Fréttablaðið - 03.07.2021, Side 16

Heildarverðlaunaféð
sem Serena hefur
unnið sér inn á ferl-
inum er 94 milljónir
dala, tvöfalt meira en
nokkur önnur kona.
kristinnpall@frettabladid.is
FÓTBOLTI Bæjarráð Akureyrarbæjar
samþykkti deiliskipulagsbreytingu
fyrir íþróttasvæði KA sem var lagt
fyrir ráðið í vikunni, en samkvæmt
því eru talsverðar breytingar fram
undan á svæðinu. Áætlað er að
leggja grasvöll og tvo gervigras-
velli, þar af einn þeirra við nýja
stúku sem er með möguleikanum
á tengibyggingu að íþróttahúsi
félagsins. „Þetta er ákveðinn áfanga-
sigur fyrir félagið og skref tvö í átt
að markmiðum okkar. Næsta skref
er að setjast niður með bænum og
setja á blað þá uppbyggingu sem
deiliskipulagið gerir ráð fyrir,“ segir
Sævar Pétursson, framkvæmda-
stjóri KA, glaðbeittur, þegar hann
var spurður út í samþykkið. „Að það
sé komið deiliskipulag til næstu ára
sem er í takt við okkar áhorf gerir
okkur kleift að fara í viðræður um
uppbyggingu svæðisins. Þetta eru
mjög jákvæð tíðindi.“
Með því færist KA nær því að
hefja framkvæmdir á félagssvæði
sínu í von um að félagið fái lang-
tímalausn fyrir knattspyrnudeild
félagsins. Þegar tímabilið er að verða
hálfnað hjá meistaraflokki félags-
ins í karlaflokki, hefur KA ekki enn
leikið á Greifavelli sem telst heima-
völlur félagsins, en þess í stað hafa
Akureyringar leikið á gervigrasvell-
inum á Dalvík. „Þetta verður alveg
gríðarleg breyting fyrir starf félags-
ins. Iðkendafjöldi í knattspyrnu-
deildinni hefur stóraukist á stuttum
tíma og bærinn vinnur að uppbygg-
ingu á tveimur nýjum hverfum sem
koma til okkar þannig að það var
löngu ljóst að núverandi aðstaða var
sprungin. Þetta gerbreytir um leið
ásýnd félagsins, að við getum haft
þá á okkar svæði en ekki í bænum,“
segir Sævar og heldur áfram:
„Þetta er fyrir vikið rökrétt næsta
skref miðað við það starf sem unnið
hefur verið hjá félaginu undanfarin
ár. Það hafa miklar framfarir átt
sér stað í utanumhaldi og umgjörð
knattspyrnudeildarinnar á undan-
förnum árum en aðstaðan hefur um
leið ekki staðist kröfurnar,“ segir
Sævar og bætir við að þetta auð-
veldi um leið utanumhald KA við
viðburði á borð við N1-mótið sem
stendur yfir þessa dagana þar sem
rúmlega 2100 ungir knattspyrnu-
menn leika listir sínar. n
Áfangasigur í uppbyggingu KA svæðisins
N1-mótið stendur yfir á KA-svæðinu þessa dagana. FRÉTTABLAÐIÐ/AUÐUNN
Þetta er ákveðinn
áfangasigur fyrir félag-
ið og skref tvö í átt að
markmiðum okkar.
Sævar Pétursson,
framkvæmdastjóri KA.
Óvíst er um framhaldið hjá
einni bestu íþróttakonu
heims undanfarna áratugi,
Serenu Williams, eftir nýjustu
meiðsli hennar. Boris Becker
gaf til kynna að ferlinum gæti
verið lokið, en Serena hefur
verið í sérflokki í tvo áratugi.
kristinnpall@frettabladid.is
TENNIS Ein besta íþróttakona heims
undanfarna tvo áratugi, Serena
Williams, átti erfitt með að ráða
við tilfinningarnar þegar hún gekk
meidd af velli á Wimbledon-mótinu
í vikunni. Serena, sem fagnar fer-
tugsafmæli sínu í haust, þurfti að
hætta keppni í fyrstu umferð eftir
að hafa meiðst í leik sínum gegn
Alexandra Sasnovitsj. Óvíst er hve-
nær eða jafnvel hvort Serena snúi
aftur inn á völlinn en í aðdraganda
Wimbledon gaf Serena það út að
hún myndi ekki taka þátt á ÓL.
Undanfarna tvo áratugi hefur
Serena verið í sérflokki í sinni grein
og sú íþróttamanneskja sem hefur
verið með hvað mesta yfirburði í
nokkurri íþróttagrein á heimsvísu.
Fyrsti risatitillinn kom árið 1999, en
á tuttugu árum hefur hún leikið til
úrslita á 28 risamótum og unnið 23
titla. Serenu vantar einn titil til við-
bótar til að jafna met hinnar ástr-
ölsku Margaret Court, frá sjöunda
og áttunda áratug síðustu aldar, en
óvíst er hvort Serena haldi áfram að
eltast við met Court, fjórum árum
eftir síðasta risatitil.
Um leið hefur hún á ákveðinn
hátt rutt veginn í tekjuöf lun
íþróttakvenna og á stóran hlut
í því að stærstu tennisstjörnur
heims í kvennaflokki eru sér á báti
á heimsvísu þegar kemur að tekju-
öflun íþróttakvenna. Naomi Osaka
og Serena voru einu konurnar sem
komust á lista fjármálatímaritsins
Forbes yfir hundrað tekjuhæstu
íþróttamanneskjur heims á síðasta
ári.
Boris Becker, þýska tennisgoð-
sögnin, sagði í samtali við BBC eftir
leikinn að þetta gæti hafa verið í
síðasta skiptið sem Serena myndi
keppa á risamóti. „Það síðasta
sem meistari eins og Serena vill
gera er að þurfa að gefa leikinn á
sínum uppáhaldsvelli. Hún getur
varla gengið eðlilega lengur og við
þurfum jafnvel að sætta okkur við
að þetta hafi verið hennar síðasti
leikur. Hún er komin yfir þrítugt og
hefur glímt við meiðsli um árabil.
Staðreyndin er sú að tíminn gefur
engum afslátt, hvorki konum né
körlum,“ sagði Becker hreinskilinn
og tók undir orð Serenu og ann-
arra um áhyggjur af aðstæðum á
Wimbledon þetta árið.
„Það er ekki svo að það sé komið
á hreint að hún sé að hætta, hún
hefur ekkert gefið út um það, en
það er ekkert leyndarmál að það
verður sífellt erfiðara með árunum
að ná sér af meiðslum,“ segir Carola
M. Frank, landsliðsþjálfari í tennis,
sem lék um tíma á atvinnumanna-
mótaröð kvenna í tennis (e. WTA).
„Hún hefur verið að eltast við
þetta met hennar Court. Það er
orðið mun erfiðara líkamlegra að
vinna þessi mót en þegar Court
var upp á sitt besta. Það sást aug-
ljóslega á henni hvað þetta skipti
hana miklu,“ segir Carola, sem segir
Serenu fyrirmynd að öllu leyti.
„Þessi íþrótt er mjög krefjandi,
líkamlega og andlega, en hún er
ótrúleg f lott fyrirmynd og það
verður aldrei tekið af henni.“ n
Óvissa ríkir um næstu skref Serenu Williams
Serena átti erf-
itt með að halda
aftur af tilfinn-
ingunum þegar
hún gekk af
velli á Wimble-
don í vikunni,
undir standandi
lófataki. FRÉTTA-
BLAÐIÐ/GETTY
16 Íþróttir 3. júlí 2021 LAUGARDAGURÍÞRÓTTIR FRÉTTABLAÐIÐ 3. júlí 2021 LAUGARDAGUR