanum að hann var að
taka ákvörðunina sem var best fyrir
hann sjálfan og gera lokatilraun til
að vinna titilinn fyrir heimaborgina
sína í Cleveland.“
Það verður því eitthvert efni fyrir
fréttafólk að narta í í þessari rimmu.
Teigurinn og 3ja stiga línan
Þetta eru tvö ólík lið.
Lakers reiðir sig á tvo stjörnu-
leikmenn á meðan Heat er með 5-6
leikmenn sem geta gert gæfumun-
inn í hverjum leik. Varamannabekk-
ur Heat er sterkari, þannig að búast
má við að Lakers svari með því að
keyra á færri leikmönnum en ella í
þessum leikjum, enda engin ástæða
til að hvíla leikmenn á þessu stigi.
Miami reiðir sig mikið á þriggja
stiga skotin, enda liðið með næst-
bestu hittnina í þeim á keppnis-
tímabilinu. Þar fara þeir Duncan
Robinson, Tyler Herro, Goran Dra-
gic og Jae Crowder fremstir í flokki.
Þessir leikmenn hafa skorað að með-
altali nær ellefu þriggja stiga körfur
í úrslitakeppninni nú, þannig að
varnaraðferð Lakers verður að taka
það með í reikninginn.
Robinson og Herro fóru illa með
Boston í síðustu umferð og átti gott
varnarlið Boston í miklum erfið-
leikum með að hemja þessa leik-
menn í sóknarleik Heat, sem byggist
mikið á hreyfingu leikmanna. Það
verður því bara að sjá hvort leik-
menn Lakers geti gert betur.
Annars er það leikur naglans
Jimmy Butler, sem loksins er búinn
að finna rétt lið með rétta liðsand-
ann fyrir hann, og Bam Adebayo
sem núna er orðinn stórstjarna eftir
leik sinn í kúlunni, sem mun skipta
mestu fyrir liðið. Besta tækifæri
Miami er að Adebayo haldi Anthony
Davis niðri í sókninni hjá Lakers.
Lakers á hinn bóginn er eitt af
verstu liðunum í deildinni í þriggja
stiga skotum, en á móti kemur að
liðið hefur þá LeBron James og Ant-
hony Davis innanborðs. Þeir munu
verða lykillinn í sóknarleik Lakers
og spurningin er hvort varnarleikur
Miami geti stöðvað þá inni í teign-
um. Það hefur engu liði tekist gegn
Lakers það sem af er úrslitakeppn-
inni.
Nái Miami ekki að stöðva þessa
tvo kappa Lakers, eða ef einhver
þriðji leikmaður Lakers fer einnig í
gang (þar lít ég til Kentavious Cald-
well-Pope, Rajon Rondo og Kyle
Kuzma), verður erfitt að sjá Miami
vinna þessa rimmu. Slíkir eru kraft-
ar James og Davis.
Þetta verður því einvígi stór-
stjarna gegn liðsheildinni og næsta
víst er að það verður jafnara en
margan grunar.
Lakers tekur þetta í sjö leikjum.
Miami er besta liðið sem Lakers hef-
ur mætt í úrslitakeppninni.
LeBron James gegn Miami
 Mjög áhugavert einvígi framundan um NBA-meistaratitilinn  Hversu
lengi getur 35 ára gamall leikmaður borið heilt lið á sínum herðum?
AFP
Lykilmaður LeBron James skorar fyrir Lakers gegn Denver í úrslitum
Vesturdeildarinnar. Nú þarf hann að slást við öflugt lið Miami Heat.
ÍÞRÓTTIR 51
MORGUNBLAÐIÐ FIMMTUDAGUR 1. OKTÓBER 2020
Gylfi Þór Sigurðsson lagði upp síð-
asta mark Everton þegar liðið vann
West Ham United og komst áfram í
deildabikarkeppninni í gær.
Everton vann öruggan 4:1-sigur
og skoraði Dominic Calvert-Lewin
þrennu. Everton tefldi fram sterku
liði og voru margir fastamenn í
byrjunarliðinu. Manchesterliðin
City og United eru einnig komin
áfram sem og Newcastle. Scott
McTominay, Juan Mata og Paul
Pogba skoruðu mörkin fyrir Man-
chester United í 3:0 útisigri gegn
Brighton.
Gylfi lagði upp
síðasta markið
AFP
England Gylfi Þór Sigurðsson lék
allan leikinn gegn West Ham í gær.
Gömlu stórveldin KR og Njarðvík
mætast í fyrstu umferð úrvalsdeild-
arinnar í körfuknattleik, Dominos-
deildarinnar, en fyrstu fjórir leikir
tímabilsins fara fram í kvöld. Liðin
mætast í Vesturbænum klukkan
20.15. Bæði lið koma mikið breytt
til leiks og eru m.a. þrír nýir út-
lendingar á mála hjá hvoru þeirra.
Deildin hefst á Egilsstöðum þar
sem nýliðar Hattar taka á móti
Grindavík kl. 18.30 en einnig er
leikið á Sauðárkróki (Tindastóll og
ÍR) og í Þorlákshöfn (Þór og Hauk-
ar) í kvöld.
Stórveldaslagur
í Vesturbænum
Morgunblaðið/Kristinn Magnússon
Íslandsmótið KR-ingar fá Njarð-
víkinga í heimsókn í kvöld.
Íslenska knattspyrnusumarið
hefur verið ansi sérkennilegt,
þökk sé kórónuveirufaraldrinum
sem skaut upp kollinum í Evr-
ópu stuttu eftir áramót. Tíma-
bilið klárast vonandi í nóvember,
sem betur fer, enda handboltinn
nú þegar byrjaður og körfubolt-
inn hefst í dag. Það er því ágæt-
is álag að vera íþrótta-
fréttamaður þessa dagana.
Að vera íþróttafréttamaður er
vandmeðfarið starf. Sjálfur er
ég nokkuð opinn og á auðvelt
með að tala við fólk, án þess þó
að vera gjörsamlega óþolandi,
vona ég. Frá því að ég hóf störf
á 433.is árið 2014 að mig minn-
ir hef ég tekið ógrynni af við-
tölum við fólk úr öllum íþrótt-
um. Þótt íþróttirnar séu margar
og fólkið misjafnt er íþrótta-
heimurinn á Íslandi ekki svo
stór ef við miðum við hinn stóra
heim.
Þú ert mikið að tala við sama
fólkið, aftur og aftur, og það eru
góðar líkur á því að þið hittist
reglulega á förnum vegi. Ef ekki
þá hittist þið allavega eftir
næsta leik en sjálfur hef ég
reynt að halda ákveðinni fjar-
lægð við „viðfangsefni“ mín í
gegnum tíðina. Ég átta mig t.d.
ekki alveg á því hvernig maður á
að geta horft gagnrýnum augum
á einhvern fótboltaleik ef félagi
manns er að þjálfa annað liðið.
Að eiga æskuvin í íslenska
landsliðinu getur líka verið erfitt
og þá sérstaklega að draga lín-
una á milli vinskapar og blaða-
mennskunnar. Ég get til dæmis
ímyndað mér að hann hafi ekki
verið neitt sérstaklega sáttur
með mig þegar ég tók skjáskot
af nýjustu meiðslavandræðum
hans fyrir nokkrum árum. Hann
eyddi mér af Snapchat í stutta
stund en mér til varnar þá lærði
ég af mistökunum og hef ekki
tekið skjáskot á samfélagsmiðl-
inum síðan.
BAKVÖRÐUR
Bjarni Helgason
bjarnih@mbl.is
Enska knatt-
spyrnufélagið
Aston Villa náði
sér í liðsauka í
gær þegar það
fékk miðjumann-
inn Ross Barkley
lánaðan frá
Chelsea. Barkley
er 26 ára gamall
og hefur leikið
33 landsleiki fyr-
ir Englands hönd.
Hann hefur ekki náð að festa sig í
sessi í liði Chelsea en ætti að
styrkja lið Villa sem hefur farið vel
af stað og unnið tvo fyrstu leiki sína
í ensku úrvalsdeildinni.
Barkley með
Villa í vetur
Ross
Barkley
KNATTSPYRNA
Úrvalsdeild karla, Pepsi Max-deildin:
Kópavogsvöllur: Breiðablik – KA............ 18
Víkingsvöllur: Víkingur R. – KR......... 19.15
Samsung-völlur: Stjarnan – FH ......... 20.15
1. deild kvenna, Lengjudeildin:
Fífan: Augnablik – Völsungur.................. 18
KÖRFUKNATTLEIKUR
Úrvalsdeild karla, Dominos-deildin:
MVA-höllin: Höttur – Grindavík......... 18.30
Sauðárkrókur: Tindastóll – ÍR............ 19.15
IG-höllin: Þór Þ. – Haukar .................. 19.15
DHL-höllin: KR – Njarðvík ................ 20.15
HANDKNATTLEIKUR
Úrvalsdeild karla, Olísdeildin:
Hertz-höll: Grótta – Afturelding......... 19.30
Í KVÖLD!