Heilbrigðisskýrslur - 01.12.1961, Blaðsíða 87
85 —
1961
fannst að þessu sinni 1 sjúklingur, sem talinn var með virka berkla-
veiki og áður var ókunnugt um (1,1% hinna rannsökuðu).
Búðardals. 17 ára dóttir berklaveiks manns lá í 1% mánuð á Vífils-
staðahæli vegna gruns um berklaveiki. 10 manns bólusettir vegna sýk-
ingarhættu.
Þingeyrar. Fjögurra ára drengur fékk brjóstholseitlaberkla í ársbyrjun.
Mikið var fyrir því haft að komast fyrir um smitupptök. Nánustu vanda-
menn og kunningjar rannsakaðir, öll börn í skólum hreppsins berkla-
prófuð tvisvar á nokkurra vikna fresti, en ekkert kom í ljós, er skýrt
gæti smitunina. Farið var fram á aðstoð til frekari rannsóknar, en henn-
ar ekki talin þörf að svo komnu máli, enda varð ekki úr frekari sýk-
ingu. Kona um þrítugt veiktist af iungnaberklum, og var þá nýflutt i
héraðið. Fór um tíma á hæli. Báðir þessir sjúklingar fá berklalyf og
hafa fengið eðlilegan bata.
Bolungarvíkur. Gamall maður, sem lá hér á sjúkraskýlinu vegna
paralysis agitans var gegnlýstur vegna kvefs og sent sputum frá honum.
Reyndist smitandi og sendur á Vífilsstaði.
Súðavíkur. Nýr sjúldingur, 53 ára karlmaður, búsettur í Súðavík, veikt-
ist í byrjun desember, fluttur á F. S. ísafirði vegna gruns um berkla.
Reyndist vera með smitandi lungnaberkla og sendur á Vífilsstaði í lok
desember.
Hólmavíkur. Miðaldra bóndi fékk pleuritis exsudativa og var á Vífils-
stöðum um tíma. Um áramót var hann enn á lyfjameðferð heima. Börn
hans reyndust Moro-negativ og gegnlýsing eðlileg hjá öðru heimilisfólki.
ólafsfl. Einn nýr sjúklingur skráður með lokaða, virka lungnaberkla,
sendur á Kristneshæli.
3. ígulmygla (actinomycosis).
Töflur V—VI.
1957 1958 1959 1960 1961
Sjúkl................. 1 „ „ 1 2
4. Holdsveiki (lepra).
Töflur V—VI.
1957 1958 1959 1960 1961
Á spítala.................. 6 5 5 4 4
í héruðum ................. 2 „ „ „ „
Samtals ................... 8 5 5 4 4
5. Sullaveiki (echinococcosis).
Töflur V—VI.
1957 1958 1959 1960 1961
Sjúkl.................. 4 3 1 3 1
Dánir ................. 4 2 „ 1 „