Fréttablaðið - 24.06.2021, Síða 46
Ég fann fyrir ómögu-
leika vísindanna
gagnvart hinum nátt-
úrulega krafti mann-
eskjunnar.
Abyss er yfirskrift sýningar
Hildar Bjarnadóttur, sem nú
stendur yfir í Hverfisgalleríi.
Verkin eru ofin málverk.
„Myndirnar á sýningunni eru allar
unnar út frá svefnryþma dætra
minna, sem fæddust fyrir tæpum
tveimur árum. Til að ná utan um
tvo ólíka einstaklinga og svefn
þeirra fór ég að skrá svefntíma
þeirra í excel-skjal og svo þróaðist
þetta út í það að ég færði taktinn
yfir í vefnaðinn. Þannig varð til
umbreyting raunverulegra upplýs-
inga, yfir í listrænan farveg. Svefn-
inn fer yfir í excel-skjal, frá skjalinu
yfir í útdrætti og mynstur í tölvunni
minni og þaðan yfir í vefnaðinn og
síðan í málverkin,“ segir Hildur.
Svefn og vaka
Í verkunum sýnir Hildur raun-
verulegan svefntíma dætranna.
„Þráðurinn sem minnst sést af er
svefntíminn, og vakan er eins og
bakgrunnur í myndunum. Hvert
verk í sýningarsalnum er ákveðinn
sólarhringur hjá dætrunum. Þær
sofa ekki eins, og það endurspeglast
í verkunum. Munstrið í þeim er ekki
alveg hreint,“ segir Hildur.
Spurð um litina í verkunum segir
hún: „Undirstaðan eru plöntulitir úr
Þúfugörðum þar sem við fjölskyld-
an búum og ég nota einnig hörþráð
litaðan með akrýlmálningu.“
Glíma við það ómögulega
Miklar rannsóknir hafa verið gerðar
á svefni og Hildur bar þær saman
við eigin athuganir. „Það eru til töfl-
ur sem segja hvað börn eigi að sofa.
En þegar maður ber raunverulegan
svefntakt tveggja barna saman við
það sem er búið að rannsaka og
skrá og sagt er að sé réttur svefn, þá
er maður að glíma við hið ómögu-
lega. Þetta stemmir einfaldlega
ekki. Vísindalegar rannsóknir eru
góðar vísbendingar, en ég fann fyrir
ómöguleika vísindanna gagnvart
hinum náttúrulega krafti mann-
eskjunnar, þeim frumkrafti sem býr
inni í hverri manneskju fyrir sig, og
er ólíkur á milli dætranna.
Í verkunum er ég að sýna hversu
ómögulegt er að fanga þennan
frumkraft. Það er svo margt sem
excel-skjalið og vísindin fanga ekki.
Einmitt það sem þau sýna ekki er
það áhugaverðasta í einstakling-
unum og lífinu sjálfu.“
Hildur er fædd árið 1969 og býr
og starfar í Reykjavík og í Flóa-
hreppi. Hún lauk námi frá textíl-
deild Myndlista- og handíðaskóla
Íslands og útskrifaðist með MFA-
próf frá nýlistadeild Pratt Insti-
tute í Brooklyn. Árið 2009 lauk
hún diplómanámi í kennslufræði
við Listaháskóla Íslands. Hún lauk
doktorsnámi í myndlist við Lista-
háskólann í Bergen árið 2017. Hún
hefur haldið fjölda einkasýninga
víða um heim. n
Sýnir svefntíma dætranna
Það er svo
margt sem
excel-skjalið
og vísindin
fanga ekki, segir
Hildur.
FRÉTTABLAÐIÐ/
ANTON BRINK
Hvert verk er ákveðinn sólarhringur hjá dætrum Hildar.
Kolbrún
Bergþórsdóttir
kolbrunb
@frettabladid.is
kolbrunb@frettabladid.is
Leikkonan Sólveig Arnarsdóttir er
flutt heim til Íslands og er búin að
gera samning við Borgarleikhúsið.
Sólveig útskrifaðist fyrir rúmum
tuttugu árum frá leiklistarskól-
anum Ernst Busch í Berlín og hefur
starfað jöfnum höndum á Íslandi og
í Þýskalandi, nú síðast sem fastráðin
leikkona við hið virta leikhús Volks-
bühne í Berlín. Sólveig hefur sópað
að sér tilnefningum og verðlaunum
fyrir leik sinn í kvikmyndum og á
sviði.
„Ég er full eftirvæntingar og gleði
að taka þátt í spennandi uppbygg-
ingu í Borgarleikhúsinu,“ segir
Sólveig, sem mun hefja störf í lok
sumars og leika hlutverk norna-
drottningarinnar Hekötu í Macbeth
og í Orlando eftir Virginiu Woolf. n
Sólveig í Borgarleikhúsið
Sólveig Arnarsdóttir fær krefjandi verkefni í leikhúsinu. FRÉTTABLAÐIÐ/STEFÁN
26 Menning 24. júní 2021 FIMMTUDAGURFRÉTTABLAÐIÐMENNING FRÉTTABLAÐIÐ 24. júní 2021 FIMMTUDAGUR