Skessuhorn - 21.04.2021, Síða 4

MiðVikudAGur 21. ApríL 20214
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.877 krónur með vsk. á mánuði. Elli- og örorkulífeyrisþegar greiða
kr. 3.348. Rafræn áskrift kostar 3.040 kr. Rafræn áskrift til elli- og örorkulífeyrisþega er 2.800 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Finnbogi Rafn Guðmundsson frg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Fjölgar á fæðingadeildinni
Það hefur löngum verið sagt að það skiptast hratt á skin og skúrir. Síðast-
liðinn fimmtudag birtum við frétt þess efnis að ísland væri eitt Evrópu-
landa „grænt“ í þeim skilningi að Sóttvarnastofnun Evrópu sagði að land-
ið væri það eina í álfunni þar sem nýgengi kórónuveirusmita væri innan
við 25 á hverja hundrað þúsund íbúa. Nú um helgina og í byrjun vikunnar
varð ljóst að skúraskýin voru tekin að hrannast upp. Hópsmit voru greind
í fiskvinnslu og svo á leikskóla, síðan fleiri skólum og sjálfsagt víðar í ljósi
þess að ein af dreifileiðunum var bar í miðborginni. Sóttvarnayfirvöld segja
að smitið megi rekja til einstaklinga sem komu hingað til lands um síðustu
mánaðamót og virtu ekki skimunarsóttkví, þessa fimm skitnu daga sem fólk
á að halda sig fjarri öðrum milli þess sem það er skimað fyrir veirunni. Vís-
vitandi kæruleysi sem leitt hefur til þess að nú hafa hundruð fjölskyldur
verið sendar í sóttkví, þúsundir þurfa að fara í sýnatöku, fjöldi fólks er að
veikjast og vafalítið má búast við því að enn einn ganginn verði samkomu-
takmarkanir hertar.
Ljósið í myrkrinu nú, í samanburði við fyrri bylgjur faraldursins, er sú
staðreynd að búið er að bólusetja elsta og veikasta fólkið auk þeirra sem
standa í framlínu heilbrigðisstétta og viðbragðsaðila. Við sem yngri erum
bíðum þess nú með óþreyju að röðin komi að okkur. Líklega er þetta í
fyrsta skipti sem maður hefði óskað þess að kennitalan væri eldri. Fyrir
mína parta get ég nefnilega vel viðurkennt að ég hef aldrei áður látið mig
hlakka til að fá sprautu. Nú hins vegar get ég varla talið niður dagana þar til
kemur að mínum árgangi í röðinni. reyndar er ég dáldið stoltur yfir því að
mín veikindi eru sennilega ekki í spjaldskrám heilbriðgðisstofnana flokkuð
sem alvarlegur undirliggjandi sjúkdómur. Eitt hjartaslag er eitthvað sem
ég persónulega flokka sjálfur ekki sem alvarlega sjúkdóma enda hef ég ekki
fundið fyrir nokkrum krankleika eftir að stíflaða kransæðin var blásin út og
fóðruð hérna um árið. Eftir þær hremmingar er ég einn af þeim sem ber
takmarkalausa virðingu fyrir heilbrigðiskerfinu okkar. Þar vinnur fólk sem
leggur sig fram um fagmennsku og vinnusemi og verð ég síðastur manna
til að hallmæla því.
í ljósi þeirrar virðingar er ég hundfúll út í þessa einstaklinga sem ekki
gátu haldið sig fjarri öðru fólki í fimm daga eftir komuna hingað til lands.
Finnst eins og þetta fólk eigi að skammast sín, hafandi breitt veiruna út
á nýjan leik í okkar fallega og bráðum fyrrum „græna“ landi. Ég er líka
dálítið hugsi yfir lögmönnunum sem tóku það að sér að verja allri páska-
helginni í skyndilögsókn fyrir dómstólum, í málum sem höfðuð voru gegn
stjórnvöldum sem voru að gera sitt besta við að hafa vit fyrir fólki, í þágu
heilbrigðis þjóðarinnar. Þessir örfáu kverúlantar nýkomnir frá útlöndum
gátu ekki unað því að dvelja fimm daga á fjögurra stjörnu hóteli í reykja-
vík á kostnað ríkisins. Sjálfur hef ég gist á þessu hóteli og hefði ekki haft
neitt á móti því að vera þar nokkra daga í viðbót, ekki síst ef einhver annar
borgaði. Fólkið sem höfðaði málið, ásamt lögfræðingum þess, vann sigur
um páskana. En var þetta raunverulegur sigur? Er það einhvers konar sigur
að eiga þátt í því að nú er veirufjandinn laus enn eina ferðina. Spyrji hver
fyrir sig.
Eitt mest lesna efnið í Skessuhorni frá fyrstu árum útgáfunnar hefur ver-
ið nýburasíðan. Myndir og frásögn af blessuðum litlu börnunum sem koma
í heiminn, flest á fæðingadeildinni á Akranesi. í nýliðinni viku voru börn-
in óvenjulega mörg. Hverju sætir? Jú, fyrir á að giska níu mánuðum hófst
þriðja bylgja kóvid. Fólk virðist því hafa haldið heim og hlúð vel hvert að
öðru, óvenju vel! Einmitt það sama gerðist árið 2009 þegar efnahagskrepp-
an hafði gert fólk óttaslegið. rannsóknir hafa nefnilega sýnt að aðsteðjandi
ógn leiðir til þess að fólk þjappar sér meira saman en það er vant. kenning
mín er því sú að í ljósi síendurtekinna bylgja af kóvid verður þetta ár býsna
litríkt á fæðingadeildinni. Sem er náttúrlega frábært, því eftir því sem fleiri
Vestlendingar fæðast, því betri verður heimurinn.
Magnús Magnússon
Síðdegis í gær var fyrsta skóflu-
stungan tekin að nýju 31 íbúðar
fjölbýlishúsi Leigufélags aldraðra
hses. við dalbraut 6 á Akranesi, á
lóðinni þar sem vöruhús ÞÞÞ stóð
áður. Það var Bragi Þórðarson
heiðursborgari Akraneskaupstað-
ar sem tók fyrstu stunguna en auk
hans bæjarfulltrúar, bæjarstjóri og
formaður Leigufélagsins. í húsinu
verður bílakjallari, 22 tveggja her-
bergja íbúðir og níu þriggja her-
bergja íbúðir. Áætlað er að íbúðirn-
ar verði tilbúnar til útleigu á þriðja
ársfjórðungi 2022, en Snókur ehf
byrjar jarðvegsframkvæmdir í dag.
Leigufélag aldraðra er húsnæðis-
sjálfseignarstofnun sem byggir
hagkvæmar íbúðir til útleigu fyrir
eldri borgara og starfar samkvæmt
lögum um almennar íbúðir. Lög-
in gera ráð fyrir bæði hagkvæmni
í byggingu en einnig stofnfram-
lögum frá ríki og sveitarfélagi til
að leiga verði hagstæðari en ella.
Lögin gera sömuleiðis ráð fyrir
ákveðnum viðmiðunum í tekjum
og eignum hjá væntanlegum leigj-
endum.
„Samstarf Leigufélagsins og
Akraneskaupstaðar við undir-
búning þessa verkefnis hefur ver-
ið mjög gott,“ segir Sævar Freyr
Þráinsson bæjarstjóri. „Stjórnend-
ur bæjarins hafa frá byrjun lagt
áherslu á að heimamenn kæmu
sem mest að framkvæmdum og
Leigufélagið hefur kappkostað að
verða við þeim óskum. Nefna má
nokkra aðila af staðnum sem taka
þátt. Alhönnun, Snókur, BM Vallá,
rafpró og Ylur eru fyrirtæki sem
nú þegar hefur verið samið við en
líklegt er að fleiri bætist í hópinn.
Þá má einnig geta þess að Leigu-
félagið er að hefja byggingu á 51
íbúð við Vatnsholt 1-3 í reykjavík
en þar koma einnig við sögu aðilar
af Akranesi við byggingu þess húss.
Hér er því um gríðarlega mikla at-
vinnusköpun að ræða fyrir iðnaðar-
menn í bæjarfélaginu,“ segir Sæv-
ar. Hann bætir því við að samtals
hefur Leigufélagið samið við fyrir-
tæki og iðnaðarmenn frá Akranesi í
þessum tveimur verkum fyrir hátt í
tvo milljarða króna.
453 íbúðir í byggingu
„Með þessari uppbyggingu er tekið
enn eitt skrefið í aðgerðum Akra-
neskaupstaðar til viðspyrnu vegna
Covid-19 faraldursins sem sam-
þykktar voru af bæjarstjórn í apríl
2020. Nú erum við að sjá bara í
þessu eina verkefni hátt í tvo millj-
arða króna þar sem rúmur helm-
ingur þeirrar fjárhæðar skilar sér
í atvinnu á Akranesi. Jafnframt er
ánægjulegt að sjá þá miklu upp-
byggingu sem á sér stað á Akranesi
en mér telst til að 453 íbúðir fyr-
ir kaupenda- eða leigjendamarkað
séu í byggingu eða að fara í bygg-
ingu á lóðum sem hefur verið út-
hlutað síðustu mánuði og misseri.
Þó langstærsti hluti þessara íbúða
sé á kaupendamarkaði er ánægju-
legt að sjá að Leigufélag aldraða
sjái tækifæri í að byggja á Akranesi
þar sem fólk getur verið í leiguhús-
næði án þess að þurfa að óttast að
vera sagt upp leigunni,“ segir Sæv-
ar Freyr Þráinsson bæjarstjóri.
Ólafur Örn ingólfsson formaður
stjórnar Leigufélags aldraðra hses.
sagðist við þetta tilefni vilja koma
á framfæri þökkum fyrir gott og
árangursríkt samstarf við stjórn-
endur bæjarins sem hafi kappkost-
að að afgreiða öll mál hratt og fag-
mannlega. „Ef frekari verkefni
væru í boði myndum við með mik-
illi ánægju taka þátt í þeim,“ sagði
Ólafur Örn. mm
Starfsmenn Almennu umhverfis-
þjónustunnar í Grundarfirði voru
önnum kafnir þegar fréttaritari
kíkti niður á höfn á mánudaginn
til að athuga með ganginn í fram-
kvæmdunum sem þar eru í gangi.
Þar var verið að setja niður rör fyr-
ir lagnir en nú styttist í að platan
verði steypt í vor.
tfk
Fyrsta skóflustunga að fjölbýlishúsi
Leigufélags aldraðra á Dalbraut 6
Fyrsta skóflustungan var tekin síðdegis í gær í björtu en köldu veðri. Á myndinni eru f.v. Ólafur Örn Ingólfsson formaður
stjórnar Leigufélags aldraðra hses, Valgarður Lyngdal Jónsson forseti bæjarstjórnar, Ólafur Adolfsson bæjarfulltrúi, Elsa
Lára Arnardóttir formaður bæjarráðs, Sævar Freyr Þráinsson bæjarstjóri og Bragi Þórðarson heiðursborgari Akraness.
Hafnarframkvæmdir í Grundarfirði
Þeir Aðalgeir
Vignisson og
Marinó Ingi
Eyþórsson passa
að efnið fari vel
yfir lagnarörin.