Skessuhorn - 13.01.2021, Blaðsíða 31

MIÐVIKUDAGUR 13. jAnúAR 2021 31
Slakað verður á samkomutak-
mörkunum frá og með deginum
í dag. Íþróttaæfingar og íþrótta-
keppnir verða þá heimilar á ný að
ákveðnum skilyrðum uppfylltum.
Keppni í Domino‘s deild kvenna
í körfubolta mun þá strax hefj-
ast með heilli umferð, en liðin
hafa leikið einn til þrjá leiki síðan
keppni var hætt síðasta haust. Snæ-
fell mun taka á móti KR í Stykkis-
hólmi í kvöld kl. 19:15 og Skalla-
grímur og Valur mætast á Hlíðar-
enda kl. 20:15. Þá munu leikir í 1.
deild karla hefjast í vikunni. Föstu-
daginn 15. janúar fær Skallagrím-
ur Hamar í heimsókn í Borgarnes
kl. 19:15.
arg
Keppni í körfunni hefst
að nýju í kvöld
Kjöri Íþróttmanns Akraness var lýst
að kvöldi þrettándans við athöfn í
Frístundamiðstöðinni á Garðavöll-
um. Lýsingin fór fram með óhefð-
bundnu sniði að þessu sinni sök-
um samkomutakmarkanna. All-
ir þeir íþróttamenn sem tilnefndir
höfðu verið af íþróttafélögum sín-
um höfðu áður fengið heimsókn frá
ÍA og afhentan verðlaunagrip. Var
spiluð upptaka af þeirri heimsókn í
sjónvarpi ÍATV sem sýndi frá verð-
launaafhendingunni í beinni út-
sendingu frá Garðavöllum. Gátu
þannig allir áhugasamir fylgst með
athöfninni heima hjá sér. Á staðn-
um voru því einungis forráðamenn
ÍA, Akraneskaupstaðar og þeir þrír
íþróttamenn sem stóðu efstir í kjör-
inu.
Í þriðja sæti í kjörinu um Íþrótta-
mann Akraness varð Guðrún juli-
ane Unnarsdóttir, 16 ára fim-
leikastúlka í FIMA og landsliðs-
kona. Í öðru sæti varð jakob Svav-
ar Sigurðsson hestaíþróttamað-
ur í Dreyra, knapi ársins á Íslandi
og íþróttamaður Akraness 2019.
Íþróttamaður Akraness 2020, með
yfirburðum í kosningunni, var
Kristín Þórhallsdóttir kraftlyftinga-
kona og margfaldur Íslandsmeistari
frá Laugalandi í Borgarfirði. Krist-
ín æfir og keppir í kraftlyftingum
með Kraftlyftingafélagi Akraness,
eins af aðildarfélögum ÍA. Það var
Marella Steinsdóttir formaður ÍA
sem afhenti Kristínu verðlaun og
bikarinn stóra til varðveislu, en
Friðþjófsbikarinn var nú afhent-
ur í þrítugasta skipti, var í upphafi
gefinn til minningar um Friðþjóf
Arnar Daníelsson, afabróður Mar-
ellu. Þrír efstu í kjörinu fengu pen-
ingaverðlaun úr Minningarsjóði
Guðmundar Sveinbjörnssonar og
að auki fær Íþróttamaður Akraness
verðlaunagrip til eignar.
Þrjú félög með
Íslandsmethafa
Þrátt fyrir að nýliðið ár hafi verið
án margra stórra viðburða á sviði
íþrótta, þá afrekuðu þrjú aðildar-
félög ÍA að landa Íslandsmeistara-
titlum. Fengu þau sérstaka viður-
kenningu fyrir það og peninga-
gjöf frá Akraneskaupstað sem Bára
Daðadóttir formaður skóla- og frí-
stundasviðs afhenti. Þetta voru
Badmintonfélag Akraness, Keilu-
félag Akraness og Kraftlyftinga-
félag Akraness.
Þrettán tilnefndir
Marella Steinsdóttir sagði frá því
að þrettán íþróttamenn hafi að
þessu sinni verið tilnefndir af aðild-
arfélögum ÍA í kjöri Íþróttamanns
Akraness 2020. níu aðilar greiddu
atkvæði um það hver hlýtur titilinn
Íþróttamaður Akraness 2020; þrír
frá Akraneskaupstað, fimm frá ÍA,
einn frá Skessuhorni og tíunda at-
kvæðið var í höndum íbúa á Akra-
nesi í netkosningu eins og áður.
Hrönn Ríkharðsdóttir gjaldkeri ÍA
kynnti þá sem tilnefndir voru, en
þeir eru í stafrófsröð:
Aron Elvar Dagsson –
Körfuknattleiksmaður ársins
Brynhildur Traustadóttir -
Sundmaður ársins
Dino Hodzic-
Knattspyrnumaður Kára
Drífa Harðardóttir -
Badmintonmaður ársins
Fríða Halldórsdóttir -
Knattspyrnukona ársins
Guðrún julianne Unnarsdóttir –
Fimleikakona ársins
jakob Svavar Sigurðsson –
Hestaíþróttamaður ársins
Kristín Þórhallsdóttir –
Kraftlyftingamaður árins
Kristrún Bára Guðjónsdóttir –
Karatemaður ársins
Sigurður Þorsteinn Guðmundsson
– Keilumaður ársins
Sylvía Þórðardóttir –
Klifrari ársins
Tryggvi Hrafn Haraldsson –
Knattspyrnumaður ársins
Valdís Þóra jónsdóttir –
Kylfingur ársins.
Árangur á
heimsmælikvarða
Í umsögn dómnefndar kemur fram
að Kristín Þórhallsdóttir stimplaði
sig á liðnu ári vel og vandlega inn
á styrkleikalista Íslands í klassískum
kraftlyftingum. Hún setti 17 ný Ís-
landsmet og eftir árið standa sjö af
þeim ennþá. Árið var erfitt fyrir alla
en Kristín náði þó að halda dampi
í æfingum allt árið, uppskar eins og
hún sáði og bætti sig um 72,5 kg í
samanlögðu. Á árinu náði hún því
magnaða afreki að verða fyrst ís-
lenskra kvenna til að taka yfir 500
kg í samanlögðu og meira að segja
gerði hún enn betur og tók 510
kg. Kristín er stigahæsta klassíska
kraftlyftingakona Íslands frá upp-
hafi. Árangur hennar er því á al-
gjörum heimsmælikvarða.
Stefndi í
mikið keppnisár
Þrátt fyrir þær takmarkanir sem
hafa verið í gildi vegna Covid-19
átti Kristín gott ár. Hún byrjaði árið
2020 á Reykjavíkurleikunum þar
Kristín Þórhallsdóttir er
Íþróttamaður Akraness 2020
sem samanlagður árangur hennar á
mótinu var 437,5 kg sem var nýtt
Íslandsmet og lágmark til að kom-
ast á Heimsmeistaramót. Fyrir átti
hún einnig lágmark fyrir Evrópu-
meistaramót. „Það stefndi í mikið
keppnisár,“ sagði Kristín í viðtali
hjá ÍATV. Alþjóðleg mót voru þó
blásin af á árinu en hún náði þrem-
ur góðum mótum og lauk keppnis-
árinu á Íslandsmóti í haust þar sem
hún segist hafa náð þeim markmið-
um sem hún setti fyrir árið 2020.
Aðspurð segir hún sitt besta afrek
á árinu hafa verið hnébeygja sem
hún tók á Íslandsmótinu þegar hún
náði að beygja 200 kg, sem er sex
kg undir Evrópumetinu í hennar
þyngdarflokki. Á árinu átti hún líka
þrjár þyngstu beygjur sem íslensk
kona hefur tekið í klassískum kraft-
lyftingum.
Stefnir hátt
Í viðtalinu við ÍATV sagði Krist-
ín frá því hvernig æfingar voru á
þessu undarlega íþróttaári. Í fyrstu
bylgju faraldursins síðasta vor fékk
hún undanþágur til að geta mætt
á æfingar en eftir það var erf-
itt að fá slíkar undanþágur. Hún
setti því upp æfingaaðstöðu í hlöð-
unni heima hjá sér og segir Kraft-
lyftingafélag Akraness hafa stað-
ið vel við bakið á sér m.a. með því
að lána henni búnað. Kristín byrj-
aði fyrst að æfa kraftlyftingar í árs-
byrjun 2019 og segist enn líta á sig
sem hálfgerðan byrjanda. Hún seg-
ir það hafa verið tilviljun að hún fór
að æfa kraftlyftingar, hana langaði
að koma sér í betra líkamlegt form
í lok árs 2018 og langaði að komast
í íþrótt sem hún gæti keppt í. Hún
hafði áður prófað crossfit og kann-
aðist því við lyftingar og ákvað að
prófa að senda tölvupóst á Kraft-
lyftingafélag Akraness. „Svo kom
það mér skemmtilega á óvart hvað
ég hef átt mikið erindi inn í þessa
íþróttagrein,“ segir Kristín í sam-
tali við ÍATV. Spurð hvað taki nú
við segist hún stefna hátt fyrir HM
og EM sem haldin varða seinni
hlusta ársins.
mm/arg
Marella Steinsdóttir formaður ÍA stýrði athöfninni sem sjónvarpað var beint á vef
ÍATV.
F.v. Guðrún Juliane, Kristín og Fjóla Lind Guðnadóttir formaður Dreyra sem tók
við verðlaunum fyrir hönd Jakobs Svavars. Ljósm. mm
Kristín Þórhallsdóttir, íþróttmaður Akraness 2020.
Bára Daðadóttir afhenti íþróttafélögum viðurkenningu fyrir Íslandsmeistaratitla
á liðnu ári. Hörður Helgason tók við þeim, fyrir hönd félaganna, vegna fjöldatak-
markana sem í gildi eru.