Skessuhorn - 24.03.2021, Page 18

MIÐVIKUDAGUR 24. MARs 202118
ingar gefa ekki mikinn fyrirvara. Ég
get ekki verið að lofa mér í fæðingu
og svo kannski er ég úti á landi að
mynda þegar fæðing fer af stað,“
segir Aldís.
Líður vel á Akranesi
Árið 2011 fluttu Aldís og sindri
á Akranes þar sem þau búa enn í
dag. spurð hvernig það hafi kom-
ið til hlær Aldís og svarar því að í
grunninn hafi það einfaldlega verið
ódýrara húsnæði. „Ég ætlaði aldrei
að flytja hingað. sindri ólst upp hér
sem unglingur og foreldrar hans
búa hér. síðan við fórum að vera
saman hefur hann í gegnum árin
verið að sýna mér hús, eða íbúðir
hér á Akranesi sem vinir hans hafa
verið að kaupa. Ég tók ekki í mál
að flytja á Akranesi og sagði honum
alltaf að hætta að sýna mér þetta því
við myndum ekki flytja á Akranes.
Hann sagði við mig að við gætum
verið í flottu húsi með heitum potti
fyrir sama verð og kjallaraíbúð í
Reykjavík, en mér var alveg sama,“
segir Aldís.
„Þegar ég svo leyfði mér að
þroskast, og börnin orðin tvö, varð
það ég sem stakk upp á því að flytja
á Akranes. Fiðrildið í mér, langaði
að prófa rómantíkina sem fylgdi
því að búa aðeins fyrir utan stór-
borgina. Ég hafði ekki haft þörf
fyrir að festa rætur, eða að hugsa
of langt fram í tímann. En á þess-
um tímapunkti var eldra barnið
að byrja í skóla og ég orðin þreytt
á þessu rótleysi. Okkur líður mjög
vel á Akranesi. Hér er gott að vera
og eiga heima, stutt í náttúruna og
þvílík forréttindi að hafa Guðlaugu
og Langasand í bakgarðinum,“ seg-
ir Aldís og brosir.
Starfaði hjá Birtíngi
Árið 2014 fékk Aldís starf sem ljós-
myndari fyrir Birtíng útgáfufélag og
starfaði þar í fimm ár. „Það er enn
eitt dæmið um það hvernig hlutirn-
ir gerast af sjálfu sér. Ég var þá búin
að tala um það í nokkurn tíma að
ég væri þreytt á að vinna sjálfstætt
og langaði í níu til fimm vinnu. Þá
var haft samband við mig frá Birt-
íngi og mér boðin vinna. Þetta var
æðislegur tími,“ segir Aldís og bæt-
ir við að hún hafi lengst af verið yf-
irmaður ljósmyndadeildar Birtíngs.
„Þetta var fjölbreytt og skemmti-
legt. Þetta var samt mikil keyrsla og
maður fór úr einu verkefni í ann-
að og var alltaf á haus. Mér leið vel
þarna og lærði mikið en svo leið
mér eins og kominn væri tími fyr-
ir mig að gera eitthvað annað svo
ég gæti haldið áfram að vaxa,“ segir
Aldís sem hætti hjá Birtíngi og fór
að vinna sjálfstætt aftur árið 2019.
Aðspurð segist hún taka að sér alls-
konar myndatökur. „Ég elska tísku,
og þesslags ljósmyndun, en það er
erfiður bransi hér á Íslandi. Mér
finnst líka gaman að taka auglýsing-
ar og pæla í markaðssetningu á bak-
við herferðir. Ég hef myndað mik-
ið fyrir hana Andreu Magnúsdótt-
ur fatahönnuð, við höfum hjálpast
að síðan við byrjuðum báðar í okk-
ar bransa. Við spáum mikið í sam-
félagsmiðlum og reynum að fylgjast
með því sem er að gerast þar. Ég hef
myndað fyrir smáralindina, Gallerý
sautján, Cintamani, Nike, speedo
og fleiri. Ég mynda líka reglulega
vörur og lífstílsmyndir fyrir Bio
Effect og mynda lokaverkefni fyr-
ir MakeUp studio Hörpu Kára,“
segir Aldís. „Ég kenndi einn kúrs
í Ljósmyndaskólanum í fyrra og er
að hanna geisladisk fyrir pabba. Ég
elska að gera allskonar. Fjölbreytn-
in heldur mér gangandi. Ég myndi
bara hætta, ef ég væri alltaf að gera
það sama,“ bætir hún við.
Konur eru
konum bestar
Verkefnið Konur eru konum best-
ar byrjaði árið 2017 og er nú orð-
ið að árlegum viðburði. „Þetta
er verkefni sem ég stend að með
Andreu Magnúsdóttur, Elísabetu
Gunnarsdóttur og Nönnu Kristínu
Tryggvadóttur. Við eigum ungar
dætur og vildum gera eitthvað með
boðskap til ungra stelpna og kvenna
yfir höfuð, hvetja þær til að standa
frekar saman en að draga hvor aðra
niður,“ útskýrir Aldís. Úr varð að
þær framleiddu stuttermaboli sem
á stóð „Konur eru konum best-
ar“ og ágóði sölunnar fyrsta árið
var ein milljón sem rann óskipt til
Kvennaathvarfsins. „Okkur fannst
þetta ganga svo vel og fljótlega
ákváðum við að gera þetta aftur ári
seinna,“ segir Aldís. Næst styrktu
þær Menntunarsjóð Mæðrastyrks-
nefndar. „Þetta var málefni sem
við vissum ekki einu sinni af fyrr
en við fórum að leita,“ segir Aldís.
Eftir að hafa gert þetta tvisvar voru
þær ákveðnar í að gera þetta að ár-
legum viðburði. Árið 2019 styrktu
þær KRAFT, stuðningsfélag fyrir
ungt fólk með krabbamein og að-
standendur, um 3,7 milljónir og á
síðasta ári söfnuðu þær 6,8 milljón-
um króna fyrir Bjarkarhlíð, þjón-
ustumiðstöð fyrir þolendur ofbeld-
is af öllum kynjum. „Þetta er búið
að vera ótrúlega skemmtilegt og
við munum halda þessu áfram. Það
er gefandi að geta tekið þátt í svona
verkefni og fá að gefa af sér með
þessum hætti,“ segir Aldís.
Langar í eigið stúdíó
Eins og hjá mörgum hefur Co-
vid-19 sett strik í reikninginn hjá
Aldísi en þegar veiran kom til lands-
ins í mars á síðasta ári datt starfsem-
in hjá henni niður fyrst um sinn.
„Það var bara hætt við allar tökur
á einu bretti og maður varð bara
pínu hræddur. Hvað má, og hvað
má ekki, og hvernig á maður samt
að redda sér. Hægt og rólega lær-
ir maður og núna loksins eru hjól-
in farin að snúast aftur. Mér finnst
verkefnin koma í törnum, allir fara
varlega og eru að gera sitt besta. Ég
hef ekki haft fast stúdíópláss síðasta
árið, hef leigt mig inn í Reykjavík
ef þess þarf. En mig langar mik-
ið að geta verið með starfsstöð hér
á Akranesi,“ segir Aldís. „Það er
draumurinn að geta verið með mína
eigin yfirbyggingu, stúdíó sem ég
get verið stolt af. Ef ég leyfi mér að
dreyma lengra, sé ég fyrir mér um-
boðsskrifstofu eða deilistúdíó fyrir
fleiri í mínum bransa. Jafnvel boðið
uppá námskeið, eða skóla einhvern
tímann í framtíðinni,“ segir Aldís.
„Ég hef velt því fyrir mér, hvort slík
starfsemi væri ekki skemmtileg hér
á Akranesi. Ég gæti þá fengið mín
verkefni hingað. Ég er ennþá að spá
og spekúlera í þessu. Leyfi mér að
dreyma stórt! Kannski, núna þegar
ég er búin að henda þessu út í kos-
mósið kemur þetta til mín, og ger-
ist að sjálfu sér,“ segir Aldís Páls-
dóttir ljósmyndari að endingu.
arg/ Ljósm. Aldís Pálsdóttir
Úr tískuljósmyndun.
Aldís hefur ásamt öðrum konum staðað fyrir verkefninu „Konur eru konum bestar
síðan“ síðan árið 2017.
„Ég elska tísku, og þesslags ljósmyndun.“
Úr myndatöku fyrir Cintamani.
Aldís tekur m.a. myndir fyrir Nike.