Skessuhorn - 21.04.2021, Side 30

MiðVikudAGur 21. ApríL 202130
Hver er þín helsta
fyrirmynd?
Spurning
vikunnar
(Spurt í síma)
Stella Dögg Blöndal
„Ég held að mín helsta fyrir-
mynd þessa stundina sé Björg
frænka mín, Björg Áskelsdótt-
ir. Ég er að feta í hennar fótspor
og læra verkfræði við danmarks
Tekniske universitet.“
Þorleifur Geirsson
„kötturinn minn.“
Lilja Björg Ágústsdóttir
„Það er kannski ekki einhver
ein. En ef ég myndi nefna eina
manneskju væri það Michelle
Obama.“
Bjarni Guðmundsson
„Þær eru óteljandi.“
Theodóra Þorsteinsdóttir lætur af
störfum sem skólastjóri Tónlist-
arskóla Borgarfjarðar næstkom-
andi haust eftir 30 farsæl ár í starfi.
„Ég er bara komin á þennan aldur,“
svarar Theodóra spurð hvers vegna
hún sé að hætta. „Ég hefði mátt
hætta síðasta vor en ákvað að taka
eitt ár til viðbótar og ná þrítugasta
árinu, það bara hljómaði svo mikið
betur,“ bætir hún við og hlær.
Á þeim þremur áratugum sem
Theodóra hefur verið við stjórn
Tónlistarskóla Borgarfjarðar hefur
margt breyst og mörgum áföngum
verið náð. „Þegar ég tók við árið
1991 var skrifstofa skólastjóra á eld-
húsborðinu heima hjá mér, hljóð-
færakennslan fór fram í grunnskól-
unum og ég kenndi söng í stofunni
heima hjá mömmu minni,“ rifj-
ar hún upp. Árið 1997 fékk skól-
inn leigt húsnæði í Englendingavík
þar sem kennt var í tvö ár. Þá flutti
skólinn á Gunnlaugsgötuna í svo-
kallað Ásbjörnshús. Þar vorum við
þangað til núverandi hús var keypt
árið 2003,“ segir Theodóra. „Þetta
hús hentar starfsemi tónlistarskól-
ans afskaplega vel,“ bætir hún við,
en þar á hún við fyrrum hús Apó-
teks Borgarness og íbúð lyfsala á
efri hæð hússins við Borgarbraut
23.
Margt breyst
En hvað hefur breyst í kennslu þessi
þrjátíu ár sem liðin eru síðan Theo-
dóra tók við starfi tónlistarskóla-
stjóra? „Það hefur margt breyst.
Þegar ég tek við voru rúmlega
hundrað nemendur skráðir í skól-
ann en við kennum á öllu svæðinu
og förum líka í Grunnskóla Borg-
arfjarðar. Það má segja að kennsl-
an sé fjölbreyttari núna, sérstaklega
í sveitinni. Fyrst var bara kennt á
píanó í sveitaskólunum en núna
erum við að kenna á gítar og blást-
urshljóðfæri þar líka,“ svarar Theo-
dóra. „Við erum búin að útskrifa 23
nemendur með lokapróf frá skól-
unum, fyrst árið 1998 og síðast
árið 2018. Það er mjög ánægjulegt
og góður árangur þykir mér,“ seg-
ir Theodóra. „Algengast er að út-
skriftarnemendurnir hafi verið að
læra söng eða á píanó,“ bætir hún
við.
Afmælissýningarnar
eftirminnilegar
Spurð hvað standi helst upp úr að
þrjátíu árum liðnum hugsar hún sig
um í smá stund áður en hún svar-
ar: „Stórafmælin og sýningarnar
sem við höfum sett upp af því til-
efni. Við höfum haldið marga stóra
og smáa viðburði og nemendur við
skólann hafa komið fram víðsvegar
í héraðinu auk þess sem þeir hafa
stigið á svið fyrir sunnan við ákveð-
in tilefni. En sýningarnar sem við
settum upp á stórafmælisárum voru
sérstakar. Við settum upp Síguna-
baróninn þegar skólinn var 40 ára
og Móglí á 50 ára afmælisárinu.
Þessar tvær sýningar standa upp
úr í minningunni hjá mér,“ svarar
Theodóra og bætir við að það hafi
einnig verið stórt skref þegar skól-
inn flutti inn í núverandi húsnæði.
„Það er gaman að geta sagt frá því
að þegar ég horfi til baka er ég búin
að ná mörgum af mínum markmið-
um hér við skólann. Ég held ég geti
verið mjög sátt við mitt dagsverk.
Það hefur mikið gerst og við höf-
um unnið metnaðarfullt starf hér
við skólann. Ég hef líka verið svo
lánsöm í starfi að hafa með mér frá-
bært starfsfólk í öll þessi ár. Starfs-
andinn er mjög góður og starfs-
mannavelta hefur ekki verið mik-
il. Fyrir allt þetta er ég þakklát og
geng sátt frá borði,“ segir Theo-
dóra ánægð.
Kennir áfram
Theodóra er þó hvergi nærri hætt
störfum og mun áfram kenna söng
við Tónlistarskóla Borgarfjarðar
þó hún láti af starfi skólastjóra. „Ég
ætla bara að hætta skólastjórn og
að vera í þessari ábyrgðarstöðu og
sinna öllum þeim reddingum sem
því fylgir. Ég er bara aðeins að fara
yfir í meiri rólegheit og það leggst
vel í mig. Vissulega finn ég þó fyr-
ir söknuði á þessum tímamótum
en líka kannski bara tilhlökkun að
taka því aðeins rólega og þurfa ekki
að standa í brúnni alla daga,“ seg-
ir Theodóra skólastjóri Tónlistar-
skóla Borgarfjarðar. arg
Stórar afmælissýningar segir Theodóra standa hæstar í minningunni. Hér er svipmynd úr Móglí sem færð var á fjalir Hjálmakletts á fimmtíu ára afmælisári skólans.
Ljósm. úr safni/ Andrea Eðvaldsdóttir.
Lætur af störfum skólastjóra eftir 30 ár
Theodóra Þorsteinsdóttir lætur af störfum sem skólastjóri Tónlistarskóla Borgarfjarðar næsta haust. Ljósm. úr safni/glh
Hjónin Theodóra og Olgeir Helgi Ragnarsson. Ljósm. úr einkasafni.