Heilbrigðisskýrslur - 01.12.1961, Side 143
— 141 —
1961
Er hér um alhliða verzlun að ræða með kjörbúðarsniði og myndarlega
frá öllu gengið. Einnig er í smíðum nýtt verzlunarhús Kaupfélags Ólafs-
fjarðar. Töluvert er um nýbyggingar íbúðarhúsa.
Dalvíkur. Á Dalvík var hafin holræsagerð. mikil framkvæmd og til
frambúðar. Byggð var þar ný verbúð við höfnina, og er þar fiskbúð til
húsa. Hún má teljast framfaraspor. Stórt fiskverkunarhús, í smíðum
undanfarin misseri, var tekið í notkun. Stækkun fór fram á frystihúsi
kaupfélagsins. Hafin var bygg'ing nýs hafnargarðs, mikils mannvirkis.
Unnið var nokkuð að framlengingu vegarins til Ólafsfjarðar fyrir Ólafs-
fjarðarmúla, en tafðist, að sögn, vegna votviðra, og mun eigi hafa orðið
meira en undirbygging kafla, tveir kílómetrar að lengd. í Hrísey var unnið
að stækkun frystihúss kaupfélagsins. 1 Árskógshreppi var hafin vega-
gerð á Hauganesi. í sveitunum var lítið sem ekkert um nýjar fram-
kvæmdir.
Akureijrar. Ýmis hús, önnur en íbúðarhús, fullgerð á árinu, voru 9
talsins, og má af þeim nefna: flugstöðina, verksmiðjuhús súkkulaði-
verksmiðjunnar Lindu, sem mun plássmesta hús bæjarins, búningsklefa
íþróttavallarins og Byggingavöruverzlun Akureyrar. Ýmis hús, komin
undir þak í árslok, eru 6 talsins: Elliheimili Akureyrarbæjar, skrif-
stofuhúsnæði Akureyrarbæjar, verksmiðjuhúsnæði fataverksmiðjunnar
Heklu (mikil bygging), verzlunarbygging Amaro, skrifstofuhúsnæði Út-
vegsbanka íslands og Skíðahótelið í Hlíðarfjalli. Ýmis hús, sem byrjað
er að byggja fyrir árslok, eru t. d.: Barnaskóli Oddeyrar, timburverzlunar-
hús KEA og samkomu- og verzlunarhús við Geislagötu 7 (Sjálfstæðis-
húsið).
Þórshafnar. Stórt og vandað fiskverkunarhús var reist á árinu. Haldið
var áfram hafnargerðinni, en henni er hvergi nærri lokið.
Djúpavogs. Mjólkurstöð er verið að reisa á Djúpavogi. Félagsheimili
i smíðum í Beruneshreppi.