Fréttablaðið - 30.01.2021, Blaðsíða 76

Hjá Systrasamlaginu er matur og munúð í for-grunni þar sem ástríðan
fyrir lífrænu og hollu góðgæti er í
hávegum höfð. Þær systur vita fátt
betra en að njóta sælkeramatar
sem gefur góða orku og gleður
bæði auga og sál. „Við systur
aðhyllumst báðar hreint sælkera-
mataræði. Við borðum mikið
grænmeti, baunir og korn. Fiskur
kemur við sögu 1 til 2 sinnum í
viku og lamb af og til. Ætli við
f lokkumst ekki sem „sælkera-
ætur“. Við erum báðar mikið fyrir
næringarríkan mat með and-
legri orku. Því það skiptir okkur
líka miklu máli að vita hvaðan
maturinn kemur.“
Vinsælast á seðlinum
Við fengum systurnar hjá Systra-
samlaginu til að deila með
lesendum uppskriftinni að því
vinsælasta á matseðlinum og
hvernig hefðbundinn dagur lítur
út. „Að fenginni reynslu höfum við
þróað okkar vinsæla kaffihúsa-
seðil. Við leikum okkur mest með
drykki, þeytinga, súpur og grauta
og stillum okkur gjarnan inn á
árstíðir og þau gæðahráefni sem í
boði eru hverju sinni. Til að mynda
er súpan okkar gjarnan bundin við
það sem við fáum lífrænt hverju
sinni. Til dæmis þegar íslensku
Hæðarendagulræturnar koma á
haustin eða þegar graskerstíminn
stendur yfir, notum við það í alls
konar galdrasúpur. Við hugsum
það sama fyrir okkur og Systrasam-
lagið sem má lýsa svona: „Matur
sem gefur og nærir en ekki matur
sem tekur og særir.“ Flest er lífrænt,
sumt glútenlaust, margt vegan en
ekkert bragðlaust. Til að eiga góðan
og orkuríkan dag í vændum er
hafragrauturinn efst á baugi en líka
góður cacaóbolli. Þá er maður vel
nærður vel fram eftir degi.“
Hafragrautur
með chia og acaiskál
Aðspurð segir Guðrún að þeim
finnist skipta miklu máli hvað
þær borði, þegar kemur að því að
huga að orku og úthaldi. „Okkur
finnst mikilvægt að hafa kolvetni,
prótein og trefjar. Flest er líka líf-
rænt og við verslum gjarnan við
litlu aðilana.“ Góður dagur hjá
Guðrúnu byrjar gjarnan á hafra-
graut með chiafræjum og fleira
góðgæti, en Jóhanna kýs heldur
djúsí acaiskál. „Við erum nefnilega
ólíkar en um leið góð blanda. Svo
er það annaðhvort cacaóbolli og/
eða góður kaffibolli.“
Rétti tíminn til að hreinsa
líkamann og andann
Systurnar Guðrún og Jóhanna
segjast ávallt breyta mataræðinu í
upphafi árs eftir að hafa lifað í vel-
lystingum eftir hátíðarnar. „Maður
er oft búinn að borða yfir sig í
desember, sem er svo sem alveg í
fínu lagi með flest nema of mikil
sætindi. Þá er gott að fara aftur
inn á beinu brautina. En svo finnst
okkur betra að taka góða hreinsun
í mars/apríl. Nær páskum eins og
flestar menningarþjóðir gera. Þá
er rétti tíminn fyrir líkamann að
hreinsa enda árangurinn magnað-
ur. Við erum jú hluti af náttúrunni.
Bæði í kínversku læknisfræðinni
og indversku lífsvísindunum er
talað um að vorið sér tími hreins-
unar. Við mælum sannarlega með
hreinsinámskeiði með Heiðu Björk
og okkur systrum, sem haldið
verður um miðjan mars og má
skoða betur á systrasamlagid.is.“
Hefðbundinn matseðill
En hvernig lítur hefðbundinn
dagur út hjá ykkur þegar kemur að
því að raða saman matseðli fyrir
daginn?
„Hafragrautur og alls kyns
skálar, súrdeigssamlokur eða
grænn, bleikur eða súkkulaði-
brúnn súperþeytingur í morgun-
mat eða hádegismat, er alltaf
vinsælt í Systrasamlaginu. Síðan
eru það allir okkar undursamlega
hollu jurtalattédrykkir á Boðefna-
barnum. Við bætum gjarnan við
íslenskum ofurjurtum en þó aldrei
á kostnað bragðsins. Í hádeginu
bjóðum við upp á lífrænar græn-
metissúpur og eðal samlokur.
Síðdegis mæta margir til að eiga
slakandi stund i Systrasam-
laginu og njóta þess að fá sér ljúfa
kökusneið, eða annað góðgæti úr
gæðahráefni og drykk með.“
Hafragrautur með
ristuðu bókhveitikorni
og hindberjamauki
1 bolli góðir, glútenlausir, lífrænir
hafrar
1 bolli vatn
1 bolli möndlurísmjólk
salt
Vanilla á hnífsoddi
½ tsk. kanill
1 tsk. saxaður engifer
Sjóðið grautinn við vægan hita,
eins og sagt er til um á umbúðum.
Bætið við meiri vökva ef með þarf.
Bókhveitikorn
Ristið bókhveitikornið þar til það
hefur tekið gullinn lit. Það er hægt
að gera á pönnu við háan hita eða
í ofni við vægari hita. Ristið góðan
slatta og eigið tilbúið í krukku.
Punkturinn yfir i-ið er gott heima-
gert hindberjamauk.
Hindberjamauk
1 bolli hindber, frosin eða fersk.
1 til 2 msk. maple eða kókossykur
½ tsk. chia-fræ
Hitið berin í potti ásamt sætunni
við vægan hita, þar til þau verða að
mauki. Takið af hellunni. Bætið við
1 tsk. af chia-fræjum. Hrærið vel í.
Chia-fræin eru frábær til að þykkja
sultur. Setjið 1 til 2 msk. út á graut-
inn. Eigið helst alltaf í ísskápnum
því hún er frábær á flest.
Krækiberjacacaó
20 g gott cacaó frá Gvatemala (við
mælum með frá Firefly sem er
einstaklega mjúkt).
1 tsk. íslenskt krækiberjaduft frá
Íslenskri hollustu
120 ml létt kókosmjólk
Blandið og hitið að suðu, en þó
alls ekki of mikið. Gefið ykkur
frekar tíma til að hræra vel í uns
bollinn verður silkimjúkur. Kakó
er frábært veganesti út í daginn.
Því það er uppfullt af magnesíum
og alls konar hjartastyrkjandi og
-opnandi snefilefnum.
Systurnar vilja gjarnan nota tæki-
færið og nefna að um leið og allt
kemst í eðlilegt horf opni þær á ný
fyrir morgunhugleiðslu í Systra-
samlaginu á miðvikudögum. Það
hefur skapast einstök stemning í
kringum þá stund undanfarin þrjú
ár. Í millitíðinni er hægt að hug-
leiða með Thelmu Björk í beinni á
Facebook-síðu Systrasamlagsins
alla miðvikudaga klukkan 9.30.
Matur sem gefur og
nærir en ekki
matur sem tekur og
særir.“ Flest er lífrænt,
sumt glútenlaust, margt
vegan en ekkert bragð-
laust.
Hafragrautur með hindberjamauki
Systurnar Guðrún og Jóhanna Kristjánsdætur eiga og reka heilsuhofið Systrasamlagið á Óðins-
götu 1 í hjarta borgarinnar. Það er bæði kaffihús og smávöruverslun sem nærir bæði hjarta og sál.
Jóhanna og Guðrún Kristjánsdætur reka Systrasamlagið. Þær leggja áherslu á hollustuvörur. FRÉTTABLAÐIÐ/ERNIR
Hafragrautur með ristuðu bók-
hveitikorni og hindberjamauki.
Krækiberjacacaó, hollur drykkur og
nærandi hjá Systrasamlaginu.
Sjöfn
Þórðardóttir
sjofn@torg.is
Matarást
Sjafnar
Síðumúli 31 - 108 Reykjavik - S: 562-9018 / 898-5618
info@arcticstar.is - www.arcticstar.is
SÆBJÚGNAHYLKI +D3 FYRIR HEILSUNA
Arctic Star sæbjúgnahylki+D3 innihalda yfir fimmtíu
tegundir af næringarefnum og eru þekkt fyrir:
• Hátt próteininnihald og lágt fituinnihald
• Að minnka verki í liðum og liðamótum
• Að byggja upp brjósk og draga úr tíðni
liðskemmda
• Að bæta ónæmiskerfið
• Að auka blóðflæði
• Að auka orku líkamans, stuðla að
myndun húð- próteins og insúlíns
• Stuðla að eðlilegri upptöku kalsíums
og fosfórs
• Stuðla að viðhaldi beina, tanna og vöðva
• Stuðla að bættri starfsemi ónæmis-
kerfisins
• D-vítamín hefur hlutverki að gegna við
frumuskiptingu.
ÍSLENSK FRAMLEIÐSLA,
Framleiðandi er Arctic Star ehf.
Allar nánari upplýsingar fast á
www.arcticstar.is
Arctic Star Sæbjúgnahylki +D3
Varan fæst í flestum apótekum, heilsubúðum,
Hagkaupum, og Fjarðakaup.
6 KYNNINGARBLAÐ FÓLK 3 0 . JA N ÚA R 2 0 2 1 L AU G A R DAG U R