Ásgarður : blað starfsmanna ríkis og bæja - 15.03.1965, Qupperneq 10

á að ráða nýja starfsmenn eða flytja
starfsmenn á milli starfa, svo eitthvað
sé nefnt. Það, sem í starfslýsingunni þarf
að koma fram, er m. a.:
1. Starfsheitið sjálft.
2. Stutt lýsing á starfinu.
3. Eðli starfsins, af hvaða hlutverkum
það samanstendur og hversu löngum
tíma er varið til einstakra verka í
hundraðshlutum vinnutímans.
4. Geta þarf tækja, véla og efna, sem
notuð eru, til þess að betur sé unnt
að gera sér grein fyrir því, hversu
vandasamt og flókið það er.
5. Geta þarf um vinnuskilyrðin og um-
hverfi það, sem starfið er unnið í.
6. Geta þarf um nauðsynlega hæfni,
s. s. menntun og reynslu, sem þarf
til að gegna tilteknu starfi.
Fleiri upplýsinga kann að vera þörf í
starfslýsingunni eftir því, hvaða þætti
ákveðið hefur verið að nota í matinu.
Venjulega er það vinnuveitandinn, sem
lætur semja starfslýsingamar í samráði
við þá, sem störfunum gegna eða fulltrúa
starfshópa. Um uppbyggingu matskerfis-
ins gegnir aftur öðru máli, það er venju-
lega ákveðið sameiginlega af vinnuveit-
anda og starfsmönnum eða samtökum
þeirra, sé um það að ræða. Þegar að sjálfu
matinu kemur, er venjan, að komið sé
á fót matsnefnd, sé um eitt fyrirtæki að
ræða, nefnd, þar sem bæði stjórnendur
og starfsmenn eiga fulltrúa, sem annast
matið. Hugsanlegt er einnig að fela starfið
sérfræðingi. Algengast er, að starfsmats-
kerfið nái til eins fyrirtækis, en ekkert
er til fyrirstöðu, að það geti náð til stærri
heilda.
Er stigafjöldi hefur verið ákveðinn fyr-
ir hin einstöku störf af matsnefndinni, er
störfum hennar lokið, a. m. k. í bili. Hinu
raunverulega mati er þar með lokið.
Að fengnum niðurstöðum starfsmats-
ins liggur næst fyrir, að skipa störfunum
niður í launaflokka og ákveða flokka-
taxtana.
Sambandið milli stigatalna starfanna og
kaupsins má útskýra með línuriti.
Launakúrfan getur verið hvort heldur
bein lína eða bogin eftir því, hver launa-
mismunurinn skal vera. Form hennar og
staðsetning í línuritinu er allssendis óskyld
sjálfu starfsmatinu. Hún segir eingöngu
til um, hversu mikið skuli greiða fyrir
starf, sem metið er á svo eða svo mörg
stig.
Stigabil — launaflokkar
Stigabil Launaflokkur
Lágmark Hámark
0 — 169 1
170 — 195 2
196 — 221 3
222 — 247 4
248 — 273 5
274 — 299 6
300 — 325 7
326 — 351 8
352 — 377 9
378 — 403 10
404 — 429 11
430 — 455 12
456 — 481 13
482 — 500 14
10 ÁSGARÐUR