Morgunblaðið - 16.11.2020, Side 4

4 FRÉTTIRInnlent
MORGUNBLAÐIÐ MÁNUDAGUR 16. NÓVEMBER 2020
„Ég trúi að útgáfa þessarar bókar
boði upphaf að öðru og meira,“ seg-
ir Þórdís Kolbrún Reykfjörð, iðn-
aðar-og nýsköpunarráðherra. Fyrir
helgina veitti hún viðtöku fyrsta
eintakinu af bókinni Gæðafjalir,
sem er handbók um hvernig flokka
skal timbur úr barrtrjám úr ís-
lenskum skógum. Ritið, sem Eirík-
ur Þorsteinsson trétæknir þýddi,
er sænskt, en í Svíþjóð er löng
reynsla af nýtingu skóga og við-
arvinnslu.
Skógræktin, Landbúnaðarhá-
skóli Íslands og fleiri stofnuðu á
síðasta ári til samstarfs í gæða-
málum viðarnytja. Markmiðið með
starfinu var meðal annars að kynna
staðla fyrir þær trjátegundir sem
nýtast í timburafurðir. Kynning og
fræðsla eru hluti af þessu starfi.
„Við Íslendingar höfum ekki
sömu aldareynslu sem aðrar þjóðar
hafa í hvernig nýta megi þá sjálf-
bært. Þessi bók er því gott innlegg
í eflingu nýsköpunar í skógrækt og
landbúnaði þar sem eru mörg tæki-
færi,“ segir Þórdís Kolbrún ráð-
herra.
Björn Bj. Jónsson skógfræðingur
hefur verið leiðandi í starfi síðustu
ára sem miðar að aukinni nýtingu
skógarafurða á Íslandi, auk-
inheldur sem hann kynnti útgáfu
bókarinnar nýju. Hann segir mik-
ilvægt að þekking á skógarvinnslu
á Íslandi verði efld, því nú séu þeir
tímar runnir upp að grænir lundir
landsins séu farnir að skila afurð-
um sem muni vel um. Í Kanada séu
skilgreindir yfir 500 vöruflokkar
skógarafurða. Sú staðreynd segi að
eftir miklu sé að slægjast þegar
kemur að nýtingu. Mikið sé undir
og því sé mikilvægt að huga að
markaðsmálum og því hvernig
koma megi í verð timbri og öðru
því sem skógarnir gefa. sbs@mbl.is
Morgunblaðið/Sigurður Bogi
Skógarfólk Frá formlegri útgáfuathöfn á Mógilsá. Kjörviðurinn í öndvegi.
Gæðafjalir marki
upphaf tækifæra
 Timburafurðir að aukast á Íslandi
Ætla má að hárskerar verði um
þrjár til fjórar vikur að vinna nið-
ur kúfinn sem safnast hefur upp á
síðastliðnum einum og hálfum
mánuði sem stofur þeirra hafa ver-
ið lokaðar í sóttvarnaskyni vegna
kórónuveirunnar. Þetta segir Þor-
berg Ólafsson rakari í Reykjavík.
Hann þurfti þann 6. október að
loka stofu sinni sem er efst við
Laugaveginn. Opnað verður aftur
á miðvikudag, 17. nóvember, sam-
kvæmt þeim ákvörðunum stjórn-
valda sem kynntar voru á föstu-
daginn.
Margir í Bítlastíl
„Við höfum reynsluna frá í vor.
Þá þurftum við að loka í nokkrar
vikur vegna sóttvarna en þegar því
tímabili sleppti tók við mikil vinna
á stofunni. Hér vinnum við fjögur
og byrjuðum stundum klukkan
hálfátta á morgnana og unnum
kannski tólf til þrettán tíma á dag.
Þetta var mesta törn sem ég hef
tekið og þó er ég búinn að vera í
faginu í samtals 55 ár,“ segir Þor-
berg. Hann telur að eftir langa
lokun að undanförnu verði anna-
samt á stofunni og tímapantanir
gilda.
„Við munum leggja okkur öll
fram um að fólk fái jólaklipp-
inguna, en núna sýnist mér að ansi
margir séu komnir með hár í Bítla-
stíl. Að jafnaði koma viðskiptavinir
til okkar í hársnyrtingu á sex
vikna fresti, svo nú er fólk komið á
tíma,“ segir Þorberg sem telur
þær reglur sem gilt hafa um lok-
anir hársnyrtistofa orka tvímælis í
samanburði við aðrar stéttir
„Tannlæknar hafa fengið að
þjóna sjúklingum við opið munn-
hol. Það er í svipaðri nánd og við
hársnyrtar erum í við fólk, sem í
stólnum snýr frá okkur. Okkur er
treystandi til að gæta sóttvarna
hér eftir sem hingað til og smit
ekki verið rakin á rakarastofur,“
segir Þorberg. sbs@mbl.is
Morgunblaðið/Sigurður Bogi
Smitvörn Okkur er treystandi, segir Þorberg Ólafsson, rakari í 55 ár.
Klippa kúfinn
á fjórum vikum
 Annir fram undan hjá hárskerum
Aron Þórður Albertsson
aronthordur@mbl.is
„Samninganefnd ríkisins hefur staðið
til boða öll umræða um hagræðingu
eins og öðrum viðsemjendum Flug-
virkjafélagsins. Þeir hafa einfaldlega
ekki viljað nýta sér þær umræður,“
segir Guðmundur
Úlfar Jónsson,
formaður Flug-
virkjafélags Ís-
lands. Vísar hann í
málinu sínu til
greinar Morgun-
blaðsins, sem birt-
ist á laugardag.
Þar var greint frá
því að flugvirkjar
Landhelgisgæsl-
unnar krefðust sömu kjara og flug-
virkjar Icelandair fengu þegar samið
var við þá síðasta sumar, en að und-
anskildum atriðum er snúa að hag-
ræðingunni sem Icelandair fékk
vegna breytinga á kjarasamningnum.
Aðspurður segir Guðmundur málið
mjög einfalt. „Málin eru ekki flóknari
en svo að ef það eru hagræðingar í að-
alkjarasamningi Flugvirkjafélagsins
þá eru þær hagræðingar fyrir alla við-
semjendur vegna þess að Landhelg-
isgæslan hefur verið með beina teng-
ingu í allar greinar í aðalkjara-
samningi Flugvirkjafélagsins.“
Munu ekki gera nýjan samning
Morgunblaðið hefur heimildir fyrir
því að Gæslan vilji gera sérstakan
samning við flugvirkja sem ekki verð-
ur tengdur Icelandair-samningnum. Í
nýjum samningi yrði jafnframt tekið
mið af þeirri launaþróun sem er hjá
flugvirkjum á almennum vinnumark-
aði, eða hjá þeim hópum sem þeir vilja
bera sig saman við. Í boði eru sömu
hækkanir og eru í lífskjarasamningn-
um, sem aðrar stéttir ríkisins hafa
samið um. Guðmundur segir að ekki
komi til greina að semja um nýjan
samning sem ekki byggir á aðalkjara-
samningi Flugvirkjafélagsins. „Aðal-
kjarasamningur byggir á því hvernig
störf flugvirkja og atvinnuumhverfi
er. Viðaukar eru síðan fyrir hvern
stað, en þeir taka til hagræðingar og
aðstæðna hverju sinni. Við munum
ekki kollvarpa aðalkjarasamningnum
fyrir eitthvað annað.“
Saga Class-sæti verði rædd
Í umfjöllun Morgunblaðsins um
helgina var greint frá því að í samn-
ingi flugvirkja Gæslunnar séu ýmis
sérstök ákvæði. Til dæmis er þar
kveðið á um að Gæslan borgi Saga
Class-sæti undir flugvirkja sem starfs
síns vegna þurfa að fara utan. Hjá
Icelandair fær sama starfstétt ein-
ungis sæti á Saga Class ef slíkt sæti
er laust og óselt. Að sögn Guðmundar
kemur til greina að ræða umrætt
ákvæði. „Ef þeim er illa við hvernig
flugvirkjar ferðast til og frá vinnu þá
er hægt að ræða það.“
Flugvirkjar segjast
tilbúnir til viðræðna
 Saga Class-sæti til umræðu  Vilja ekki nýjan samning
Morgunblaðið/Ásdís
Þyrla á flugi Flugvirkjar eru ósáttir við framkomu Landhelgisgæslunnar.
Guðmundur
Úlfar Jónsson