Ásgarður : blað starfsmanna ríkis og bæja - 01.05.1958, Síða 27

Ef til kemur við stofnanir þær, sem samþykkt þessi
nær til, ný staða, sem þar er ekki talin, skal á sama
hátt og segir í 1. málsgr. skipa hlutaðeigandi starfs-
mann í launaflokk.
4. gr.
Þegar aldursflokkarnir eru ákveðnir samkvæmt 1.
gr., er heimilt að taka tillit til starfsaldurs hlutaðeig-
andi starfsmanna við sams konar störf, þótt eigi hafi
verið unnin í þjónustu bæjarins.
Nú flyzt starfsmaður í stöðu í hærri launaflokki og
skal hann þá taka laun á því launastigi í hinum nýja
flokki, sem næst er fyrir ofan þá launaupphæð, er hann
hafði náð í hinum lægri launaflokki.
5. gr.
Á laun samkvæmt samþykkt þessari skal greiða verð-
lagsuppbót.
6. gr.
Fastir starfsmenn, sem vinna vaktavinnu, fá greidd
33% álag á vaktir, sem staðnar eru á tímanum kl. 21
til 8.
Grunntala álagsins pr. klst. er ákveðin þannig, að
deilt er með 160 í hámarkskaup á mánuði í launaflokki
viðkomandi starfsmanns samkv. 2. gr. launasamþykktar
og 33% síðan reiknuð af þeirri tölu, sem þá kemur út.
Álag þetta greiðist eftir á fyrir umliðinn mánuð.
Verðlagsuppbót greiðist á álagið samkv. 5. gr.
7. gr.
Nú hefur starfsmaður verið í fastri þjónustu kaup-
staðar í full 10 ár og skal hann þá fá greidda árlega
persónuuppbót, er nemi mismuni á hámarkslaunum í
flokki þeim, sem hann tekur laun í og hámarkslaunum
næsta flokks fyrir ofan. Heimilt er að greiða persónu-
frádrátt þennan í tvennu lagi, í júlí- og desembermán-
uði fyrir umliðin missiri, en jafnan skal greiða iðgjald
til lífeyrissjóðs starfsmanna kaupstaðarins af upp-
bótinni.
8. gr.
Starfsmönnum er skylt að vinna eftirvinnu gegn yfir-
vinnugreiðslu; þó er engum starfsmönnum öðrum en
þeim, sem gegna lögreglustörfum eða annari öryggis-
þjónustu, skylt að vinna meiri yfirvinnu í viku hverri,
en nemur þriðjung af fullum vikulegum vinnutíma.
Greiðsla fyrir eftirvinnu er hámarksmánaðarkaup
starfsmanns í launaflokki hans, samkvæmt 2. gr. launa-
samþykktar, deilt með 160, að viðbættu 50% álagi.
Nætur- og helgidagavinna reiknast á sama hátt að öðru
leyti en því, að þar er álagið 100%.
Eftirvinna og nætur- og helgidagavinna greiðist sam-
kvæmt framangreindum reglum einungis þeim sem
kaup taka samkv. VII.—XV.. launaflokki. Yfirvinna
starfsmanna í I.—VI. launaflokki, skal einungis greidd
með sérstöku samþykki bæjarstjórnar eða bæjarráðs.
Yfirvinna skal greidd eftir á fyrir umliðinn mánuð.
Yfirvinnu skal skipt sem jafnast milli starfsmanna,
eftir því sem föng eru á.
Á yfirvinnu greiðist verðlagsuppbót samkv. 5. gr.
Yfirvinna verður því aðeins greidd, að starfsmaður
sem í hlut á hafi skilað fullum mánaðarstundafjölda.
9. gr.
Engar ívilnanir eða launagreiðslur umfram þær sem
getið er í 1.—8. gr. hér að framan má veita, nema með
sérstöku samþykki bæjarstjórnar.
Nú leggur bæjarsjóður eða stofnanir hans starfs-
manni til húsnæði, ljós, hita, fæði eða annað slíkt og
skal það þá árlega metið af yfirskattanefnd og mats-
verðið dregið frá launum.
Þá skulu þeir menn, sem bærinn leggur til fatnað
vegna starfa þeirra, fá hann ókeypis eftir reglum,
sem bæjarstjórn setur.
10. gr.
Bæjarstjórn setur reglur um mistalningsfé og greiðsl-
ur bifreiðakostnaðar fyrir starfsmenn.
Ennfremur skal 1 reglugerð ákveðið um orlof og
veikindaleyfi starfsmanna.
GREINARGERÐ
Á landsþingi Sambands ísl. sveitarfélaga 1955, var
þeim tilmælum beint til stjórnar sambandsins að hún
hefði forgöngu um samræmingu á launakjörum ýmissa
starfsmanna sveitar- og bæjarfélga. Stjórnin hóf þegar
undirbúning á fulltrúaráðsfundi sambandsins 1956. Á
fundi þessum var samþykkt tillaga þess efnis að fela
stjórn sambandsins að hafa áfram forgöngu um þetta
mál og leita samstarfs ríkis og bæja um lausn þess.
Stjórn sambandsins sneri sér þegar til stjómar
B. S. R. B. og fór þess á leit að hafnar yrðu viðræður
þessara aðila um launamál bæjarstarfsmanna. I des-
ember 1956 barst stjórn sambandsins svar við þessari
málaleitun, á þá leið að B. S. R. B. hefði kosið nefnd
til viðræðna við sambandið um launamál bæjarstarfs-
manna og ættu sæti í nefnd þessari: Sveinbjörn Odds-
son, form. Starfsmannafélags Akraness, Júlíus Björns-
son, varaformaður Starfsmannafélags Reykjavíkur og
Guðjón B. Baldvinsson, ritari B. S. R. B.
Störf nefndarinnar drógust nokkuð og lágu til þess
ýmsar ástæður, m. a. seinagangur í gagnasöfnun, þar
sem hvor aðili safnaði gögnum hjá sínum umbjóðanda.
Einnig var hér um að kenna langvarandi vanheilsu
starfsmanns Sambands ísl. sveitarfélaga. Er lokið var
söfnun gagna tók skrifstofa Sambands ísl. sveitarfélaga
saman heildarskýrslu um launakjör fastra starfsmanna
í kaupstöðum. Var sú skýrsla notuð við samræminguna
hvað flokkun varðar.
Starfsmenn bæjarfélaganna eru margir utan félags-
samtaka, og er því í mörgum bæjum um persónulega
samninga að ræða. Launakjör eru því að ýmsu leyti
mjög ólík, og jafnvel þar sem samningar hafa verið
gerðir, er talsvert ósamræmi, bæði vegna þess að kunn-
ugleika hefir skort um háttsemi í málum þessum hjá
öðrum bæjarfélögum, og ekki síður hitt að einstakling-
ar í svonefndum hærri stöðum, hafa sumir notið þess
við ákvörðun launa þeirra, hver hefir verið þeirra
stjórnmálaskoðun. Það sjónarmið á hvergi að geta
notið sín þegar skipað er 1 launaflokka, nema þá í
bæjarstjóra- eða sveitarstjórastöðumar, sem enn virðist
þykja sjálfsagt að menn séu ráðnir til fremur eftir
stjórnmálaskoðununm en öðrum hæfileikum. Við at-
hugun kom 1 ljós að lítill eða enginn munur var á
launum þeirra, sem samkv. launastiga hinna stærri
bæja var skipað í X.—XIV. launaflokk, og þar sem
munur var fyrir hendi hnigu þó öll rök að því, að hann
skyldi hverfa. Þykir einsætt að þetta muni hvorki valda
misskilningi né árekstrum. Sá hluti, sem fjallar um I.
til IX. launafl. er aftur á móti meira matsatriði, þó að
stuðst hafi verið við launalög ríkisins, launasamþykktir
kaupstaðanna, þar sem þær eru fyrir hendi, og almennt
mat starfanna með hliðsjón af því, sem greitt er í
kaupstöðunum.
Nefndin hefir talið að þau sjónarmið yrðu að ráða,
að sömu laun yrðu greidd fyrir samskonar störf, hvar
sem þau eru unnin á landinu, og hvort sem þau eru
unnin af körlum eða konum.
Þess væntir nefndin að drög þessi geti orðið grund-
völlur til að byggja á við samninga um kaup og kjör
bæjarstarfsmanna, þó að enn sé óunninn sá hluti, sem
snýr að starfskjörum einvörðungu.
Samræmi næst vitanlega ekki fyrr en sú reglugerð
hefir einnig verið unnin, sem vonadi dregst ekki lengi
úr þessu, og hvert bæjarfélag á landinu hefir gengið
frá málum þessum í samráði við starfsmenn sína.
Varðandi flokkunina að öðru leyti viljum vér taka
fram nokkur atriði til skýringar.
ÁSGARÐUR 25