Skessuhorn - 21.04.2021, Side 25

MiðVikudAGur 21. ApríL 2021 25
Sérfræðingar í uppsetningu
og viðhaldi loftræstikerfa!
Eigum allar helstu pokasíur á lager•
Veitum ráðgjöf og gerum tilboð•

www.blikkgh.is
blikkgh@blikkgh.is
Akursbraut 11b • 431-2288
Laugardaginn 24. apríl
flytur Jón Guðmundsson garðyrkjufræðingur
fyrir lesturinn Nytjagarðurinn - fer yfir helstu
nytjaplönur í görðum eins og matjurtir og
kryddplöntur, ávexti og ber.
Fyrirlesturinn verður í Svöfusal og hefst
kl. 11:30. Hægt er að fylgjast með í streymi
frá Facebook síðu Bókasafnsins og setja
spurningar þar inn.
Fjöldi gesta í sal fer eftir gildandi
fjöldatakmörkunum.
SÍÐASTA LAUGARDAGSOPNUN AÐ SINNI!
Sumarafgreiðlsutími er frá 1. maí – 30. sept.
og þá fellur niður laugardagsopnun.
Opið: Mánudaga – föstudaga kl. 10–18
(sjálfsafgreiðsla kl. 10–12)
Facebook:
Bókasafn Akraness
Þau Þórarinn Svavarsson og Hjör-
dís Geirdal, bændur á Tungufelli í
Lundarreykjadal, standa í stórræð-
um þessi misserin. Þau eru að byggja
hótel á næstu jörð við Tungufell, ið-
unnarstöðum. Hótelið sem hefur
fengið nafnið Basalt hótel verður 26
herbergja auk 50 manna veislusal-
ar. Hótelið verður í þremur megin
byggingum, tvær herbergjaálmur og
veitingasalur. Önnur herbergjaálm-
an og veitingasalurinn eru nú risin
og er verið að vinna við frágang inn-
anhúss. Tvö herbergi í hvorri álmu
eru hönnuð með hjólastóla í huga en
þau geta einnig nýst sem fjölskyldu-
herbergi.
Þau hjónin ákváðu strax í upphafi
að stíga varlega til jarðar og ef hót-
elið fer vel af stað munu þau fljót-
lega hefja framkvæmdir við síðari
herbergjaálmuna. Framkvæmdir
við hótelið hófust í maí 2019 þegar
sökklar voru settir niður. Nú tæpum
tveimur árum síðar hillir undir verk-
lok en að sögn hjónanna er ætlun-
in að opna hótelið fyrir gestum ekki
síðar en síðsumars.
Fædd og uppalin í
Reykjavík
Þórarinn og Hjördís eru bæði fædd
og uppalin í reykjavík. Þau fluttu á
Tungufell fyrir tuttugu árum, árið
2001. Ekki leið á löngu þar til Þór-
arinn komst að því að langamma
hans hefði búið á Tungufelli þeg-
ar hún var ung. Jafnframt að hann
á ættingja á nokkrum bæjum í daln-
um. „Hér á maður frændfólk á ann-
arri hverri jörð,“ segir Þórarinn.
Þau hjónin stunda skógrækt og má
segja að búið sé að full-gróðursetja á
Tungufelli. „Það er samt alltaf hægt
að finna stað fyrir tré,“ segir Hjördís.
Einnig hafa þau að sögn Hjördísar
prófað ýmislegt; kindur, kálfa, svín
og fleira en að það hafi verið meira
fyrir ánægjuna og frystikistuna.
Fyrir nokkrum árum voru iðunn-
arstaðir síðan auglýstir á uppboði.
Þau hjónin gerðu tilboð og fengu
jörðina. Þau hafa eins og áður sagði
lagt í mikla uppbyggingu á jörð-
inni og hyggjast halda því áfram.
Þau ætla að gróðursetja eitthvað af
trjám í kringum hótelið en aðeins
þannig að þau skyggi ekki á útsýnið
sem verður að teljast ansi stórbrot-
ið. Þá verður byggð rúmgóð verönd
við hótelbyggingarnar þar sem verða
heitir pottar.
upphaflega stóð til að vera með
eldhús og matsal eingöngu fyrir
morgunmat. Síðan bættist við hug-
myndin um að bjóða upp á kvöld-
mat. Hugmyndin vatt svo upp á sig
og á endanum var ákveðið að vera
með fullkomið eldhús og bar á Bas-
alt hóteli.
Erfið samskipti við
Skipulagsstofnun
Þau hjónin segja að flóknasta verk-
efnið við að koma hótelinu upp
hafi verið samskiptin við Skipu-
lagsstofnun. Þar sem iðunnarstað-
ir voru á aðalskipulagi skilgreind-
ir sem bújörð þurfti að leggjast í
vinnu við að fá því breytt svo hægt
væri að byggja hótel á jörðinni.
Þegar breytingin á aðalskipulagi
var gengin í gegn þurfti hins veg-
ar að fara á byrjunarreit hvað deili-
skipulag varðar. Þá þurftu hjónin
að tala aftur við nákvæmlega sama
fólkið og að þeirra sögn gekk al-
veg ótrúlega illa að ná sambandi
við suma. Þau hjónin taka hins veg-
ar fram að öll samskipti við sveit-
arfélagið Borgarbyggð hafi verið
afar ánægjuleg og til mikillar fyrir-
myndar.
Mitt á milli Suðurlands
og Vesturlands
Þau hjónin benda á að staðsetning
hótelsins, innst í Lundarreykjadal
sé afar miðsvæðis og má segja að
það liggi mjög vel við samgöngum
á milli Suðurlands og Vesturlands
því það eru ekki nema um 40 kíló-
metrar frá hótelinu að Þingvöllum
ef ekinn er vegurinn um uxahryggi
og kaldadalsveg og um 110 kíló-
metrar á Gullfoss og Geysi. Það
verður því stutt fyrir gesti að fara
að Gullfossi og Geysi og til ann-
arra áhugaverðra staða á Suður-
landi ásamt því að hótelið er örstutt
frá ýmsum áhugaverðum stöðum á
Vesturlandi.
umræddur vegur, uxahryggja-
vegur, er hins vegar ekki í nógu
góðu standi sem stendur, hálfgerð-
ur ýtuvegur þar sem steinnibbur
standa upp úr og vegur hentar helst
fyrir rallýkeppnir en svo undarlegt
sem það er þá er vegurinn alltaf
heflaður fyrir rallýkeppnir. Hjón-
in segjast hins vegar binda miklar
vonir við að úr verði bætt sem allra
fyrst.
Þegar ekið er af uxahryggjavegi
inn á kaldadalsveg kemur maður
hins vegar inn á malbikaðan veg og
er malbik alla leið á Þingvelli þaðan.
Þau segja jafnframt að til standi að
gera þessa vegi aðgengilegri en nú
er enda er um aðra af aðeins tveim-
ur leiðum inn á hálendið af Vestur-
landi að ræða. Jafnframt benda þau
á að leiðin sé ein fallegasta ökuleið
íslands og frábært útsýni til fjalla,
svo sem til Skjaldbreiðar.
Bílaleigubílar í vegkanti
Fyrir daga Covid var að sögn þeirra
Þórarins og Hjördísar gríðarmik-
il umferð ferðafólks fram hjá ið-
unnarstöðum á sumrin og ekki óal-
gengt að sjá bílaleigubílum lagt í
vegkanti að næturlagi. Til stend-
ur að setja upp tjaldstæði á túninu
fyrir neðan hótelið og segja hjónin:
„Við viljum sjá þá ferðamenn inni
á tjaldstæði frekar en úti á vegum
því hvert fer til dæmis úrgangur-
inn sem þeir skilja eftir?“ Jafnframt
segja þau að þegar Covid er liðið
hjá ætli þau sér að ná til sín hluta af
þessari umferð sem fer framhjá.
Mikil veðursæld ríkir á svæðinu
sem hótelið rís. „Hér er ekki óal-
gengt að sjá hitann á sumrin fara
upp í tuttugu gráður plús en það
getur líka verið kalt, allt að tuttugu
gráðu frost á vetrum.“ Þá segja þau
Þórarinn og Hjördís að norðurljós-
in séu mikið sjónarspil enda ljós-
mengun á staðnum lítil sem engin.
Nú er að hefjast eins og áður sagði
vinna við að byggja palla og ver-
önd við hótelið þar sem verða heit-
ir pottar og fleira tilheyrandi. Þá
rennur bæjarlækurinn við verönd-
ina sem gefur notalegt og róandi
yfirbragð.
Það er því ljóst að Basalt hótelið
á iðunnarstöðum í Lundarreykjadal
kemur til með að verða afar spenn-
andi viðbót við flóru áfangastaða á
Vesturlandi á næstu misserum.
frg /Ljósm. frg og aðsendar.
Basalt hótel rís í Lundarreykjadal
Þórarinn og Hjördís eru full bjartsýni
Unnið við raflagnir í veitingasal.
Þórarinn Svavarsson og Hjördís Geirdal við útsýnisglugga veitingasalar Basalt
hótel.
Basalt hótel stendur hátt og útsýnið er frábært.
Norðurljósin eru mikið sjónarspil enda ljósmengun á staðnum lítil sem engin.