Skessuhorn - 21.04.2021, Blaðsíða 14

MiðVikudAGur 21. ApríL 202114
Anna Hildur Hildibrandsdótt-
ir hefur verið ráðin í 50% starf við
Háskólann á Bifröst þar sem hún
mun leiða verkefni tengd skap-
andi greinum. „Háskólinn á Bifröst
hefur boðið upp á nám á meist-
arastigi í menningarstjórnun (MA
og MCM) í meira en 20 ár. dip-
lómanámi í skapandi greinum var
hleypt af stokkunum haustið 2020
og næsta haust verður svo boðið
upp á BA nám í faginu. Námsbraut-
in er sniðin fyrir þá sem vilja öðl-
ast innsýn og skilning á starfi fram-
leiðenda, verkefnastjóra, umboðs-
manna, útgefenda, sýningastjóra,
listrænna stjórnenda, framkvæmda-
stjóra, frumkvöðla og brautryðj-
enda í hinum margvíslegu menn-
ingar- og hugverkagreinum sem
sameinast undir skilgreiningunni
skapandi greinar. Einnig verður
unnið að því að koma á fót rann-
sóknarsetri skapandi greina,“ segir
í tilkynningu frá skólanum.
Anna Hildur segir að ákveðinn
draumur hjá sér verði að veruleika
í þessu starfi: „Ég hef lengi brunnið
fyrir því að við eignumst nám fyr-
ir þá sem vilja starfa í framleiðslu-
og dreifingarferli skapandi greina.
Ég nota hugtakið skapandi greinar
sem samheiti yfir atvinnu- og við-
skiptalíf sem tengist listsköpun og
menningu. Það er svo mikil gróska
á íslandi, alveg sama hvort við ber-
um niður í tónlist, kvikmyndum,
leiklist, hönnun, tísku, tölvuleikj-
um eða hvers kyns upplifun, af-
þreyingu, fjölmiðlun og nýmiðl-
un. Margir einstaklingar hafa náð
undraverðum árangri og opnað
dyr á alþjóðavísu. Við viljum miðla
þekkingunni sem hefur orðið til
og stuðla þannig að nýliðun. Það
er líka spennandi að geta unnið að
stofnun rannsóknarseturs skapandi
greina í þessu samhengi. Ég mun
einbeita mér að því að efla samtal
á milli háskólanna, samráðsvett-
vangs skapandi greina og Banda-
lags íslenskra listamanna því okk-
ur bráðvantar bæði akademískar og
hagnýtar rannsóknir á þessum ört
vaxandi atvinnuvegi,“ segir Anna
Hildur.
Anna Hildur er kvikmyndagerð-
arkona sem starfaði um 20 ára skeið
í tónlistargeiranum. Hún leiddi
uppbyggingu Útflutningsskrifstofu
íslenskrar tónlistar og NOMEX
sem er norrænt samstarfsverkefni
um tónlistarútflutning. Hún leiddi
einnig vinnuna við kortlagningu
og skýrslu um hagræn áhrif skap-
andi greina sem kom út árið 2011.
Hún mun áfram sinna kvikmynda-
gerð samhliða störfum sínum fyrir
Háskólann á Bifröst. Fyrsta heim-
ildamyndin hennar í fullri lengd
sem nefnist A Song Called Hate og
fjallar um Eurovisiongjörning Hat-
ara árið 2019 var tilnefnd til tveggja
Edduverðlauna 2021. Anna Hild-
ur er með BA-próf í íslensku og
kennsluréttindanám frá Hí. Hún
tók MA í útvarpsvinnu frá Lund-
únaháskóla með áherslu á útvarps-
leikhús. Hún hefur búið og starfað í
Bretlandi undanfarin 30 ár en flutti
nýverið til íslands. mm
Síðastliðinn föstudag var starfs-
dagur í Laugargerðisskóla í Eyja-
og Miklaholtshreppi og börn því
heima. Eins og fram kom í frétt
í síðasta Skessuhorni ríkir mikil
óvissa um framtíð skólahalds vegna
rakavandamála í húsnæði og gruns
um heilsuspillandi myglu. Á fundi
hreppsnefndar 13. apríl var ákveðið
vegna hækkandi rekstrarkostnaðar
við skólann og rakavandamála í hús-
næði að varpa ákvörðun um fram-
tíð skólahalds til starfsfólks. í álykt-
un hreppsnefndar sagði: „Hrepps-
nefnd samþykkti samhljóða að um
leið og starfandi skólastjóri staðfest-
ir við oddvita að grunur sé um veik-
indi barna og starfsfólks tengt hús-
næði skólans verði skólanum lokað
og börnum ekið í Lýsuhól.“
Almennir starfsmenn Laugar-
gerðisskóla sendu í framhaldi af
starfsmannafundi á föstudaginn
frá sér opið bréf vegna skólamála í
Eyja- og Miklaholtshrepp. Bréfið er
svohljóðandi:
„Starfsfólk í Laugargerðisskóla
vill með þessu bréfi lýsa opinber-
lega yfir vonbrigðum sínum á ófag-
legum vinnubrögðum sveitarstjórn-
ar Eyja- og Miklaholtshrepps, sem
einkennast af vanrækslu viðhalds og
launung upplýsinga. Allt það ferli
sem nú hefur átt sér stað, og hef-
ur leitt til þeirra stöðu sem uppi er
í dag, einkennist af samskipta- og
virðingarleysi gagnvart skólanum
sjálfum, nemendum, starfsfólki og
þorra íbúa í Eyja- og Miklaholts-
hreppi.
undanfarin þrjú ár hefur skóla-
stjóri Laugargerðisskóla ítrekað
haft samband við sveitastjórn og
lýst yfir áhyggjum sínum á ástandi
húsnæðisins vegna skemmda, raka
og sýnilegrar myglu. Eins og fram
hefur komið hefur því ekki verið
svarað eða sinnt. Starfsfólk skólans
hefur á undanförnum mánuðum
lýst yfir miklum áhyggjum af heilsu
sinni og nemenda sem hefur nú leitt
af sér að bæði starfsmaður og nem-
andi hafa fengið læknisvottorð upp
á heilsubrest sem rekja mætti til
ástands húsnæðisins í Laugargerði.
Starfsfólk hefur margoft óskað
eftir að funda með sveitarstjórn og
fá niðurstöður úr sýnatökum um
myglu, sem þegar hafa verið gerðar.
Öllum þeim köllum eftir upplýsing-
um hefur verið svarað með afvega-
leiðandi og misvísandi skilaboðum
ásamt því að öllum beiðnum um
fundi hefur verið frestað, af ýmsum
ástæðum. Nú síðast í morgun frest-
aði oddviti því aftur að funda með
starfsfólki um málið. Þrátt fyrir að
staðan sé orðin sú að seint í gær-
kveldi var ákveðið af sveitarstjórn
að nemendur myndu ekki mæta
til skóla í dag og þar af leiðandi er
þetta mál komið langt fram yfir það
að samtal þurfi að eiga sér stað.
Helsta upplýsingaveita starfsfólks
skólans um málið hefur verið í gegn-
um grein sem skrifuð var í Skessu-
horn 14. apríl 2021. Þar komu fram
upplýsingar sem hafði verið kallað
eftir af starfsfólki en voru ekki veitt-
ar og því mikið áfall að fá þær svo
með þessum hætti en ekki í gegnum
samskipti beint milli sveitarstjórnar
og starfsfólks skólans eins og eðli-
legt væri.
Starfsfólk vill því að lokum ítreka
vonbrigði sín með þá stöðu sem upp
er komin. Laugargerðisskóli hef-
ur undanfarin ár verið með öflugt
skólastarf sem einkennist af fjöl-
breyttum kennsluaðferðum, ein-
staklingsmiðuðum markmiðum
fyrir fjölbreyttan nemendahóp og
góðu samstarfi starfsmanna. ungt
fólk hefur bæst í starfsmannahópinn
og flutt í hreppinn með þá framtíð-
arsýn að búa hér, sinna starfi sínu af
heilindum og standa vörð um þetta
hjarta og fjöregg sem barnaskólar
eru í hverju samfélagi. En því mið-
ur hefur það farið svo að þetta góða
starf hefur verið leyst upp og kæft
niður af þeirri vanrækslu, valdníðslu
og starfsháttum sem hafa viðgengist
í sveitarstjórn Eyja- og Miklaholts-
hrepps.“ undir bréfið ritar starfs-
fólk í Laugargerðisskóla.
mm
Stjórn Sóknaráætlunar Vesturlands
hefur ákveðið að styðja við við-
burðadagskrá á Vesturlandi 2021.
Þetta verkefni er unnið í framhaldi
af svipuðu verkefni sem hleypt var
af stokkunum með stuttum fyrir-
vara á síðasta ári og skipti miklu
máli fyrir viðburðahald á Vestur-
landi sumarið 2020.
„Við trúum því að nú fari að létta
„kóvinu“ en vegna Covid-19 hefur
kreppt verulega að bæði hjá aðilum
sem starfa í menningu og listum og
einnig hjá ferðaþjónustuaðilum.
Verkefninu er því ætlað að styðja
bæði við skapandi greinar og lista-
fólk á Vesturlandi en einnig að efla
menningarstarf og listviðburði til
að laða fólk að landshlutanum og
styðja þannig við ferðaþjónustu á
svæðinu og bæta lífsgæði íbúa sem
geta notið viðburðanna,“ segir í til-
kynningu frá Sóknaráætlun Vestur-
lands.
Verkefnið er sett upp sem sam-
starfsverkefni en ekki styrktarsjóð-
ur þar sem þeir sem hafa áhuga á
að setja upp einsskiptis viðburð á
Vesturlandi geta óskað eftir sam-
starfi við SSV og Markaðsstofu
Vesturlands (MSV) varðandi það
viðburðahald. Samstarfið felst í því
að MSV skráir viðburðinn í við-
burðadagatal Vesturlands og kynn-
ir hann á sínum miðlum. En einnig
er hægt að óska eftir fjárframlagi til
viðburðahaldsins í samstarfssamn-
ingnum. Stýrihópur SSV/MSV
um viðburðadagskrá á Vesturlandi
2021 mun fjalla um öll verkefni
sem óskað er eftir samstarfi um og
gera tillögu að samstarfssamningi
vegna þeirra viðburða sem falla að
þessu verkefni. „Hvort sem aðili
starfar í skapandi greinum, ferða-
þjónustu eða vill bara leggja sitt að
mörkum inn í viðburðadagskrána á
Vesturlandi að þá getur hann fyllt
út beiðni um samstarf þar sem gerð
er grein fyrir þeim viðburði sem
viðkomandi vill standa fyrir. Tillag-
an er þá tekin til umfjöllunar inn í
viðburðadagskrár teymi SSV/MSV
þar sem tekin er ákvörðun varðandi
mögulegt samstarf um viðburðinn.
Nánari upplýsingar um við-
burðaskrá má finna á vef SSV.
mm
Anna Hildur ráðin fagstjóri
skapandi greina á Bifröst
Styðja við viðburðadagskrá
á Vesturlandi
Opið bréf frá starfsfólki Laugargerðisskóla