Morgunblaðið - 25.03.2021, Qupperneq 30

MORGUNBLAÐIÐ FIMMTUDAGUR 25. MARS 2021
BAKSVIÐ
Ágúst Ingi Jónsson
aij@mbl.is
Nýtt skip bætist í flota Samherja
hf. á næstunni er nýr Vilhelm Þor-
steinsson EA 11 kemur til lands-
ins. Skipið er fullkomið og spar-
neytið uppsjávarskip og kostar 5,7
milljarða króna tilbúið á veiðar,
byrjar væntanlega á kolmunna
vestur af Írlandi upp úr páskum.
Síðan taka við veiðar á makríl og
norsk-íslenskri síld í sumar og
vonandi verður góð loðnuvertíð
næsta vetur.
Á síðustu árum hefur floti Sam-
herja og ÚA verið endurnýjaður
að mestu, byggt hefur verið nýtt
og fullkomið hátæknifrystihús á
Dalvík og bæði hús og tæki ÚA á
Akureyri verið endurnýjuð. Krist-
ján Vilhelmsson, framkvæmda-
stjóri útgerðarsviðs Samherja,
segir að vissulega hafi fjárfest-
ingar síðustu ára verið gríðarlega
miklar. Ekki sé hins vegar hjá því
komist ætli menn að reka útgerð-
ar- og fiskvinnslufyrirtæki í
fremstu röð.
Í síðustu viku fór nýr Vilhelm
Þorsteinsson í prufusiglingar hjá
Karstensens-skipasmíðastöðinni í
Skagen í Danmörku og gengu þær
vel. Í dag er ráðgert að fara í sigl-
ingu til að prufa spilkerfi, fiski-
dælur og slíkt. Ef ekkert kemur
upp á verður skipið afhent Sam-
herja og haldið heim á leið. Heim-
koma er áætluð síðari hluta næstu
viku.
Á allan hátt fullkomið skip
Kristján Vilhelmsson segir nýja
skipið vera á allan hátt fullkomið.
Aðbúnaður áhafnar sé mjög góður
hvað varði vinnuaðstöðu, vistar-
verur og aðra aðstöðu. Klefar eru í
skipinu fyrir 15 manns auk sjúkra-
klefa og gott pláss fyrir áhöfnina í
rúmgóðum borðsal og setustofu.
Þá er að finna gufubað og líkams-
rækt um borð í þessu stóra skipi.
Skipið uppfylli kröfur um mikla
kæligetu í tönkum og stór lestar-
rými, sem tryggi flutningsgetu og
meðferð og gæði afla. Ekki aðeins
sé kælikerfið stórt heldur eigi það
sama við um dælukerfi sem dæli
aflanum um borð og í land og þá
sé þvottur á lestartönkum sjálf-
virkur. Öllum þessum kerfum sé
auðvelt að stýra í gegnum tölvu-
kerfi og sjáist þar á stórum
skjáum hvernig rör og lokar eru
tengd við tanka, auk þess sem sjá-
ist hvort lokar eru opnir eða lok-
aðir.
Fiskileitartæki og stjórnbún-
aður eru af bestu og nýjustu gerð
og segir Kristján að meðal annars
Fullkomið uppsjávarskip Nýr Vilhelm Þorsteinsson EA 11 skríður út úr höfninni í Skagen í Danmörku á leið í prufusiglingu. Skipið er væntanlegt heim til Akureyrar síðari hluta næstu viku.
Nýr Vilhelm í flota Samherja
- Nýtt og fullkomið uppsjávarskip sem kostar 5,7 milljarða króna - Miklar fjárfestingar Samherja
síðustu ár - Nauðsynlegt ætli menn að reka útgerðar- og fiskvinnslufyrirtæki í fremstu röð
Í brúnni Kristján Vilhelmsson prófar skipstjórastólinn um borð í Vilhelm.
5 SJÁ SÍÐU 32
Skipasmíðastöð Karstensens er
rótgróið fyrirtæki í Skagen í
Danmörku, stofnað árið 1917 í
þeim tilgangi að smíða fiskibáta
úr tré og sinna viðhaldi slíkra
báta.
Fyrirtækið hefur tekið ýmsum
breytingum og er nú eitt stærsta
fyrirtækið í Skagen með um 500
starfsmenn þar. Svipaður fjöldi
starfsmanna er hjá Karstensens í
Gdynia í Póllandi, þar sem
skrokkar systurskipanna, Vil-
helms og Barkar, voru smíðaðir
og síðan dregnir til Skagen. Þá á
Karstensens slipp í Nuuk á
Grænlandi þar sem starfa tæp-
lega 20 manns.
Knud Degn Karstensen hefur
verið framkvæmdastjóri Skipa-
smíðastöðvar Karstensens frá
árinu 1979. Eiginkona hans er
Marín Magnúsdóttir. Knud er
skipaverkfræðingur og hóf störf
hjá fyrirtækinu árið 1975 og var
hlutverk hans í upphafi að þróa
fyrirtækið frá tréskipasmíði yfir
í smíði skipa úr stáli. Uppbygg-
ing fyrirtækisins hefur verið
hröð síðustu þrjá áratugina og
hefur það verið leiðandi í smíði
uppsjávarskipa undanfarin ár.
Í Danmörku Knud Degn Karstensen, framkvæmdastjóri Karstensens-
skipasmíðastöðvarinnar, og Marín Magnúsdóttir, eiginkona hans.
Rótgróið fyrir-
tæki í Skagen