Dagblaðið Vísir - DV - 19.02.2021, Blaðsíða 34

Matseðill
Rikka G
Hádegismatur
Kjúklingur/kjöt og kannski lúka
af grjónum, nóg af salati og ein-
hver góð sósa með.
Kvöldmatur
Oft tek ég ketókjúklinginn á BK
með mér heim ef ég er að vinna.
Hann er sturlaður, enda er ég
mikill aðdáandi þess að veitinga-
staðir séu að vinna með úrbeinuð
kjúklingalæri frekar en bringu.
Mikið betra kjöt að mínu mati.
Súrsætur kjúklingaréttur
„Ef þú vilt gera vel við þig og ert
fyrir kjúkling og sælgætissósu þá
er þetta réttur sem ég geri oft um
helgar. Sturlaður í einu orði sagt,
sem ég fann fyrir mörgum árum á
Gulur, rauður, grænn og salt (grgs.
is). Og þar sem ég er algjör sósu-
perri þá geri ég alltaf tvöfalda upp-
skrift af henni enda er þetta rosa-
legt. Venjulegt baquette brauð með
og íslenskt smjör er líka nauðsyn-
legt,“ segir Rikki. Uppskriftin er birt
með leyfi grgs.is.
3 kjúklingabringur
salt og pipar
ca. 180-200 g hveiti
3 egg, léttþeytt
60 ml olía
130 g sykur
4 msk. tómatsósa
60 ml hvítvínsedik
60 ml eplaedik
1 msk. sojasósa
1 tsk. hvítlaukssalt
Skerið kjúklingabringur í litla bita og
kryddið með salti og pipar.
Veltið kjúklingabitunum fyrst upp
úr hveitinu þar til það hylur bitana
alveg og eftir það í eggin.
Steikið kjúklingabitana upp úr olíu á
pönnu við meðalhita þar til þeir hafa
brúnast örlítið. Látið í ofnfast mót.
Blandið sykri, tómatsósu, eplaediki,
hvítvínsediki, sojasósu og hvít-
lauksdufti saman í skál. Hellið yfir
kjúklinginn og eldið í eina klukku-
stund við 175°C. Hrærið reglulega í
kjúklingnum á 15 mínútna fresti og
veltið upp úr sósunni.
Berið fram með hrísgrjónum, jafnvel
vorlauk og sesamfræjum.
34 MATUR
Guðrún Ósk
Guðjónsdóttir
gudrunosk@dv.is
Ekki skammtímalausn
heldur rútína
Ríkharð Óskar Guðnason, betur þekktur sem útvarpsstjarnan Rikki G.
á FM957, er mikill rútínumaður og borðar aðeins tvær máltíðir á dag.
Hann nýtur sín í eldhúsinu og er mikill áhugamaður um eldamennsku.
R ikki lýsir sér sem miklum rútínumanni. „Ég vakna alla virka
morgna 6:15, hættur að
„snooza“, og fer beint inn á
bað, nánast með lokuð augun,
kveiki á sturtunni, bursta
tennur, skola af mér og klæði
mig. Stundum sleppi ég því
að gela mig, það fer eftir því
hversu þreyttur ég er,“ segir
hann.
„Ég fer síðan í besta morg-
unþátt landsins, Brennsluna,
og er þar til tíu. Síðan æfi ég
í kringum hádegið og borða
mína fyrstu máltíð eftir hana
um svona eitt leytið. Oftast er
ég síðan í hinum og þessum
verkefnum eftir hádegi, oft-
ast er ég að lýsa kappleikjum
á kvöldin og er því frekar
sjaldan heima. Ef ekki þá
finnst mér mjög þægilegt að
vera heima og elda góðan mat
með fjölskyldunni.“
Fastar virka daga
Rikki er ekki á neinu ákveðnu
mataræði. „En ég fasta yfir-
leitt á virkum dögum, þegar
ég er að taka mig í gegn, sex-
tán til átján klukkustundir. Ég
borða ekki eftir klukkan átta á
kvöldin virka daga. Númer 1, 2
og 3 þá held ég virkum dögum
gott sem alveg hreinum og
svindla ekkert,“ segir hann.
Aðspurður hvaða kostir
honum þykir hafa fylgt föst-
unni segir Rikki að með því
að fasta 16-18 klukkustundir
fimm daga vikunnar, og leyfa
sér aðeins um helgar, þá hafi
honum tekist að missa fjórtán
kíló síðan í byrjun september.
„Það hefur orðið til þess að
þetta er orðið að rútínu en ekki
skammtímalausn. Þetta hefur
allavega hentað mér afskap-
lega vel. Ég leyfi mér kolvetni í
hádeginu en passa að hafa þau
góð. Síðan er meira um prótein
og fitu í kvöldmat. Ég borða
bara tvær máltíðir á dag. Þetta
er rútína sem hentar mér ein-
staklega vel“ segir hann.
Stórkostlegur í eldhúsinu
Þegar kemur að því að lýsa
hæfileikum sínum í eldhúsinu
segist Rikki vera stórkost-
legur. „Ég er mikill áhuga-
maður um eldamennsku og
elda ávallt þau fáu fríkvöld
sem ég er með. Ég sé til dæm-
is ávallt um jóla- og áramóta-
matinn sem er eiginlega orðið
að minni skemmtilegustu hefð.
„Ég hef líka verið óhræddur
við að fara aðeins frá upp-
runalegum uppskriftum, það
er að segja að bæta einhverju
við eða taka eitthvað út. Prófa
mig áfram. Ég geri síðan besta
salat landsins, vil ég meina.
Nokkrir félagar mínir kalla
það Sweaty Richard Salad. Það
er ekki það hollasta, en það er
margt óhollara en það.“
Uppáhaldsmáltíð?
„Klárt mál, hægelduð nauta-
lund, nær „rare“ en „medium
rare“ og með henni verður að
vera góð heit sósa sem ég geri
alltaf frá grunni þegar ég elda
naut.“ n
Útvarpsmaðurinn Rikki G. heldur sig á beinu brautinni á virkum dögum. MYND/STEFÁN
MYND/GRGS.IS
19. FEBRÚAR 2021 DV