Börn og menning - 01.04.2012, Blaðsíða 5

Frá ritstjóra
5
Forsíðu vorheftis Barna og menningar
Prýðir litrík mynd bandaríska mynda-
bókahöfundarins Richards Scarrys.
Erilborgarbækur hans komu fyrst út á sjötta
aratugnum og urðu gríðarlega vinsælar út um
víða veröld. Vinsældir Kela kettlings og Einars
(eða Ormars) einfætta með týrólahattinn
hafa ekki minnkað með árunum og nú má
finna sjónvarpsþætti, leikföng og fatnað
með þeim félögum. Útgefandi bókanna á
Islandi er Setberg sem stendur um þessar
mundir í endurútgáfu á þessum gömlu vinum
íslenskrar æsku.
Slíkir vinir eru þema vorheftisins: barna-
bækur sem lifa í minningunni. Sumar gera
það vegna Ijúfra yndislestrarstunda sem
þær veittu, aðrar vegna þess að þær gerðu
lesandann svo skelkaðan að maður getur
ekki enn í dag hugsað sér að lesa þær aftur.
Ég á þó nokkra slíka „vini" - þeir eru flestum
kunnugir eins og Dísa Ijósálfur (maður klippir
ekki vængi af) eða Bláskjár (hvar á ég að byrja I)
en í grein Jónínu Leósdóttur um nostalgíu
09 yndislestur, „Aldinmauk og límonaði",
birtist sú bók sem ég hef hræðst mest en
enginn annar hefur kannast við þegar ég
hef nefnt hana. Það er bernskuskelfirinn
Blómakarfan eftir Christoph v. Schmid. Ég
get eiginlega ekki sagt nákvæmlega hvað
það var sem fór svona illa í mig enda man
ég mest eftir óstöðvandi grátkastinu sem
stoppaði mömmu í lestrinum. Líklega snerti
óréttlætið, sem aðalsöguhetjan verður fyrir
þegar hún er sökuð um glæp sem hún
framdi ekki, einhverja taug hjá miðjubarninu
sem ég er. Salka Guðmundsdóttir kitlar
einnig nostalgíuna í greininni „Þegar ég
vaknaði í Erilborg", þar sem áðurnefndir
Keli og Ormar koma mikið við sögu. Greinar
Jónínu og Sölku eru byggðar á fyrirlestrum
sem þær fluttu á bókakaffi IBBY, Nostalgía,
í janúar.
í greininni „En þá er verst, ef engin
bókin er við höndina eða ekki við þeirra
hæfi" fjallar Helga Birgisdóttir um lestur
barna, skólabókasöfn og nauðsyn þess að
stutt sé við yndislestur strax ( æsku, því að
þannig verða fullorðnir lesendur til. Anna
í Grænuhlíð er sannarlega ein af þessum
bókum sem hafa lifað með lesendum
sínum fram á fullorðinsár. Sigríður Lára
Sigurjónsdóttir og Helga Birgisdóttir reifa
sögu Önnu á Islandi í greininni „Anna í
Grænuhlíð - saga handa stúlkum". 1 Börnum
og menningu er svo að venju að finna margs
háttar umfjöllun um barnabókmenntir og
- leikhús; að auki er viðtal við Oddnýju
Sturludóttur borgarfulltrúa og formann
skóla- og frístundaráðs. Ritstjóri fór á
fund hennar og kynnti sér Biophiliu -
verkefnið, Barnamenningarhátíðina og allt
það helsta sem er á döfinni ( barnastarfi
Reykjavíkurborgar.
Að lokum óska ég öllum lesendum
gleðilegs sumars og sólríkra daga.
Helga Ferdinandsdóttir