Lögmannablaðið - 2018, Page 25

LÖGMANNABLAÐIÐ TBL 01/18 25
Sonja Þorbergsdóttir lögfræðingur BSRB hélt erindi um
jafnrétti karla og kvenna á vinnumarkaðinum og hvað
hefur verið gert á Íslandi í gegnum árin til að stuðla að
jafnrétti kynja. Margrét Steinarsdóttir, framkvæmdastjóri
Mannréttindaskrifstofu Íslands fjallaði um evrópskt
lagaumhverfi og jafnrétti í víðara samhengi, s.s. beina
og óbeina mismunun vegna uppruna, kynþáttar,
fötlunar og Sigríður Björk Guðjónsdóttir, lögreglustjóri
höfuðborgarsvæðisins, sagði frá því hvernig lögreglan
nálgast mál sem þjónustustofnun frekar en valdastofnun.
Einnig var fjallað um stöðu kvenna innan lögreglunnar og
um mikilvægi þess að fjölga konum innan stéttarinnar. Þá
kynntu þau Grímur Sigurðsson lögmaður og Marta Margrét
Ö. Rúnarsdóttir lögfræðingur skýrslu vinnuhóps LMFÍ
um starfsumhverfi lögmanna og áhrif fjölskylduábyrgðar.
Nokkrar stjórnarkonur WBASNY fjölluðu um aðdraganda
þess að félag kvenna í lögmennsku í New York var stofnað
og sögðu frá sinni persónulegri reynslu og upplifun af
jafnréttisbaráttu kvenna í Bandaríkjunum. Líflegar
umræður sköpuðust á málþinginu sem var afar skemmtilegt
en því lauk svo með samantekt og lokaorðum frá formanni
FKL, Kolbrúnu Garðarsdóttur. Þorbjörg I. Jónsdóttir hrl
og stjórnarmaður FKL sá um fundarstjórn.
JAFNRÉTTISPARADÍSIN
ÍSLAND?
Mánudaginn 5. mars sl. var haldið
málþing á vegum Félags kvenna í
lögmennsku á Hallveigarstöðum undir
yfirskriftinni „Jafn réttis paradísin Ísland?”.
Tilefnið var heimsókn systurfélags frá
New York „Women´s Bar Association in
the State of New York” (WBASNY).
MÁLÞING FKL