Skessuhorn - 24.03.2021, Blaðsíða 22

MIÐVIKUDAGUR 24. MARs 202122
Unnið er að undirbúningi Barna-
menningarhátíðar sem hald-
in verður á Akranesi nú á vordög-
um. Frumkvæði að hátíðinn er hjá
Hönnu Þóru Guðbrandsdóttur og
Köru sól samúelsdóttur en þær eru
verknámsnemar í Viðburðarstjór-
nun í Háskólanum á Hólum. Það
er Akraneskaupstaður í samstarfi
við samtök sveitarfélaga á Vestur-
landi sem standa fyrir barnamenn-
ingarhátíð fyrir börn og ungmenni
á Akranesi dagana 28.-30. apríl.
Vettvangur hátíðarinnar er bær-
inn allur og leitast er við að nýta
spennandi og áhugaverð rými þar
sem fjölbreyttir viðburðir fara fram
um allan bæ.
„Markmið barnamenningarhá-
tíðar er að efla menningarstarf fyrir
börn og ungmenni. Og að gera hana
aðgengilega fyrir öll börn. Barna-
menningarhátíð er vettvangur þar
sem þátttaka barna og ungmenna
er lykilatriðið og lögð er áhersla á
menningu barna, með börnum og
fyrir börn. Menning getur verið svo
margt og eru börn sérstaklega hug-
myndarík og svo gaman að sjá hvað
þau geta búið til margt skemmtileg
með hugmyndarfluginu. Menn-
ing er ekki bara eitthvað sem við
tengjum við myndlist eða tónlist.
Hún getur einnig tengst íþróttum
barna. Og er það einn vinkillinn
á þessa hátið en við viljum hvetja
íþróttafélögin að taka við sér og
gera eitthvað skemmtilegt þessa
daga. Akranes hefur oft verið kall-
aður íþróttabærinn Akranes og er
það því ákveðin menning sem börn
fá að njóta hér,“ segja þær Hanna
Þóra og Kara sól.
„Barnamenningarhátíðin verður
skemmtileg hátíð með fjölbreyttri
afþreyingu og skemmtilegri dag-
skrá fyrir öll börn og ungmenni,“
segja þær Hanna Þóra og Kara sól
en þær eru verkefnastjórar hátíðar-
innar í ár en undirbúningur að há-
tíðinni er hluti af þeirra námi og
vinnu í nánu samstarfi við Akranes-
kaupstað. „Við hvetjum alla sem
starfa með börnum að virkja þau til
að taka þátt hvort sem það er að búa
til einhvern viðburð, listsýningu
eða einfaldlega að koma og vera
áheyrandi/horfandi. Við viljum að
lokum vekja athygli á ljósmynda-
keppni sem skessuhorn ætlar að
standa fyrir í samstarfi við hátíðina.
Keppnin er fyrir börn á öllum aldri
og er yfirskrift keppninnar ,,Nátt-
úran að vori.“ Myndunum skal skila
inn á .jpg formati á skessuhorn@
skessuhorn.is fyrir 20. apríl næst-
komandi. Dómnefnd á ritstjórn
skessuhorns mun velja myndir í 1.,
2. og 3. sæti og eru peningarverð-
laun 15, 10 og 5 þúsund krónur. Þá
verða einnig tekin viðtal við þau
börn sem vinna og myndirnar og
viðtalið birt í skessuhorni miðviku-
daginn 28. apríl 2021.
„Full mótuð dagskrá verður svo
kynnt síðar þar sem við vinnum
hörðum höndum við að móta hana.
Það er mjög spennandi að fá að taka
þátt í þessu verkefni og erum við
vongóðar um að bæjarfélagið taki
við sér og geri þessa daga skemmti-
lega og áhugaverða fyrir börnin
þrátt fyrir stuttan fyrirvara. Ef ein-
hvern tímann er þörf á að brjóta
upp dagana hjá börnunum þá er
það á þessum fordæmalausu tím-
um Covids. Ef það eru einhverja
spurningar eða ef ykkur langar að
taka þátt í hátíðinni með einhvern
viðburð sendið þá tölvupóst á net-
fangið mannlif@akranes.is“ segja
þær Hanna Þóra og Kara sól.
mm
Allt frá því Covid-19 veiran kom
upp hér á landi hefur starfsemi
Fornbílafjelags Borgarfjarðar í
Brákarey verið í lágmarki. Núver-
andi reglur um samkomutakmark-
anir gilda til 9. apríl en í þeim segir
m.a. að hámarksfjöldi einstaklinga
í sama rými sé 50 með ákveðnum
takmörkunum, bæði í opinberu
rými og í einkarými. Þetta gerir það
að verkum að hátíðarhöldum vegna
tíu ára afmælis félagsins hefur verið
slegið á frest, en afmælisdagurinn
er í dag, 24. mars. Félagsmenn eru
rúmlega 200 í dag og reiknar skúli
G. Ingvarsson formaður félagsins
með því að fleiri en 50 hefðu vilj-
að koma saman og samgleðjast á
þessum tímamótum. „stjórnin hef-
ur því ákveðið að ekki verði boðað
til fagnaðar á afmælisdaginn sjálfan.
Við tökum ákvörðun um dagsetn-
ingu þegar fyrir liggur með þær
reglur sem taka gildi eftir 9. apríl,“
segir skúli.
Eins og mörgum er kunnugt var
öllu húsnæði Borgarbyggðar að
Brákarbraut 25 og 27 lokað í febrú-
ar með skömmum fyrirvara. Fram
kemur í bréfi skúla til félagsmanna
að úttekt frá Húsnæðis- og mann-
virkjastofnun liggi fyrir og í fram-
haldi af því hafi sveitarfélagið sam-
ið við Verkís um úttekt á húsnæð-
inu og kostnaðarmat á þeim lag-
færingum sem þarf að fara í til að
það uppfylli þær kröfur sem byggja
á lögum um brunavarnir og skil-
mála byggingareglugerðar. Vinnu
við úttekt á að ljúka föstudaginn 26.
mars. „Í kjölfar þess getur sveitarfé-
lagið, í samráði við leigjendur, tek-
ið ákvörðun um hvort og þá með
hvaða hætti húsnæðið verði lag-
fært. Þegar skýrslurnar liggja fyrir
mun verða boðað til fundar með
leigjendum í húsnæðinu og fara
yfir möguleikana í stöðunni,“ seg-
ir skúli. Hann bætir við að komið
hafi upp sú hugmynd af sameina
afmælisfagnað félagsins og aðal-
fund sem halda skal fyrir lok apríl
ár hvert. samkomutakmarkanir þá
munu segja til um hvort það verður
framkvæmanlegt.
mm
Vinna við mótun menningarstefnu
Vesturlands 2021-2025 er nú í full-
um gangi. Verkefnið er á vegum
samtaka sveitarfélaga á Vesturlandi
(ssV) en sérstakt fagráð, samsett af
aðilum tilnefndum af sveitarfélög-
unum á Vesturlandi, auk fjögurra
fagaðila úr menningartengdum at-
vinnugreinum hefur verið skipað til
að stýra stefnumótuninni. Til við-
bótar við þann hóp hefur öflug-
um aðilum sem starfa á sviði list-
og menningargreina á Vesturlandi
verið boðið að taka þátt í pallborðs-
umræðum á opnum fundum sem
sendir verða út rafrænt á Facebo-
oksíðu ssV.
Menningarstefnan skiptist í fimm
kafla/hluta og því verða haldnir
fimm opnir fundir rafrænt:
Menningaruppeldi mánudaginn
29. mars, kl 20:00-21:00
Listir miðvikudaginn 31. mars,
kl 20:00-21:00
Nýsköpun þriðjudaginn 6. apríl,
kl 20:00-21:00
Menningararfur fimmtudaginn
8. apríl, kl 20:00-21:00
Samvinna þriðjudaginn 13. apríl,
kl 20:00-21:00
Allir fundir fara fram með fjar-
fundabúnaði og verður streymt
í gegnum Facebooksíðu ssV. Á
hverjum fundi munu 3-4 sitja í
pallborði en sigursteinn sigurðs-
son verkefnastjóri, mun stýra fund-
unum. Allir þátttakendur munu
geta tekið þátt í umræðum með því
að senda inn spurningar/ábend-
ingar á skriflegu formi á meðan
fundi stendur. Afrakstur fundanna
mun fagráð nota til grundvallar við
stefnumótunina.
Menningarstefna Vesturlands var
fyrst samþykkt árið 2016 var í gildi
til 2019. stefnan er aðgerðarmiðuð
áætlun í að efla menningarlíf lands-
hlutans á breiðu sviði, t.d. er varðar
menningaruppeldi, nýsköpun í listum
og samvinnu.
Eldri menningarstefna verður nú
tekin til endurskoðunar, breytt og
bætt þannig að hún sé í samræmi við
aðrar gildandi stefnur og áætlanir svo
sem byggðaáætlun ríkisstjórnarinnar
og sóknaráætlunar, en verkefnið er
áhersluverkefni sóknaráætlunar Vest-
urlands.
Fagráðið skipa: Ása Líndal Hinriks-
dóttir, Bjarnheiður Jóhannesdóttir,
Dagbjört Dúna Rúnarsdóttir, Eygló
Bára Jónsdóttir, Heiðar Mar Björns-
son, Jóhannes Eyberg, Kári Viðars-
son, María Neves, Ólafur Páll Gunn-
arsson, Ragnheiður Valdimarsdóttir,
sigrún Þormar, sigþóra Óðinsdóttir
og Þorgrímur Einar Guðbjartsson.
„Við hvetjum alla áhugasama til
að fylgjast með og taka þátt í um-
ræðunni. slóð inn á fundina verður
auglýst þegar nær dregur,“ segir í til-
kynningu. mm
Barnamenningarhátíð á
Akranesi í lok apríl
Fresta hátíðarhöldum vegna
tíu ára afmælis Fornbílafjelags
Menningarstefna Vesturlands 2021-2025 í mótun
Sigursteinn Sigurðsson menningarfulltrúi Vesturlands mun stýra opnum fundum um stefnumótun í menningarmálum.