Ásgarður : blað starfsmanna ríkis og bæja - 15.09.1979, Page 7
Kaupmáttarþróunin
Efri línan, brotna línan, í línu-
ritinu segir hins vegar nokkuð
aðra sögu. Hér sýnum við kaup-
máttarþróun launanna frá 1. júlí
1977, þ. e. deilum framfærslu-
vísitölu í launin á hverjum tíma.
Ef við setjum kaupmáttinn=100
þann 1. júlí 1977, þá eykst hann
1. sept. upp í 100.91 og 1. des.
upp í 101.32, vegna grunnkaups-
hækkana skv. samningi BSRB og
óskertrar kaupgjaldsvísitölu. 1.
mars 1978 fellur kaupmáttur-
inn hins vegar niður í 96.83 og
1. júlí niður í 91.26. Þann 1.
sept. 1978 eykst hann fyrst upp
í 100.17, heldur sér í 100.38
þann 1. des. og líka í 100.10 þ.
1. mars. En nú sígur einnig
þarna á ógæfuhliðina, því að 1.
júní fellur kaupmátturinn niður
í 99.27 og 1. sept. s.l. niður í
97.74 miðað við 100 í upphafi
samningstímans.
Við sjáum hér, að það eru
ekki margir mánuðir frá upp-
hafi samningstímabilsins, þar
sem kaupmátturinn hefur verið
meiri en kaupmátturinn 1. júlí
1977, þ. e. yfir 100, þrátt fyrir
það, að við sömdum um 5 grunn-
kaupshækkanir, sem áttu að
bæta kjörin á tímabilinu, auk
bestu kaupgjaldsvísitölu, sem
BSRB hefur nokkurn tíma samið
um. Ástæður þessa eru skerðing-
ar ríkisvaldsins á þeim samn-
ingum, sem fjármálaráðherra
staðfesti sjálfur með undirs'krift
sinni.
Skipting skerðingarinnar
í grófum dráttur má segja, að
5% þessarar skerðinga séu í
tengslum við svonefndan félags-
málapakka og skattbreytingar í
desember, rúm 4% vegna við-
skiptakjaravísitölu, 1.3% vegna
olíustyrks og um 1 % vegna nýs
vísitölugrundvallar og fleiri
breytinga, sem gerðar voru í
sambandi við svonefnd „Olafs-
lög“, þ. e. lög nr. 13 frá 10.
apríl 1979.
Það skal tekið fram, að hér
er fjallað um kjör í mjög þröngri
merkingu. Ekki er unnt að svo
stöddu að meta áhrif skatta-
breytinga, félagsmálapakka, sem
ekkert hefur gefið opinberum
starfsmönnum, vaxtabreytinga
og launaflokkahækkana svo að
nokkur dæmi séu nefnd.
Hins vegar skýra ofangreind-
ar upplýsingar þá samþykkt
samninganefndar og stjórnar
BSRB, að launin þurfi að hækka
að meðaltali um 10—15% til
þess að samningurinn frá 1977
teljist í gildi. BA.
Samninganefnd og stjórn BSRB ræddu kjaraskerðinguna og samningsaðstöðu bandalagsins á nokkrum fundum.
Þessi mynd var tekin á fundi þessara aðila 12. sept. s.l.
ASGARÐUR
7