Lögmannablaðið - 2020, Blaðsíða 11

LÖGMANNABLAÐIÐ TBL 01/20 11
sem hvílir á dómurum æðsta dómstóls þjóðarinnar og
mikilvægi þess að þeir hafi hreinan skjöld.
Ekki fer hjá því að einstaka dómar Hæstaréttar hafi orðið
umdeildir meðal þjóðarinnar. Má nefna að á undaförnum
áratugum hafa sumir dómar í kynferðisafbrotamálum
valdið úlfúð vegna þess að þeir hafa þótt of vægir. Þá hefur
kvörtunum vegna allmargra dóma íslenskra dómstóla (í
flestum tilvikum Hæstaréttar) í meiðyrðamálum gegn
fjölmiðlafólki verið beint til Mannréttindadómstóls Evrópu.
Hefur dómstóllinn ítrekað dæmt dómþolum í vil og þar
með komist að þeirri niðurstöðu að íslenskir dómstólar
hafi brotið gegn ákvæðum Mannréttindasáttmála Evrópu
sem Ísland fullgilti árið 1953 og lögfesti 1994.
Mannréttindadómstóll Evrópu er ekki áfrýjunardómstóll
og getur þar af leiðandi ekki fellt úr gildi dóma íslenskra
dómstóla. Engu að síður hafa dómar Mannréttinda-
dómstólsins haft áhrif á dómaframkvæmd hér á landi og
það hefur ný löggjöf vegna aðildar Íslands að Evrópska
efnahagssvæðinu (EES) einnig haft.
Nýtt húsnæði, fjölgun dómara og starfsmanna
Eins og áður segir var Hæstiréttur Íslands upphaflega með
aðsetur í Hegningarhúsinu við Skólavörðustíg en á neðri
hæðinni var fangelsi. Árið 1949 flutti Hæstiréttur í nýtt
húsnæði við Lindargötu, áfast Arnarhvoli. Þótt flutningurinn
hafi verið mjög til bóta fyrir starfsemi réttarins hafði nýja
húsnæðið þó ýmsa annmarka. Því urðu mikil tímamót í
sögu Hæstaréttar þegar nýtt og sérhannað dómhús fyrir
réttinn var tekið í notkun við Arnarhól 5. september 1996.
Rúmlega hálfri öld fyrr, árið 1945, var hæstaréttardómurum
fjölgað úr þremur í fimm á nýjan leik og á árunum 1973–
1994 var dómurum fjölgað í áföngum í níu. Þegar hér var
komið sögu hafði málum sem skotið var til Hæstaréttar
fjölgað mikið og því fylgdi aukið álag á réttinn. Í byrjun
árs 2011 var hæstaréttardómurum fjölgað tímabundið úr
níu í 12 til að mæta auknu álagi á dómskerfið í kjölfar
bankahrunsins. Í mars 2014 voru dómarar réttarins aftur
orðnir níu.
Með fjölgun hæstaréttardómara úr fimm í sex árið 1973
var tekin upp deildaskipting í réttinum að fyrirmynd æðstu
Ásar – þýðingar og túlkun slf
Eftirfarandi þýðendur og túlkar starfa innan vébanda
Ása – þýðinga og túlkunar slf:
Ellen Ingvadóttir, löggiltur dómtúlkur og skjalaþýðandi
Bjarni Gunnarsson, löggiltur dómtúlkur og skjalaþýðandi
Niels Rask Vendelbjerg, löggiltur dómtúlkur og skjalaþýðandi
Jóhann Guðnason, löggiltur dómtúlkur og skjalaþýðandi
Matthías M. Kristiansen, þýðandi
Gísli S. Ásgeirsson, þýðandi
Almennar og löggiltar þýðingar, dóm- og ráðstefnutúlkun, textaráðgjöf.
Aðili að rammasamningi Ríkiskaupa (RK-14.10).
Ásar – þýðingar og túlkun slf » Skipholti 50b » sími: 562-6588 » netf: ellening@simnet.is