Lögmannablaðið - 2020, Blaðsíða 34

Lögmannablaðið - 2020, Blaðsíða 34
34 LÖGMANNABLAÐIÐ TBL 01/20 LÖGMENNSKA Á LANDS- BYGGÐINNI Í þessu viðtali er rætt við lögmanninn Torfa Ragnar Sigurðsson einn meðeigenda að Lögmönnum Suðurlandi, á Selfossi. Torfi hefur starfað á stofunni meðfram laganámi frá árinu 2000 og síðan í fullu starfi frá útskrift úr laga- deild Háskóla Íslands árið 2005. Hann hlaut réttindi til málflutnings fyrir héraðsdómi árið 2006 og fyrir Hæstarétti árið 2012, auk þess sem hann lauk á árinu 2018 MBA gráðu frá Háskólanum í Reykjavík. Hvernig er rekstrarumhverfið á Suðurlandi? Rekstrarumhverfið hér á Suðurlandi er almennt gott. Hér á svæðinu hefur verið jöfn og þétt fólksfjölgun og uppbygging sem kallar á aukna þörf fyrir þjónustu lögmanna. Á svæðinu er hins vegar mikil samkeppni. Hér er nokkur fjöldi lögmannsstofa sem eru að bítast um verkefnin þannig að það er mikilvægt að vera samkeppnishæfur. Þá má heldur ekki gleyma því að nálægðin við höfuðborgarsvæðið er nokkur hluti af samkeppninni og stutt að sækja þjónustu þangað, við finnum fyrir því - en það virkar líka í hina áttina þar sem við erum líka að sækja viðskiptavini á höfuðborgarsvæðið og þjónum því. Hverjir eru helstu kostir við að reka stofu á landsbyggðinni? Helsti kosturinn að mínu mati er að verkefnin sem við fáum hér inn á borð eru mjög fjölbreytt og við erum að veita alhliða lögfræðilega þjónustu fyrir viðskiptavini okkar. Kannski má segja að sérhæfingin sé því nokkuð minni en þó erum við að sinna verkefnum á sviði eignaréttar sem færri stofur í bænum hafa sérhæft sig í. Við höfum kannski meira verið að sinna verkefnum fyrir fyrirtæki og lögaðila en þó er fjöldi viðskiptavina okkar einstaklingar. Þá skiptir máli að vera á Selfossi þar sem hér situr Héraðsdómur Suðurlands og hér er aðalskrifstofa Sýslumannsins á Suðurlandi. Af því leiðir jafnframt að við höfum lengi verið með mætingarþjónustu fyrir lögmenn og viðskiptavini annars staðar – en það gera líka flestar aðrar lögmannsstofur hér á svæðinu. Hverjar eru þá helstu áskoranir í þessu umhverfi? Ég myndi telja að það séu fáar eiginlegar áskoranir enda felast iðulega í áskorunum tækifæri. Það skiptir máli að vera með sýslumann og héraðsdóm á staðnum en hins vegar er það nokkuð meiri áskorun að vera með mál fyrir Hæstarétti og Landsrétti þegar kemur að því að skila gögnum. Við nýtum okkur sannarlega þjónustu sendla eða póstsins eða förum sjálfir með gögn og reynum þá að nýta ferðina. En óneitanlega styttir þetta þá fresti sem umbjóðendum okkar eru veittir í slíkum málum til þess að skila gögnum þannig að kannski mætti segja að það ríkti ekki fullt jafnræði milli landsbyggðar og höfuðborgarsvæðis hvað það varðar. Þetta skiptir hins vegar stofur sem eru lengra frá Reykjavík mun meira máli en okkur. Ég held að það sé mjög mikilvægt að taka sem fyrst upp rafræna málsmeðferð fyrir dómstólum og sýslumönnum, þannig að skila megi gögnum rafrænt LÖGMANNABLAÐIÐ FJALLAR UM LÖGMANNSSTOFUR Á LANDSBYGGÐINNI OG REKSTRARUMHVERFI ÞEIRRA MEÐ ÞVÍ AÐ RÆÐA VIÐ LÖGMENN VÍTT OG BREITT UM LANDIÐ. ARI KARLSSON LÖGMAÐUR SKRIFAR

x

Lögmannablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lögmannablaðið
https://timarit.is/publication/1132

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.