Dagblaðið Vísir - DV - 19.02.2021, Qupperneq 38

38 SPORT 433
MYNDIR/GETTY
HEIMSFRÆGAR
eiginkonur fótboltamanna
Eiginkonur knattspyrnumanna eru oft ekki
minni stjörnur en eiginmennirnir og hafa
margar þeirra látið til sín taka í viðskiptalífinu
og er þeim margt til lista lagt. Heimsfrægar
söngkonur, fatahönnuðir, sjónvarpskonur og
æskuást.
19. FEBRÚAR 2021 DV
VICTORIA BECKHAM
Eiginkona David Beckham er á pari við hann þegar kemur að frægð og
frama, segja má að þau séu hið raunverulega ofurpar þegar kemur að fót-
boltanum. Parið byrjaði að rugla saman reitum árið 1997 og hafa staðið
saman síðan þá. Þau giftu sig árið 1999 og eiga saman fjögur börn, þrjá
stráka og eina stelpu. Victoria var líklega þekktari þegar þau kynntust enda
hafði hún öðlast algjöra heimsfrægð með Spice Girl. Posh Spice eins og
hún var kölluð hefur heldur dregið sig til hlés síðustu ár á meðan Beckham
hefur áfram baðað sig í sviðsljósinu. Hjónin vekja athygli hvert sem þau
koma, þau búa í London en eru mikið á Miami þar sem David á knattspyrnu-
félagið Inter Miami. Victoria hefur reynt fyrir sér bæði sem fatahönnuður,
hannað fyrir verslunarkeðjuna Target, skrifað bækur, tekið þátt í heimilda-
myndagerð og unnið að góðgerðarmálum.
ANTONELLA ROCCUZZO
Er líklega þekktust fyrir að vera eiginkona Lionel Messi
en það voru ekki frægð, peningar og frami sem heill-
uðu hana til að byrja með. Antonella og Messi ólust
upp í Rosario í Argentínu og hafa þekkst frá fimm ára
aldri. Frændi hennar var vinur Messi og þannig byrjaði
vinskapur þeirra. Messi fluttist til Spánar þegar hann
var 13 ára gamall en þau héldu alltaf samband. Síðan
þróaðist samband þeirra út í ástarsamband og hefur
það blómstrað síðan. Messi er hlédrægur utan vallar
og vill lítið baða sig í sviðsljósinu, Antonella er á svip-
uðum slóðum. Þau giftu sig árið 2017 og eiga saman
tvö börn. Antonella hefur getið sér gott orð sem fyrir-
sæta og starfar meðal annars fyrir Ricky Sarkany sem
selur eftirsótta skó.
SHAKIRA
Þessi heimsfræga söngkona á í
ástarsambandi við Gerard Pique,
varnarmann Barcelona. Þau
hittust árið 2010 þegar verið var
að taka upp tónlistarmyndband
Shakira á laginu Waka Waka sem
var einkennislag HM í knattspyrnu
það sama ár. Neistinn kviknaði
og hefur lifað síðan, saman eiga
Shakira og Pique tvö börn. Pique
er 34 ára gamall og er tíu árum
yngri en þessi magnaða söng-
kona. Shahkira er miklu frægari
en eiginmaður hennar en hún er
ein vinsælasta söngkona síðari
ára, hún hefur einnig starfað sem
sendiherra fyrir UNICEF.
COLEEN ROONEY
Hefur verið á forsíðum enskra blaða frá unga aldri.
Hún og Wayne Rooney kynntust þegar þau voru tólf
ára í Liverpool, ástarsamband þeirra hófst þegar þau
voru 16 ára en þá var Rooney á barmi heimsfrægðar.
Nú tuttugu árum síðar eru þau enn í sviðsljósinu og
standa saman þrátt fyrir talsverð læti í gegnum árin.
Þau gengu í hjónaband árið 2008 en Coleen hefur gert
það gott í viðskiptum, meðal annars hannað fatalínur,
skrifað fyrir fjölmiðla sem og fjölda bóka auk þess sem
hún hefur starfað í sjónvarpi, á meðan eiginmaðurinn
hefur einbeitt sér að fótboltanum. Eiginmaðurinn hefur
verið gómaður við framhjáhald og átt í talsverðu veseni
utan vallar, Coleen hefur hins vegar fyrirgefið honum
marga heimskulega hluti. Saman eiga þau fjóra syni.
SARA CARBONERO
Sara er ein vinsælasta sjónvarpskona Spánar og þá
sérstaklega í tengslum við knattspyrnu, hún er einnig
eiginkona Iker Casillas. Markvörðurinn frá Spáni er
hættur í dag en samband þeirra hefur vakið mikla at-
hygli. Hú hefur verið kosin kynþokkafyllsta fréttakona
heims. Casillas og Carbonero gengu í hjónaband árið
2016, sex árum eftir að hafa gert samband sitt opin-
bert. Þau eiga tvo stráka saman en lífið hefur verið
erfitt fyrir fjölskylduna síðustu ár. Carbonero var flutt
á sjúkrahús á dögunum, tveimur dögum fyrir 37 ára af-
mæli sitt. Hún hóf baráttuna við krabbamein árið 2018
en það sama ár fékk Casillas, sem þá lék með Porto,
hjartaáfall. Bæði náðu bata og leit allt vel út hjá Carbo-
nero. Krabbameinið tók sig hins vegar aftur upp og
háir hún nú aðra baráttu við þennan skæða sjúkdóm.