Dagblaðið Vísir - DV - 19.02.2021, Qupperneq 4

MEST LESIÐ
Á DV Í VIKUNNI Í FRÉTTUM ER ÞETTA HELST...
Enginn greindist sex daga í röð
Í gær, fimmtudag, greindist enginn með kórónuveiruna innan-
lands sjötta daginn í röð. Aðeins 26 eru í einangrun og 27 í
sóttkví. Þórólfur Guðnason sóttvarnarlæknir vinnur að tillögu
um frekari tilslakanir í sóttvarnaaðgerðum hér innanlands en
í vikunni voru aðgerðir á landamærunum hertar enn frekar til
að styðja við þá góðu þróun sem hefur átt sér stað hérlendis.
Nú verða allir komufarþegar krafðir um svokallað PCR-próf
á brottfararstað og þarf prófið að sýna neikvæða niðurstöðu
fyrir COVID-smiti.

Myrtur fyrir utan heimili sitt
Karlmanni var ráðinn bani fyrir utan heimili sitt í Rauða-
gerði á laugardaginn. Er talið að morðið tengist uppgjöri í
undirheimum og hefur fjöldi manns verið handtekinn vegna
málsins og alls hefur lögregla farið fram á gæsluvarðhald yfir
sjö einstaklingum. Hinn myrti var frá Albaníu og lætur eftir
sig barnshafandi eiginkonu og eitt barn.

190 þúsund bólusett í sumar
Stjórnvöld stefna nú að því að ná að bólusetja um 190 þúsund
landsmanna fyrir lok júní, en alls er áætlað að 280 þúsund
Íslendingum verði boðin bólusetning, eða öllum sem eru 16
ára og eldri. Bólusett verður eftir tíu forgangshópum og hefur
bólusetning verið hafin í fimm þeirra. Bólusetningardagatal
á að koma út innan skamms en með því verður reynt að skýra
betur út hverjir tilheyra hvaða forgangshóp og hvenær hægt
sé að búast við bólusetningu.

Körfuboltamynd veldur usla
Heimildarmyndin Hækkum rána segir frá umdeildri baráttu
stúlknaliðs ÍR undir stjórn þjálfarans Brynjars Karls Sig-
urðssonar fyrir jafnrétti. Brynjar hætti sem þjálfari eftir að
stúlkurnar höfnuðu Íslandsmeistarabikarnum og mótmæltu
ákvörðun KKÍ um að leyfa þeim ekki að keppa við stráka.
Myndin hefur fengið blönduð viðbrögð. Sumir hæla stúlkunum
og þjálfaranum sem hetjum í jafnréttisbaráttunni á meðan
aðrir hafa gagnrýnt þjálfunaraðferðir Brynjars harðlega.
Stafrænt kynferðisofbeldi refsivert
Fjögur prósent landsmanna lendir í stafrænu kynferðisofbeldi
eða hótun um slíkt, samkvæmt nýrri skýrslu ríkislögreglu-
stjóra. Frumvarp um stafrænt kynferðisofbeldi var samþykkt
á Alþingi í vikunni. Þetta þýðir að dreifing á kynferðislegum
myndum geti varðað allt að fjögurra ára fangelsi og hótanir
um slíkt geta varðað fangelsi eða sektum.
Úlfúð vegna fréttar
Frétt Fréttablaðsins á þriðju-
dag hefur vakið mikla at-
hygli, en í henni kemur fram
að Ragnar Þór Ingólfsson hafi
verið viðstaddur veiðiþjófnað
á landi Seðlabankans fyrr í
vetur. Ragnar hefur bent á að
hann sé hvorki vitni né sak-
borningur í málinu og sakað
Fréttablaðið um annarlegar
hvatir að baki fréttaflutningn-
um, en honum hefur borist
mótframboð í formannsstól VR og telur „ófrægingarherferð“
Fréttablaðsins miða að því að bola honum úr formannsstöðunni.
1 Útvarpskona sökuð um að fitusmána Valdimar – „Van-
virðing sem hún sýnir honum og
ástkæru barnsmóður hans er
þvílík!“ Útvarpskonan Sigga Lund
fitusmánaði tónlistarmanninn Valdi-
mar Guðmundsson.
2 Úlfúð vegna búnings kennara á Ísafirði – „Jesús minn,
það má ekkert“ – „Guð á himni,
hvar endar þetta?“ Kennari á Ísa-
firði klæddi sig upp sem araba fyrir
maskadaginn svonefnda.
3 Zúúber hættir í kjölfar niðrandi ummæla um Valdi-
mar Útvarpsþátturinn var tekinn af
dagskrá Bylgjunnar eftir hneyksli.
4 Nafn mannsins sem ráðinn var bani í Rauða-
gerði Maðurinn sem ráðinn var
bani í Rauðagerði á laugardag hét
Armando Beqiri.
5 Íslenskur knattspyrnumaður grunaður um stórfelldan
þjófnað Lögregla rannsakar meintan
þjófnað knattspyrnumanns á úrum.
6 Meintur uppljóstrari lögreglu handtekinn vegna rannsóknar
á morði í Rauðagerði Anton Kristinn
Þórarinsson, meintur uppljóstrari
lögreglu, var handtekinn vegna rann-
sóknar á morðinu í Rauðagerði.
7 Maður í næsta húsi við morð-vettvanginn ræðir við DV
– Fólkið keypti húsið í fyrra Íbúar í
Rauðagerði eru slegnir eftir morðið á
laugardag.
8 Sara tjáir sig um körfubolta-myndina: „Kjaftstopp yfir
framferði liðsins og þá sérstak-
lega þjálfarans“ Heimildarmyndin
Hækkum rána hefur vakið mikla
athygli.
9 Samstarfsmenn hins látna ósáttir við að málið sé tengt
við undirheima – Handtökur á
Suðurlandi í tengslum við málið
Samstarfsmenn Armando, sem var
myrtur í Rauðagerði, segja hann
engin tengsl hafa við undirheima á
Íslandi.
BÍLASMIÐJURINN HF.
Þú hitar bílinn með
fjarstýringu og nýtur
þannig þæginda og
öryggis
ALDREI AÐ SKAFA!
MEÐ WEBASTO BÍLAHITARA
4 FRÉTTIR 19. FEBRÚAR 2021 DV