Morgunblaðið - 25.03.2021, Blaðsíða 26

26 FRÉTTIRInnlent
MORGUNBLAÐIÐ FIMMTUDAGUR 25. MARS 2021
Sigtryggur Sigtryggsson
sisi@mbl.is
Skipulagsfulltrúi Reykjavíkur hefur
tekið jákvætt í ósk um að innrétta
íbúðir í iðnaðarhúsinu Ægisgötu 7.
Áformað var að innrétta þar 23 íbúð-
ir en skipulagsfulltrúinn vill að þeim
verði fækkað svo rýmra verði um
íbúðirnar. Húsið Ægisgata 7 er á
besta stað í borginni, skammt frá
gömlu höfninni.
Húsið var byggt árið 1939 eftir
teikningum Gústafs E. Pálssonar og
var upphaflega notað sem tunnu-
verksmiðja Stáltunnugerðar Bjarna
Péturssonar. Húsið er steinsteypt,
þrílyft með kjallara og risi og er
samkvæmt húsakönnun síðfúnkis-
verksmiðjuhús. Húsið var hækkað
og stækkað árið 1942 eftir teikn-
ingum Gústafs. Það var svo stækkað
aftur árið 1944 eftir teikningu A.
Steingrímssonar. Húsið er í dag nýtt
undir geymslur á vegum Alþingis en
leigusamningur rennur út í næsta
mánuði.
Á embættisafgreiðslufundi skipu-
lagsfulltrúa 19. febrúar sl. var lögð
fram fyrirspurn M3 fasteignaþróun-
ar ehf. dags. 14. febrúar 2021 um
breytingu á notkun hússins á lóð nr.
7 við Ægisgötu sem felst í að breyta
iðnaðarhúsnæði í íbúðarhúsnæði,
samkvæmt tillögu Teiknistofu arki-
tekta Gylfa Guðjónssonar og félaga
ehf. og M3 fasteignaþróunar ehf.
Tækifæri til endurnýjunar
Fram kemur í fyrirspurninni að
við Ægisgötu 7 sé einstakt tækifæri
til skapandi endurnýjunar á iðnaðar-
húsnæði sem þjóni ekki lengur kröf-
um nútímans. Steinsteypt burðar-
virki hússins sé í góðu ástandi að
mati verkfræðinga og með minni-
háttar breytingum verði hægt að út-
færa 23 hagkvæmar borgaríbúðir af
fjölbreyttri gerð með þjónusturými í
kjallara. Stúdíóíbúðir verði þrjár,
tveggja herbergja íbúðir 10, þriggja
herbergja íbúðir sjö og fjögurra her-
bergja íbúðir þrjár.
„Eftir umbreytingu falla allar
íbúðir að skilmálum um hlutdeild-
arlán. Um er að ræða einstakt tæki-
færi til að gefa ungum íbúum borg-
arinnar tækifæri á að eignast
hagkvæmar íbúðir á besta stað í
borginni,“ segir m.a. í fyrirspurn-
inni.
Bak við Ægisgötu 7 stendur friðað
hús, Hlíðarhús, byggt árið 1898.
Gert er ráð fyrir að viðbygging við
það verði fjarlægð og húsið endur-
gert og fært til upprunalegrar
myndar.
Fram kemur í umsögn verkefna-
stjóra skipulagsfulltrúa að árið 2006
var samþykkt deiliskipulag fyrir
Ægisgötu 7. Samkvæmt því var
heimilt að innrétta tólf íbúðir á
þremur hæðum hússins, tvær á inn-
dreginni ofanábyggingu og ein íbúð í
bakbyggingu eða rífa bakbyggingu
og byggja nýja sem hýsir eina íbúð.
Samtals er því heimild fyrir 15 íbúð-
um samkvæmt núgildandi deili-
skipulagi.
Fyrirspurn um hótelíbúðir
Sótt hefur verið um breytingar á
húsinu áður. Árið 2017 var lögð fram
fyrirspurn um að breyta núgildandi
deiliskipulagi svo hægt yrði að inn-
rétta hótelíbúðir og veitingastað/
bakarí í húsinu. Í umsögn skipulags-
fulltrúa dags. 1. mars 2017 var tekið
jákvætt í fyrirspurnina með
ákveðnum skilyrðum.
Um fyrirspurnina sem nú er lögð
fram segir verkefnastjórinn: „Fjöl-
breytileiki og hlutfall íbúða er í
sjálfu sér ásættanlegt en íbúðirnar
sjálfar eru margar nokkuð litlar og
mjóar. Gæði þeirra rýma sem eru í
kjallara og tilheyra íbúðum á fyrstu
hæð eru ekki mikil. Auk þess eru
þau töluvert niðurgrafin við götuna.
Nauðsynlegt er að endurskoða fyr-
irkomulag/gerð íbúða, fækka þeim
og auka gæði ásamt því að endur-
skoða áform um íbúðir í bakbygg-
ingu. Ekki er fallist á íbúðir í bak-
byggingu í þeirri mynd sem tillagan
sýnir.“
Auglýsa þarf nýtt deiliskipulag ef
ákveður verður að ráðast í þessar
breytingar.
Talsverð uppbygging hefur átt sér
stað á hafnarsvæðinu á undan-
förnum árum og fleira er í pípunum.
Í Vesturbugt við Slippinn á að rísa
íbúðabyggð og sömuleið við Alli-
ance-húsið á Grandagarði.
Mynd/Teiknistofa arkitekta
Eftir Svalir íbúðanna munu setja svip sinn á Ægisgötu 7 eftir breytingar.
Morgunblaðið/sisi
Fyrir Svona lítur Ægisgata 7 út í dag. Húsið, ásamt bakhúsi, hefur undanfarin ár verið notað sem geymsla Alþingis.
Innrétta íbúðir í stáltunnugerð
- Ægisgötu 7 verður breytt úr iðnaðarhúsnæði í íbúðarhús - Eru ætlaðar ungum kaupendum
Menningar-, íþrótta- og tóm-
stundaráð Reykjavíkur hefur
samþykkt að Þrótti, Fjölni, Ár-
manni, Fylki og Víkingi verði
gefið tækifæri til að kynna hug-
myndir sínar varðandi íþrótta-
starf í nýju hverfunum Voga-
byggð og Ártúnshöfða.
Uppbygging er þegar hafin í
Vogahverfi og áætlanir hafa ver-
ið kynntar að íbúðabyggð á Ár-
túnshöfða. Fram kemur í grein-
argerð Ómars Einarssonar sviðs-
stjóra að ráðið muni rýna drög
að deiliskipulagi og aðgengi að
nálægum svæðum með tilliti til
íþróttaaðstöðu.
Meðal annars verði litið til óska
félaganna um innviðauppbygg-
ingu í hinum nýju hverfum og
samnýtingu með þeim svæðum
þar sem þau starfa. sisi@mbl.is
Skoða íþróttastarf í nýjum hverfum
Mörkin 6 - 108 Rvk.
s:781-5100
Opið: 11-18 virka daga
og 11-15 laugardaga
www.spennandi-fashion.is
MAMA B - VOR 2021 - HÖNNUN OG VELLÍÐAN
N Ý F O R M
H Ú S G A G N A V E R S L U N
Strandgötu 24 | 220 Hafnarfjörður | Sími 565 4100 | nyform.is
Glæsileg borðstofuhúsgögnum
frá CASÖ í Danmörku