Lögmannablaðið - 2020, Blaðsíða 30

30 LÖGMANNABLAÐIÐ TBL 01/20
sé að taka fyrir eitt eða fleiri atriði í einu. Jafnframt má
álykta að framlagning samantektar á kröfum máls sem og
málsástæðum myndi veita dómara enn betri yfirsýn yfir
málið, og þá sérstaklega í yfirgripsmiklum og lagalega
flóknum málum.
Helstu rök gegn viðbótargreinargerðum er meginreglan
um hraða málsmeðferð einkamála. Aðilar fá að meginreglu
tvær til fjórar vikur til að útbúa og leggja fram greinargerðir,
þar sem markmiðið er að koma í veg fyrir óhóflega langan
málsmeðferðartíma, en getur óneitanlega lengt meðferð
máls um nokkra mánuði.
Meðalhraði einkamáls í Danmörku árið 2018 var 16,4
mánuðir 8, en meðalhraði einkamáls á Íslandi árið 2018 var
rétt undir 12 mánuðum eða 351 dagur.9 Því má jafnframt
velta því upp hversu mikið lengri málsmeðferðartíminn
væri ef framlagning viðbótargreinargerða væri heimil?
Því skal þó haldið til haga að meðalhraði einkamáls ræðst
af mörgum breytum, og framlagning málsskjala er aðeins
einn liður í slíkum samanburði.
Engu að síður er vert að hafa í huga ástæðurnar sem lágu
að baki því að fjarlægja heimild til framlagningu viðbótar-
greinargerða, og hvort ástæðurnar séu enn fyrir hendi.
RÉTTUR LÖGMANNA Í KJÖLFAR BREXIT
Dómsmálaráðuneytið hefur tilkynnt Lögmannafélaginu
að meðan á aðlögunartímabili útgöngu Bretlands úr
Evrópusambandinu stendur, þ.e. til loka árs 2020, verði
engin breyting á heimild íslenskra lögmanna til að starfa
í Bretlandi eða breskra lögmanna til að starfa hér á landi.
8 Danmarks Domstole - Statistik fra Civil Sager 2018. Sjá: https://www.domstol.dk/om/organisation/domstolsstyrelsen/
organisationsdiagram/Documents/Civile%20sager%20-%20byretter%20-%20afg%C3%B8relsestid%20-%20alm%20
sager%20med%20hfh.pdf
9 Domstolar - Útgáfa og fræðsla - Tölfræði. Sjá: https://www.heradsdomstolar.is/tolfraedi/
BROTTHVARF VARA-STJÓRNARMANNA
Sú óvenjulega staða hefur komið upp innan stjórnar
Lögmannafélagsins að tveir af þremur varastjórnar-
mönnum hafa horfið á braut í kjölfar innlagnar á mál-
flutn ings réttindum vegna breytinga í starfi. Brotthvarf
þessara varamanna hafa enn sem komið er ekki haft
áhrif á störf stjórnar félagsins þar sem þriðji varamaður
hefur getað mætt á stjórnarfundi í forföllum aðalmanna.