Dagblaðið Vísir - DV - 19.02.2021, Page 2

Filter á andlit og umræðu
Hver er nákvæmlega tilgangurinn með fjöl-miðlum í dag? Þessu
fór Svarthöfði að velta fyrir
sér í vikunni sem leið eftir
að hann veitti því eftirtekt
að nánast hver og ein einasta
opinbera stofnun eða yfirvald
er með sína eigin fréttaveitu á
heimasíðum sínum, samfélags-
miðlum og víðar.
Svarthöfði bar þetta undir
félaga sinn sem starfar sem
blaðamaður og komst þar að
því að blaðamönnum er gjarn-
an svarað með: „Það kemur út
tilkynning síðar í dag,“ þegar
þeir hringja í opinbera aðila,
og jafnvel í slökkvilið eða lög-
reglu. Allir vilja stýra umræð-
unni um sig og sína.
Lögregla er líka farin að
ákveða hvað er fréttnæmt eða
ekki. Í dagbók lögreglu stendur
gjarnan „Ekkert fréttnæmt“.
Lögreglufélagi Svarthöfða
benti á að lögreglan á höfuð-
borgarsvæðinu er með upp-
lýsingafulltrúa sem nánast
enginn veit símanúmerið hjá.
Nágrannaþjóðir okkar fá upp-
lýsingar um rannsóknir lög-
reglu fyrr en hér tíðkast og
fjölmiðlum er tjáð hvort vafa-
samt sé að birta þetta eða
hitt. Upplýsingafulltrúi Lög-
reglunnar lætur hins vegar
hringja út. Það er vafasamt.
Því herja blaðamenn á lög-
reglumenn í von um lágmarks
upplýsingar – oft til að streitast
á móti sturluðum sögusögnum
sem grassera. Svarthöfði
saknar þess ekki að keyra með
blikkljósin.
Allir eru að ritskoða sjálfa
sig í dag. Ekkert má segja
nema leggja það undir nefnd,
tvílesa það yfir, hringja í vin
og leggja í bleyti í viku og
grafa á krossgötum á Jóns-
messunótt.
Meira að segja hið unaðs-
lega tímarit Séð og heyrt sem
gladdi Svarthöfða með góm-
sætu slúðri vikulega – og var
oftast lesið í baði með einn
kaldan á kantinum – er nú lát-
ið. Fólk vill setja „filter“ á um-
ræðuna og andlitið og myndin
frá kokteilkvöldinu þarf að
birtast á meðan verið er að
hella í glas.
Nú álpast fólk áfram á sam-
félagsmiðlum og birtir sjálft
myndir og það meira að segja
með myndatextunum: Sæt
saman! Glanspappírinn hafði
áferð sem gaf þessum innan-
tómu fréttum það vægi sem
þurfti.
Þetta hefur líka orðið til þess
að unga fólkið í dag veigrar sér
við að eiga samskipti í síma.
Það er nefnilega ekki hægt
að ritskoða sig eins vel þar og
hægt er að gera þegar sam-
skiptin eru skrifleg og hægt
er að „uppfæra“ í sífellu.
Við erum greinilega hætt
að treysta okkur sjálfum og
orðum okkar. Við viljum fá að
smjatta á orðunum, stroka þau
út, endurskrifa, endurbæta,
draga úr gífuryrðum eða bæta
inn blótsyrðum eftir þörfum.
Allt betra en að þurfa að buna
einhverju út úr sér án þess að
það sé lesið upp af blaði.
Þetta er að verða stór hluti
almennra samskipta sem við
erum bara að glata niður. Og
stór hluti fjölmiðlunar líka.
Nú fá fjölmiðlar varla að kafa
djúpt eftir upplýsingum eða
grennslast fyrir um hitt og
þetta. Frasinn „Talaðu við
höndina“ sem var pirrandi
vinsæll í kringum aldamótin
er orðinn „Lestu fréttatil-
kynninguna“. n
SVART HÖFÐI
Aðalnúmer: 550 5060
Auglýsingar: 550 5070
Ritstjórn: 550 5070
FRÉTTA SKOT
550 5070
abending@dv.is
Feita bakið á brettinu
E
f þú myndir missa nokkur kíló þá gætir
þú orðið ungfrú Ísland,“ sagði þekktur
einkaþjálfari við mig á líkamsræktar-
stöð þar sem ég skokkaði á hlaupabretti.
Ég var í kringum tvítugt og nokkuð
ánægð með mig. Ég æfði af kappi og
var orðin ansi hraust.
Einkaþjálfarinn sem um ræðir var mér eldri kona.
Hún brosti.
Ég horfði hissa á hana.
Ég var of þung sem barn en fékk svo mikinn áhuga
á líkamsrækt þegar ég var 15 ára og kom mér í gott
form. Það fór hins vegar fyrir ofan garð og neðan
þegar ég var skiptinemi í Brasilíu en þegar hér er
komið sögu var ég í fínu standi – að mér fannst.
Ég hægði á brettinu og starði opinmynnt á brosandi
konuna. Ó. Hún meinti þetta sem hrós.
„Ha?“ sagði ég, óviss um hverju ég ætti að svara.
„Já, það þarf bara að skafa aðeins af þér.
Af bakinu. Þú ert með svo fallegt andlit
nefnilega.“
Einmitt en feitt bak? Og hvað þýðir
það eiginlega þegar fólk segir „hún
er svo andlitsfríð“. Er viðkomandi
þá ljótur annars staðar?
„Ég gæti hjálpað þér,“ segir hún.
Ég horfði á hana og velti því fyrir
mér hvort hún héldi í alvörunni að
hún myndi snapa sér viðskipti með
þessum hætti. Ef ég hefði ekki
verið á ferð hefði ég mögulega
skallað hana með fallega and-
litinu mínu.
Í staðinn sagðist ég ætla
að hugsa málið og jók hrað-
ann á brettinu.
Ég hugsa reglulega til
þessa atviks og ber það
saman við athugasemdir
leikfimikennara míns
þegar ég var í grunn-
skóla. Hún var afrekskona
í líkamsrækt og talaði aldrei
niður til okkar „gelgjanna“
heldur benti okkur frekar á það
sem hún hefði viljað gera öðru-
vísi. Hún sagðist sjá mikið eftir
því að hafa hangið í ljósabekkjum sem ung kona og
hafa misþyrmt á sér húðinni.
Hún hvatti okkur til að vera alltaf með hollan bita á
okkur. Fyrst í skólatöskunni og síðar þegar hún varð
einn eftirsóttasti líkamsræktarkennarinn í bænum
og við „gelgjurnar“ að fullorðnast þá sagði hún okkur
að hafa hollan bita í veskinu. Borða alltaf nóg af
hollum mat.
Þessi kona hefur alltaf verið með hið margrómaða
„six pack“ jafnvel nú á sextugsaldri en aldrei nokk-
urn tímann hefði henni dottið í hug að tala mig niður
til að „bjarga“ mér frá feitu baki.
Hún hvatti mig hins vegar áfram til að prófa hitt og
þetta. Ég meiri segja keppti einu sinni í sundi því hún
sagði að ég hefði fína möguleika. Ég var ekki góður
sundmaður en ég var upp með mér að vera beðin og
prófaði – og prófaði í kjölfarið fleiri íþróttir. Svo fór
að ég fann mína hillu í líkamsræktartímum og mætti
nánast daglega.
Íþróttakennarinn tók eftir því og bað mig um að
segja bekknum frá því hvaða æfingar mér þættu
skemmtilegastar og „kenna“ einn tíma í kickboxi sem
ég stundaði þá af krafti.
Alltaf talaði þessi kennari okkur upp, hvatti okkur
til að gera meira, vilja meira, ögra okkur en aldrei
var einn tekinn niður til að stækka annan.
Ég fór úr því að skæla af kvíða fyrir „píp-testi“ í að
hlakka til – elska áskorunina og styrkinn sem líkam-
inn bjó yfir. Vitandi að það væri í góðu lagi að geta
svo ekki meira.
Að því sögðu er „píptest“ samt eitt það glataðasta
sem ég veit um. En hvað veit ég, með mitt feita bak. n
Það þarf bara
að skafa aðeins
af þér.
UPPÁHALDS
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Þorbjörg Marinósdóttir, tobba@dv.is
AÐSTOÐARRITSTJÓRI: Erla Hlynsdóttir, erlahlyns@dv.is FRÉTTASTJÓRI: Ágúst Borgþór Sverrisson, agustb@dv.is AUGLÝSINGAUMSJÓN: Hrafn Norðdahl, hrafn@dv.is
PRENTUN: Torg prentfélag DREIFING: Póstdreifing. DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds.
Öll viðtöl blaðsins eru hljóðrituð. Notkun á efni blaðsins er óheimil án samþykkis. DV, Kalkofnsvegi 2, 101 Reykjavík Sími: 550 7000.
Kristín Sif Björgvinsdóttir
afrekskona í hnefaleikum
og útvarpskona á K100
deilir hér sínum uppáhalds
æfingum.
1 Burpees: Froskahopp
„Af því að burpees er hvíld!,“
Kristín rekur upp hlátur.
„Nei af því að það er hægt
að gera burpees hvar sem er,
hvenær sem er og af því að
allir elska að hata burpees.“
2 Assault hjólasprettir
„Það er ekkert sem kveikir
jafn hratt í lungunum á þér
og sprettir á þessu dýrðlega
hjóli.“
3 Clean með stöng
„Bara best alltaf, elska að
grípa í stöngina og cleana.
Aldrei verra ef það er mikið
af cleani í æfingu dagsins.“
Clean = þyngd er lyft upp í
brjósthæð með því að spenna
líkamann upp með þyngdina
og grípa hana svo við axlar-
hæð.
4 Deadbug Heel taps
„Þessi core æfing lítur út
fyrir að vera saklaus og létt
en haltu þér fast, hún rífur
í magavöðvana alveg inn að
kjarna.“ DHT = Kviðkreppur
þar sem höndum er smellt í
hæla.
5 Jumping lunges
„VEISLA fyrir lærin og
keyrir hjartsláttinn VEL
upp. Skemmtileg bodyweight
æfing sem klikkar aldrei.“
JL = hoppandi framstig.
ÆFINGAR
2 LEIÐARI 19. FEBRÚAR 2021 DV