Morgunblaðið - 01.10.2020, Side 28

MORGUNBLAÐIÐ FIMMTUDAGUR 1. OKTÓBER 2020
Raðaðu þínu
eigin setti
PICK+MIX
18V
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Ágúst Ingi Jónsson
aij@mbl.is
Margfaldur áhugi var á námi við Sjávarakademíuna,
sem er samstarfsverkefni Fisktækniskólans og Sjáv-
arklasans. Alls bárust 92 umsóknir í þau 15 pláss sem
í boði voru á haustönninni og er verið að leita leiða til
að taka fleiri nemendur inn á haustönn. Vonir standa
til að aukið fjármagn fáist til þess og til að halda
kennslunni áfram þar sem mikil ásókn er. Þegar eru
komnar óskir um þátttöku í janúar, að sögn Söru
Bjarkar Guðmundsdóttur, verkefnisstjóra Sjávar-
akademíunnar.
Kennsla fer fram á virkum dögum í tólf vikur frá
klukkan 9-15 í kennslustofu í húsnæði Sjávarklasans
á Grandagarði og lýkur með útskrift 18. desember.
Kennarar úr Fisktækniskólanum annast kennsluna,
auk frumkvöðla og fjárfesta sem tengjast Sjávar-
klasanum. Þá er einnig lögð áhersla á að nemendur
fari í kynnisferðir í haftengd fyrirtæki á Suður-
nesjum og höfuðborgarsvæðinu og tengi verkefni sín
sem mest fyrirtækjunum beint.
Sara Björk segir að námið gefi 30 einingar í fram-
haldsskóla eða sem samsvarar einni önn. Um 80%
nemenda eru á aldrinum 18-21 árs og eru einnig við
nám í framhaldsskólum. Um 20% hafa lokið há-
skólagráðu en vilja bæta við sig þekkingu á sviði bláa
hagkerfisins. Hún segir ánægjulegt að nemendur
komi alls staðar að af landinu, en flestir séu þó frá
Suðurnesjum og Vesturlandi.
Fjölbreyttar áherslur í náminu
Spurð um áherslur í náminu segir Sara Björk að
þær séu mjög fjölbreyttar. „Það er fjallað um veiði-
og vinnsluaðferðir, mikið um fullnýtingu afla,
vöruþróun og hvað hægt er að gera meira úr vörum
sem eru til nú þegar. Það er ánægjulegt hvað nem-
endur eru hugmyndaríkir, hafa mikinn áhuga og eru
tilbúnir að gera eitthvað nýtt,“ segir Sara Björk. Þá
kynnast nemendur því hvernig þeir koma hugmynd í
framkvæmd, læra að stofna fyrirtæki, kynnast fjöl-
mörgum tækifærum til að nýta betur sjávar-
auðlindir, læra um sjálfbærni og umhverfismál.
Í fréttatilkynningu frá Sjávarakademíunni segir
að mikinn áhuga fyrir náminu megi rekja til vakn-
ingar á meðal ungs fólks um tækifærin í bláa hag-
kerfinu, umhverfismálum og sjálfbærni.
„Með þessu samstarfi við Sjávarklasann um Sjáv-
arakademíuna erum við greinilega að ná betur til
ungs fólks,“ var haft eftir Ólafi Jóni Arnbjörnssyni,
skólastjóra Fisktækniskólans, í tilkynningunni. „Við
erum líka á réttum tíma þar sem aldrei í sögunni hef-
ur jafn mikið verið rætt um fæðuöryggi hérlendis
eins og undanfarna mánuði og tækifærin í þeim efn-
um í hafinu við Ísland eru mikil. Haustnámið er stutt
af samgöngu- og sveitarstjórnarráðuneytinu og
Sambandi sveitarfélaga á Suðurnesjum.
Morgunblaðið/Kristinn Magnússon
Sjávarakademían Hópur áhugasamra nemenda fylgist með kennslu Bertu Daníelsdóttur, framkvæmdastjóra Sjávarklasans, í gærmorgun.
Hugmyndaríkir nemendur
 Mikill áhugi á námi í Sjávarakademíunni  Fá einingar í framhaldsskóla
Tugir athugasemda og umsagna
bárust vegna áforma stjórnvalda
um að taka upp aflamark við stjórn-
un grásleppuveiða, en drög að
frumvarpi um breytinguna hafa
verið til kynningar í samráðsgátt
stjórnvalda. Skiptir mjög í tvö horn
í afstöðu umsagnaraðila og er
áformunum ýmist fagnað eða harð-
lega mótmælt. Nú er veiðunum m.a.
stjórnað með útgáfu sérstakra
leyfa og dagafjölda, en veiðum á
flestum öðrum tegundum er stjórn-
að með aflamarki.
Samkvæmt drögunum er gert
ráð fyrir að sett verði bráðabirgða-
ákvæði þar sem lagt er til að veiði-
reynsla verði metin út frá þremur
bestu veiðitímabilum í sex ár, frá og
með árinu 2013 til og með árinu
2018. Þá er lagt til að aflahlutdeild
skuli úthlutað á grundvelli veiði-
reynslu leyfisins sem skráð er á
skipið en ekki á grundvelli veiði-
reynslu skips.
Óttast samþjöppun
Svo gluggað sé í umsagnir þá lýs-
ir Halldór Rúnar Stefánsson á Þórs-
höfn sig andvígan breytingunni,
sem hann segir minnka möguleika
ungra manna til athafna. Í sumögn
sinni segir Halldór meðal annars:
„Um langa hríð hefur núverandi
fyrirkomulag verið við lýði og hef-
ur, með þeim breytingum sem gerð-
ar hafa verið, gagnast byggðum
landsins og fjölda smábátasjó-
manna. Einnig má færa gild rök
fyrir því að núverandi kerfi hafi
viðhaldið grásleppustofninum með
þeim sveigjanleika sem er í daga-
kerfinu. Það er fullvissa undirrit-
aðs að ef breyting sú sem áformuð
er gengur eftir þá mun á skömmum
tíma verða mikil samþjöppun í þess-
um veiðum. Rétt eins og hefur orðið
í öðrum kvótasettum tegundum.“
Hagkvæmara og ábyrgara
Einar E. Sigurðsson á Raufar-
höfn er á öndverðum meiði í um-
sögn sinni: „Með því að setja grá-
sleppu í aflamark er hægt að
stunda veiðarnar á mun hagkvæm-
ari og ábyrgari hátt en nú er. Það
fyrirkomulag sem hefur verið
gengur ekki lengur upp. Menn hafa
haft áhyggjur af samþjöppun með
kvótasetningu, ég blæs á þær
áhyggjur, alveg eins má kalla það
samþjöppun í núverandi kerfi þar
sem hægt er að eiga eins mörg leyfi
og hægt er, og uppi er krafa um
sameiningu leyfa. Þegar menn vita
hvaða afla má veiða hjá hverri út-
gerð þá býrðu til mestu verðmæt-
in.“ aij@mbl.is
Tugir með
skoðun á
aflamarki
 Breyting á stjórn-
un grásleppuveiða
Norðmenn og Bretar skrifuðu í gær
undir tvíhliða rammasamkomulag
um fiskveiðar, sem tekur gildi 1. jan-
úar nk. þegar aðlögunartíma vegna
útgöngu Breta úr Evrópusamband-
inu lýkur. Í norskum fjölmiðlum
fagna ráðherrar þessum áfanga og
sagt að samningurinn leggi grunn að
frekara samstarfi. Þá er talað um
sögulegan samning í því ljósi að
þetta sé fyrsti rammasamningurinn
sem Bretar hafi gert sem óháð
strandríki eftir Brexit.
Samningurinn kveður meðal ann-
ars á um ramma um gagnkvæmar
veiðiheimildir í lögsögum ríkjanna,
skipti á veiðiheimildum, eftirlit og
rannsóknir.
Sögulegur
samningur