Morgunblaðið - 08.10.2020, Side 26

26 FRÉTTIRInnlent
MORGUNBLAÐIÐ FIMMTUDAGUR 8. OKTÓBER 2020
Fæst í öllum apótekum
Kvefuð
augu?
Dauðhreinsaðar
og góðar
augnþurrkur
til meðferðar
við sýkingu
í augum
Blephaclean klútarnir eru dauðhreinsaðir klútar sem eru auðveldir
og þægilegir í notkun við hreinsun á viðkvæmri húð í kringum
augnsvæðið ef um sýkingar er að ræða.
Blautklútarnir hjálpa til við að fjarlægja sýkingu og skánmyndanir
án þess að erta augun og henta því vel börnum frá 3ja ára aldri.
Blephaclean er hægt að nota óháð því hvort um bakteríu- eða
veirusýkingu er að ræða og henta því einnig með lyfjameðferð.
Morgunblaðið/Sigurður Bogi
Veröld Litbrigði jarðar eru lygileg og nú er svipur haustsins á gróðri, eins
og sést austur á Þingvöllum þar sem þessi mynd var tekin um um sl. helgi.
Lífið heldur áfram
Tímarnir eru viðsjárverðir og heimurinn er í hand-
bremsu. Eigi að síður heldur lífið áfram; unnið er að
margvíslegri uppbyggingu víða um land, barátta fyrir
betri veröld heldur áfram og skólastarf er í fullum
gangi enda þótt samfélagið allt litist af veirunni vondu.
„Ég tel mitt fólk eiga stærstan þátt í því hve vel heil-
brigðiskerfinu hefur tekist að standast álagið af völd-
um Covid-19,“ segir Guðbjörg Pálsdóttir, formaður Fé-
lags íslenskra hjúkrunarfræðinga.
„Hjúkrunarfræðingar voru í lykilhlutverki þegar gjör-
bylta þurfti starfsumhverfi og vinnuskipulagi en þá
hurfu margar af þeim daglegu hindrunum sem þekkj-
ast, bæði milli stofnana og innan þeirra. Nú erum við
komin í þriðju bylgju faraldursins og hef ég miklar
áhyggjur. Nú eru mun færri hjúkrunarfræðingar að
bjóða sig til starfa í bakvarðasveitina en í vor.“
Starfi í heilbrigðisþjónustunni hefur verið gjörbreytt
á tímum kórónuveirunnar og tæpast verður snúið til
baka, þótt grunngildin í hjúkrun hafi ekkert breyst.
„Lausnamiðaðri hugsun og aukin samvinna með færri
hindrunum á vonandi eftir að einkenna nýja tíma. Fjar-
heilbrigðisþjónusta mun aukast. Mikill lærdómur og
þekking hefur skapast. Því verður spennandi að sjá
niðurstöður rannsóknanna sem hjúkrunarfræðingar
hafa þegar komið af stað í kjölfar faraldursins á áhrif-
um hans. Þær eiga eftir að leiða til nýrra gagnreyndra
starfshátta, sjúklingum og starfsfólki til bóta,“ segir
Guðbjörg og að síðustu:
„Ég er stolt af hjúkrunarfræðingum fyrir að standa
vaktina og hafa endurtekið þurft að forgangsraða
þjónustunni fram yfir eigin þarfir. Það gengur ekki til
lengdar og við verðum að finna betra jafnvægi, með því
að fá fleiri hjúkrunarfræðinga til starfa.“
Morgunblaðið/Sigurður Bogi
Heilbrigðismál „Ég er stolt af hjúkrunarfræðingum
fyrir að standa vaktina, segir Guðbjörg Pálsdóttir.
Mikill lærdómur og
þekking skapast
„Stuðningur ríkisins við þetta mikilvæga málefni er
langþráður og tímabær,“ segir Kjartan Björnsson, bæj-
arfulltrúi í Árborg og fulltrúi í íþrótta- og menningar-
nefnd sveitarfélagsins. Í frumvarpi til fjárlaga er á
næstu tveimur árum gert ráð fyrir liðlega 280 milljóna
króna stuðningi ríkisins við frágang á menningarsal, sem
er hluti af stórhýsinu sem er Hótel Selfoss. Með tilsvar-
andi mótframlagi Árborgar ætti fyrir 560 milljónir króna
að vera hægt að fullgera salinn svo þar megi halda tón-
leika, leiksýningar, fundi og fleira. Alls verða í salnum
um 300 sæti, andspænis stóru sviði.
„Menningarsalur allra Sunnlendinga, hvorki meira né
minna,“ segir Kjartan Björnsson. „Í flestum lands-
hlutum eru nú komin menningarhús og hefur ríkið stutt
við byggingu þeirra. Við Sunnlendingar höfum þurft að
bíða, en nú virðist málið komið á beina braut. Fullkomin
samstaða og þrautseigja hafa skilað sér. Ráðherrum í
mörgum ríkisstjórnum hafa verið sýnd þessi salarkynni,
atbeina þeirra óskað og allir hafa sýnt málinu skilning.
Eftir tvö ár ætti salurinn að verða tilbúinn, sem verður
lyftistöng fyrir fjölbreytt menningarlíf í héraði. Eins
getum við svo vænst þess að hér verði haldnir tónleikar
með Sinfóníuhljómsveit Íslands eða sýningar Þjóðleik-
hússins; menningarstofnana sem ber að sinna lands-
byggðinni sem þó hafa sleppt Suðurlandinu af því að-
stöðu hefur vantað. Áhugi kallar á aðstöðu og aftur
öfugt. Ég er í stjórnmálum meðal annars til að vinna
góðum málum í mínu samfélagi brautargengi.“
Morgunblaðið/Sigurður Bogi
Menning Ég er í stjórnmálum m.a. til að vinna góðum
málum brautargengi, segir Kjartan Björnsson.
Salur fyrir alla
Sunnlendinga
„Þrátt fyrir kórónuveiruna gengur skólastarfið sinn
vanagang,“ segir Kristín Helgadóttir námsráðgjafi við
Borgarhólsskóla á Húsavík. Alls eru um 300 nemendur
við skólann, í 1.-10. bekk. „Allir eru samtaka um að láta
dæmið ganga upp, þótt til þurfi auknar sóttvarnir og
fjarlægðarmörk. Ég hef starfað í skólasamfélaginu frá
1986 en aldrei kynnst jafn mikilli röskun og í ár.“
Kórónuveirusmitin eru í mestum vexti á höfuðborg-
arsvæðinu og áhrifa veirunnar gætir ekki í sama mæli
norðanlands. Þó gildir þar eins og annars staðar að all-
ur er varinn góður og ábyrgðin er allra.
„Auðvitað finnum við fyrir því þegar menningarstarf
á svæðinu leggst niður. Mikilvægt íþrótta- og félags-
starf meðal barna og unglinga hefur gengið að mestu,
svo ég viti til. Þrautseigju, æðruleysi og samtakamátt
er mikilvægt að tileinka sér nú. Sjálfri finnst mér gott
að fara í gönguferðir því ég slaka vel á úti í náttúrunni.
Að lesa góðar bækur gefur mér mikið, prjónaskapur og
að spjalla við ættingja og vini á Facebook. Þar næ ég
góðu sambandi við þá sem standa mér nærri. Þá grip
ég oft í bækur og er nú að lesa Vertu ósýnilegur –
flóttasaga Ishmaels eftir Kristínu Helgu Gunn-
arsdóttur. Þetta er áhrifarík saga unglings á flótta
undan stríðsátökum í leit að skjóli í nýju landi.“
Morgunblaðið/Hafþór Hreiðarsson
Menntun Þrautseigju, æðruleysi og samtakamátt er
mikilvægt að tileinka sér nú, segir Kristín Helgadóttir.
Samtaka um að láta
dæmið ganga upp
„Verkefnin eru fjölbreytt og margt nýtt að læra,“ segir
Jón Björn Hákonarson, nýr bæjarstjóri í Fjarðabyggð. „Í
morgun vorum við fjármálastjóri sveitarfélagsins að bera
saman bækur og næst á dagskrá eru fundir um skipulags-
mál og í hafnarstjórn. Svo þarf að sinna ýmsum erindum
sem berast mér, því starfið er í eðli sínu þjónusta við fólk.
Við höfum haldið dampi þrátt fyrir að slegið hafi í bak-
seglin vegna kórónuveiru og að loðna hefur brugðist okk-
ur tvö ár í röð. Nú eru til dæmis að hefjast framkvæmdir
við byggingu íþróttahúss á Reyðarfirði og ýmis verkefni á
vegum sveitarfélagsins eru raunar í gangi í flestum
byggðarkjörnum Fjarðabyggðar, en hér búa um 5.080
manns. Við getum í flestu tilliti verið sátt við stöðuna hér,
þótt ytri aðstæður gætu vissulega verið hagfelldari. Að
hér vanti iðnaðarmenn til starfa segir mikla sögu og góð-
ur gangur er í sjávarútvegi.“
Jón Björn sækir vinnu á bæjarskrifstofuna á Reyðar-
firði frá Norðfirði, þar sem hann býr með fjölskyldu sinni.
„Frá því Fjarðabyggð hin fyrsta varð til hefur maður litið
á það sem innanbæjarakstur að fara á milli hverfa og með
Norðfjarðargöngum varð bylting í samgöngum. Daginn
er gott að byrja með gönguferð með hundinn. Fer þá um
snjóflóðavarnagarðana ofan við bæinn, sem eru í senn úti-
vistarsvæði og vörn byggðarinnar.“
Morgunblaðið/Sigurður Bogi
Bæjarmál Höldum dampi þrátt fyrir að slegið hafi í
bakseglin, segir Jón Björn Hákonarson í Fjarðabyggð.
Bæjarstjórastarfið
er þjónusta við fólk